Luuka 4:41 - Hapari Zooshapweya

⁴¹ Theenya aarivo atthu awaatta aari owaasaruwaaye masheethwani, anyakulaka araka: “Weeyo o mwaana wa Nluku!” Yinsa khusala amaruwa alikhisaka masheethwani apale ottakhula, maana yo aari ojuwa yoori ye ti Al-Masiihu.

Luuka 4:41 Mawu Ofanana

Matewuzhu 26:63

Ila Yinsa nalelo khwiiya woonyamala. Haakhimu nwulu wa tiini khumuuza yoori: “Kinuuvekela yoori weeyo olaphe khwa Nluku woohaayi, nkhama weeyo o Al-Masiihu, mwaana wa Nluku, onuuze.”

Matewuzhu 4:3

Namazayini khumwaattama khumuuza yoori: “Nkhama weeyo o Mwaana wa Nnyizinku, orume mawe apo athatuwe eeye phaawu.”

Matewuzhu 8:16

Paata ya otupweela njuwa, khutiiseliwa anamasheethwani awaatta, ye khusala eekara masheethwani khwa nttakhuzi lawe khuwaavonisa alwele ooshi.

Matewuzhu 8:29

Aphano, yo khusala anyakula araka: “Onnitakhelani fweeyo Mwaana wa Nluku? Wata okhuno oteela onoopopisa ohinafiye wakathi aya?”

Matewuzhu 8:4

Aphano Yinsa khumuuza yoori: “Vitthu epi ohinthatelele hatha ntthu. Ila olawe, wajithoonyeze wa namalokozela wa tiini na olaze zaakha etile Munsa alupiyeeyo, yoori yiiye oshaahiti.”

Maaruku 1:25

Ila Yinsa khummaruwela araka: “Onyamale, onsaruwe mwinyi otu!”

Maaruku 1:32

Weettelaka oripa, paata ya otupweela njuwa, atthu khuwaathuula alwele ooshi na anamasheethwani khumweettisela Yinsa.

Maaruku 1:34

ye khuwaavonisa awaatta aari ohoochiwaaye pi marati a wakhula nanna. Theenya khwiikara masheethwani awaatta. Ye khaari olikha masheethwani apale ottakhula, maana yo aari onjuwa paani Yinsa.

Maaruku 3:11

Wakhula swaafu masheethwani aari omoonaavo, eetta onkokhorela omaasho wawe na onyakula araka: “Weeyo o Mwaana wa Nluku.”

Luuka 4:39

Ye khwiinama khwiikara hooma etile khunlikha, nasaapiru nunu otule khulankha khusala awaarumeyela.

Yaahaya 20:31

Ila epi zaatikhiwa yoori mweeyo mwikhupali yoori Yinsa ti Al-Masiihu, Mwaana wa Nluku na yoori amana mwinkhupali mwiiyane ohaayi khwa nzina lawe.

Tiyaaku 2:19

Weeyo onkhupalela yoori Nluku ori mmote paasi? Ti yooshapweya weeyo okhupalela toowo. Na masheethwani ankhupalela na anthukumela.