33 Noofiya puuro eniitthiwaaye Kalavaariyu, Yinsa khukhomeliwa na anazompere apale awiri, mmote nkhono nlume nkina nkhono nkha.
Anapwa akizukulela na khuntti ya anaatamu ootakhala rooho akijekelela, attiwula makhono aka na moolu aka.
enkheleliwe mmakhono wa amalapo anveyise, anjaphe na akhomeliwe. Ila siikhu ya ttaatthu asisimuwe.”
“Nkhama mwinjuwaazo, ensaleela siikhu piiri ofiya siikhu ya njampo la Paashikowa, Mwaana wa Pinaatamu onttela winkheleliwa yoori akhomeliwe.”
Aalupiye yoori: ‘Mwaana wa Pinaatamu ona ya winkheleliwa mmakhono wa anatwampi, akhomeliwe vansalapa, siikhu ya ttaatthu asisimuwe.’ ”
Epo zaarettikhaniye toowo yoori emarisele mattakhuzi apale Yinsa aalupiyeeyo, wakathi aari ottakhulaavo monkoni wa nanna aari weettelaazo ofwa.
Nkhama etthiipo Munsa alansiyeeyo nyookha n'yaara, etthiipo theenya enihithajiya Mwaana wa Pinaatamu wiiya woolansiwa,
Paata ya oretta zooshi zaatikhiweezo monkoni wa ye, khulaziwavo vansalapa aphale khutthiiwa nlikurakuza.
Othuuto enkheleliweeyo khwa shawuri Nluku atthomiyeezo rakuzeene khwa ojuwa wawe, ila mweeyo khukusanyeya na atthu ootakhala rooho khunkhomela vansalapa khumuula.
Nluku wa amarehemu apaapa zeetthu ansisimula Yinsa othuuto mwimuuliyeeyo khunkhomela vansalapa.
Yaatikhiwa yoori: “Woolanikha ti otule wooshi athomeyiweeyo vansalapa.” Tiito Al-Masiihu khujiretta wiiya namalaanikha khwa zwaamu yeetthu fweeyo, na arettiyeevo toowo Ye anilaza nkatthi wa laana za kano.
Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.