Luuka 4:15 - Hapari Zooshapweya

¹⁵ Aari osomisa mmasinakooka, atthu ooshi khusala anttottopela.

Luuka 4:15 Mawu Ofanana

Matewuzhu 13:54

Noofiya sitati aari wiikhalaaye, khwaaza owaasomisa atthu nsinakooka. Atthu ooshi khwiiya ooshanka, khusala oozela yoori: “Akhili epi apattha vayi na owahi wa oretta minjuza?

Matewuzhu 4:23

Yinsa eettettiye Kalileya yooshi asomisaka mmasinakooka, atafusiraka hapari zooshapweya za ofwalume na avonisaka marati ooshi vakatthi wa atthu.

Matewuzhu 9:35

Yinsa aari weettetta sitati zooshi na mmwanttiwa. Ye aari osomisa mmasinakooka, na olaleya hapari monkoni wa Ofwalume wa Nluku, na ovonisa wakhula nanna ya marati na moolwele mawulweene a atthu.

Matewuzhu 9:8

Paata ya atthu woona vitthu epile khuwaapattha woova, khunsifu Nluku, awenkhiyeeyo anaatamu ofwalume nkhama opo.

Maaruku 1:27

Atthu ooshi khwiiya ooshanka mpakha khufiyelela wuuzelana atthaaporu yoori: “Niini epi zaya? Masomi mapheya antanaaye ofwalume! Mpakha onruma masheethwani yo khunshututela!”

Maaruku 1:39

Aphano ye khweettetta Kalileya yooshi eettaka otafusiri nsinakooka na eekaraka masheethwani.

Maaruku 1:45

Ila mwinyi otule khusala alawa na khwaaza olaleya vitthu epile na omwaza hapari. Mwaasa wa vitthu epile, Yinsa khuhisala awahi theenya weetta nsitati, ila khwiikhala othetekele puuro yawiitthaaleyavo. Khusala ata atthu wakhula phantte oteela okutthanana Ye.

Luuka 13:10

Siikhu ya saapatu, Yinsa eetta osomisa nsinakooka.

Luuka 4:16

Khulawa mpakha sitati ya Nazareeti ohali aleliweewo. Siikhu ya saapatu khweetta nsinakooka nkhama etthiipo aazowereliyeezo. Khulankha yoori asome.