10 Atthu khusala amuuzela araka: “Apho nirette niini?”
Khulankha anamariphisa lumpuru yoori alawe oosiwe khumuuzela Yaahaya yoori: “Mwaaliimu, khi fweeyo nirette niini?”
Anajanka nayo khumuuzela yoori: “Khi fweeyo niri toovi?” Khuwaajipu yoori: “Mwihiwaanyakanye atthu mwiroromelaka kuvu zenu, wala mwihiwaalokoveze vitthu zohiiyi etthiipo, mwishukhurwele ethiito mwimpatthaaye.”
Mwirette vitthu enthoonyezaaye yoori khweele mwathupwiya, mwihijilupeze yoori ‘Eburahiima ti papeetthu.’ Miiyo kiniwuuzani yoori khwa liwe ntthi Nluku onwahi owaattala aana a Eburahiima.
Aphano khuwaasarulela vaje khuwoozela yoori: “Mamwinyi, kirette ni yoori kuusurukhe?”
Paata yoosiila mattakhuzi apale, khukafilikha nroho mwaya, khumuuzela Pheeturu na maaswihaapa apale akinaaya yoori: “Attwiizetthu, apho niri je?”
Pheeturu khuwaajipu araka: “Mwithupwiye na moosiwe wakhula mmote wa mweeyo khwa nzina la Yinsa Al-Masiihu yoori mwipatthe nswammaha wa twampi zenu, mwintta opokhera tthuvo ya Rooho Ttakatthiifu.
Olankhe olawe ositati, ottuukho onttela wuuziwa etthu yooretta.”
