Luuka 24:44 - Hapari Zooshapweya

⁴⁴ Nawiisha khulupa yoori: “Pi etthiipi kaawuuziyeenini wakathi opule kaari vamote na mweeyo, yoori zaarina yoorettikhana zooshi epile zaatikhiweeyo khwa miiyo nkithaapu ya kano ya napiyu Munsa na kithaapu za manapiyu akina na Zaapuura.”

Luuka 24:44 Mawu Ofanana

Mwanzo 14:18

Aarivo mfwalume wa nti wa Salemu, aari wiitthiwaaye Melikizeteekhi. Khutiisa phaawu na viinyu. Ye aari namalokozela wa tiini ya Nluku Nwulu wa Pinkuuni,

Mwanzo 22:18

Atthu ooshi a voolumwenku anteela oparikhiyiwa, mwaasa wa ojama awo, maana weeyo wakishututela.”

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Mwanzo 49:10

Khweele Yuuda khanteela onyakanyiwa ofwalume awe, wala pakhora yoofwalume eriiye mmwinyoka mwawe, mpakha ate mweenyewe ofwalume, otu anttelaaye oshututeliwa pi atthu ooshi.

Matewuzhu 1:22

Zarettikhana zooshi epo, yoori ziretteye zooshi epile Mbwana alupiyeeyo khwa napiyu yoori:

Matewuzhu 16:21

Waaza wakathi otthuupule, Yinsa khwaaza oweeleza anakhiyoni awe yoori yaari ohithajiya olawa Yeruzaleemu ahoochaniwe vitthu zawaatta mmakhono wa attunkhulu a tiini, mahaakhimu a tiini na anamanozela a kano, ooliiwe, siikhu ya ttaatthu asisimuwe.

Matewuzhu 26:54

Nkhama etthiipo enlupaaye Zawaatikhiwa Ttakatthiifu yoori vitthu epi zaarina ya orettikhana nkhama nanna ethiiti?”

Matewuzhu 26:56

Ila zooshi epi zarettikhana yoori emarisele zawaatikhiwa za manapiyu.” Aphano anakhiyoni ooshi khumwanswi na khuntthira.

Maaruku 9:31

maana eetta owaasomisa anakhiyoni awe na awoozaka yoori: “Mwaana wa Pinaatamu onsaleela winkheleliwa mmakhono wa anaatamu. Yo anlawa amuule, ila siikhu ya ttaatthu onlawa asisimuwe.”

Luuka 21:22

Maana siikhu zaya epo enttela wiiya siikhu za hukhumu khuluyeene yoori erettikhane zooshi epile zaatikhiweezo.

Luuka 22:37

Nkhama etthiipo Nttakhuzi la Nluku linlupaazo yoori: ‘Ye onaalakiwa nkhama anamavonya.’ Miiyo kiniwuuzani khweele yoori sharuthi vitthu epi zirettikhane khwa miiyo, maana etile yaatikhiweeyo monkoni wa miiyo ena yoorettikhana.”

Luuka 24:46

Khuwooza araka: “Yaatikhiwa yoori Al-Masiihu aarina yoohoowa na siikhu ya ttaatthu osisimuwa vakatthi wa ananfwa,

Luuka 9:22

Khuwooza araka: “Mwaana wa Pinaatamu aarina ya ohoochiwa pi vitthu zawaatta na okatthaliwa pi attunkhulu a tiini na mahaakhimu a tiini mpakha anamanozela a kano, onlawa ooliiwe. Siikhu ya ttaatthu asisimuwe.”

Luuka 9:44

“Mwisiileze saana mattakhuzi apa kiniwuuzaanini: Mwaana wa Pinaatamu onttela winkheleliwa mmakhono wa anaatamu.”

Yaahaya 3:14

Nkhama etthiipo Munsa alansiyeeyo nyookha n'yaara, etthiipo theenya enihithajiya Mwaana wa Pinaatamu wiiya woolansiwa,

Yaahaya 5:39

Mwinsoma Zawaatikhiwa Ttakatthiifu, maana mwinoona yoori khwa yo mwinaaye ohaayi wa mileele, ila pi etthiipo zinikilawelaaye oshaahiti,

Yaahaya 5:46

Eriwaka mwaari okhupalela epile Munsa alupiyeeyo, mweetta okikhupalela na miiyo, maana ye aatikha vitthu monkoni wa miiyo.

Khaazi 13:33

ye anirettela fweeyo naana awe, khunsisimula Yinsa nkhama etthiipo zaatikhiweezo Nzaapuura yoori: “ ‘Weeyo o mwanaka; leelo na miiyo karetteya wiiya papaawo.’

Khaazi 13:40

Mwijinanele yoori zihuurettikhaneleni epi alupiyeezo manapiyu:

Khaazi 2:27

maana khunteela okanswi nkhapuri wala khunteela onkhupalela Nttakatthifu awo ovutta mwiili awe.

Khaazi 3:18

Ila Nluku aretta etile yaalupiweeyo raku pi manapiyu ooshi araka: Al-Masiihu awe aari oteela ohoowa.

Khaazi 7:37

“Na aari Munsa othuuto awooziyeeyo meezirayiilu yoori: ‘Nluku onlawa ampuwise khwa attwiizenu napiyu mmote nkhama miiyo.’

Meepereewu 10:1

Kano za Munsa mwiivuuli wa vitthu zooshapweya zaari otaaye, ila zohiiyi za ekhweele yaya. Tiito kano khazina makhaamu ya owaakhamilikhisa apale animwaattamaaye Nluku khwa enakatthi ya twaha etthiipo zinrettiwaaye woohilikheleliwi, mwaakha khwa mwaakha.

Meepereewu 3:5

Na Munsa aari wa waamineya nkhama karumeya khwa nyuupa yooshi ya Nluku, na olawela oshaahiti khwa vitthu zooshi zaari weettelaaye olupiwa.

Meepereewu 7:1

Melikizeteekhi oto aari mfwalume wa sitati ya Salemu na namalokozela wa tiini ya Nluku Nwulu wa Pinkuuni. Ye aakutthananiye Eburahiima wakathi aari orutaavo paata ya owaashintta afwalume. Melikizeteekhi khumparikhiya.

Meepereewu 9:8

Khwa nanna etthiipo, Rooho Ttakatthiifu yaari othoonyeza yoori nalelo yaari ehinapuwewo tarikhi ya puuro ttakatthiifu, mwaasa wa wiiyavo mwimpari opule wamwanzo.

1 Pheeturu 1:11

eekesaka ojuwa wakathi na vitthu zinttelaaye orettikhana etthiipo zaari othoonyaaye Rooho ya Al-Masiihu, etile yaari khwa yo, ewenkhaka ohupiri monkoni wa ohoowa wa Al-Masiihu na siifwa zaari weettelaaye olottela ohoowa opule.

Othoonyeziwa 19:10

Aphano miiyo kikwela nshini wa moolu a nlayikha yoori kaaputu, ila khukuuza yoori: “Ohirette etthu eto! Ki karumeya nkhama weeyo na nkhama attwiizo apale ari nkatthi wa waamineya khwa oshaahiti wa Yinsa. Omwaaputu Nluku! Oshaahiti wa Yinsa rooho ya ohupiri.”