Luuka 4:23 - Hapari Zooshapweya

²³ Yinsa khuwooza yoori: “Khweele mweeyo mwinlawa mwakuuze kittaphi mmote enraaye toono: ‘Tothoro, ojivonise omweenyewe!’ Orette mmuti mwawo mphu minjuza nisiiliyeeyo epile orettiyeezo Kafwaranaawu.”

Luuka 4:23 Mawu Ofanana

Matewuzhu 13:54

Noofiya sitati aari wiikhalaaye, khwaaza owaasomisa atthu nsinakooka. Atthu ooshi khwiiya ooshanka, khusala oozela yoori: “Akhili epi apattha vayi na owahi wa oretta minjuza?

Matewuzhu 4:13

Khulaawo Nazareeti khulawa khwiikhala Kafwaranaawu, yaari nshini wa pahari, nti wa Zebulooni na Nafitaali,

Matewuzhu 4:23

Yinsa eettettiye Kalileya yooshi asomisaka mmasinakooka, atafusiraka hapari zooshapweya za ofwalume na avonisaka marati ooshi vakatthi wa atthu.

Maaruku 6:1

Yinsa khulaawo okhule waya, khweetta sitati ya owawe, anakhiyoni awe khusala amperekha.

Luuka 2:39

Yuusufu na Mariyamu nawiisha oretta zooshi epile zaari orumaazo kano ya Mbwana, khurutela Kalileya sitati ya Nazareeti owaya.

Luuka 2:51

Yinsa khurutela nti wa Nazareeti na papaawe na mamaawe khusala awaashututela. Mamaawe aari othokorela vitthu epile zooshi nroho mwawe.

Luuka 4:16

Khulawa mpakha sitati ya Nazareeti ohali aleliweewo. Siikhu ya saapatu khweetta nsinakooka nkhama etthiipo aazowereliyeezo. Khulankha yoori asome.

Luuka 4:31

Paata ya toole Yinsa khwiishukhela Kafwaranaawu, sitati ya Kalileya, khusala awaanozela siikhu ya saapatu.

Luuka 4:35

Yinsa khummaruwela sheethwani araka: “Onyamale, oleemo mmwiili wa mwinyi otu!” Attaaphale sheethwani khunkwisela vathi ntthu otule vakatthi wa atthu, khumwaattuwa woohinvulalisi.

Luuka 6:42

Enrettikhana toovi weeyo omuuza nzaawo yoori: ‘Ttwiiyaku, nkankaani kuulaze etutu eto eriiye mmaasho mwawo’, na khupe weeyo ohiwahaka woona lipikhi liriiye mmaasho mwawo? Naafikhi! Olazemo khapula lipikhi liriiye mmaasho mwawo, toowo ontta woona saana, khuwahi olazamo etutu eriiye mmaasho wa nzaawo.

Yaahaya 4:28

Aphano muukha otule khulikha yuuku yawe khurutela ositati khuwooza atthu yoori:

2 Akorintiyu 5:16

Khwa etthiipo, waaza nasaapi mpakha ninttaawo, khaavo theenya ninintthanttaaye na shawuri za onaatamu, na hatha raku Al-Masiihu nanjuwa khwa nanna ethiito, ila nasaapi eti khanininjuwa toowo.