Luuka 24:30 - Hapari Zooshapweya

³⁰ Wakathi eekhaliyeevo vameeza vamote na atthaapale awiri, khuthuula phaawu khuparikhiya, khumeya khuwenkha.

Luuka 24:30 Mawu Ofanana

Matewuzhu 14:19

Khuruma yoori atthu apale eekhale va nyaani, khuthuula phaawu epile thaanu na swi epile piiri, khweekesa otulu, khuparikhiya. Khumeya phaawu epile. Elottelanaka khuwenkha anakhiyoni awe, yo khusala awenkha atthu.

Matewuzhu 15:36

Khuthuula phaawu epile sapa na swi khushukhurwela khumeya khuwenkha anakhiyoni awe, khusala awaawanyeza atthu.

Matewuzhu 26:26

Eettaka oja, Yinsa khuthuula phaawu, khuparikhiya, khumeya na khuwenkha anakhiyoni awe araka: “Mwithuule na mwirafune; opu mwiili aka.”

Maaruku 14:22

Eettaka oja, Yinsa khuthuula phaawu, khuparikhiya, khumeya, khuwenkha anakhiyoni awe na khuwooza yoori: “Mwithuule; opu mwiili aka.”

Maaruku 6:41

Athuuliyeevo phaawu epile thaanu na swi piiri khweekesa pinkuuni khuparikhiya. Nawiisha khumeya phaawu epile khuwenkha anakhiyoni awe yoori awaawanyeze atthu apale. Theenya khuwaawanyeza swi epile piiri ooshi aya.

Maaruku 8:6

Ye khuwaaruma atthu apale yoori eekhale vathi. Elottelanaka khuthuula phaawu epile sapa, khunshukhurwela Nluku, khumeya khuwenkha anakhiyoni awe yoori awawanyele atthu apale. Yo khuretta etthiipile,

Luuka 22:19

Athuuliyeevo phaawu, khunshukhurwela Nluku, khumeya khuwenkha khuwooza yoori: “Opu mwiili aka onttelaaye ovahiwa khwa mweeyo. Mwisala mwiretta etthiipi mwikifikhiraka miiyo.”

Luuka 24:29

Ila yo khunkhanyarela araka: “Wiiye attaapha na fweeyo, njuwa linttela otupweela waripa.” Apho Yinsa khuvira nnyupa khwiiya vamote na yo.

Luuka 24:35

Nayo apale awiri khusala alupa epile ooniyeezo ntarikhi na nanna anjuwiyeezo Mbwana wakathi ameyiyeevo phaawu.

Luuka 9:16

Khuthuula phaawu thaanu na swi epile piiri khweekesa otulu, khuparikhiya, khumeya khuwenkha anakhiyoni awe yoori awaawanyeze atthu apale.

Yaahaya 6:11

Aphano Yinsa khuthuula phaawu khunshukhurwela Nluku, khwaawanya na khuretta etthiipo khwa swi, wakhula ntthu khwa khiima aari otakhaaye.

Khaazi 2:42

Yo aari ooshututela masomi a maaswihaapa na osiilana, na oretta njampo la mwiili na taamu, na lompa.

Khaazi 2:46

Yo aazowereliye okusanyeya wakhula siikhu Nnyupa Woosifwiwamo, na oretta njampo la mwiili na taamu vamote nyuupa khwa nyuupa, oja zoojiwa zaya na furaha khuluyeene na rooho ya ekhweele,

Khaazi 27:35

Alupiyeevo mattakhuzi apale, khuthuula phaawu khunshukhurwela Nluku vakatthi wa ooshi aya. Aphano khumeya khwaaza orafuna.