21 Ila atthu khusala anyakula venkivene araka: “Akhomeliwe, akhomeliwe!”
Yo khunyakula araka: “Akhomeliwe!”
Aphano Pilaatu khurutela owooza atthu, atakhaka onleva Yinsa.
Pilaatu khuuzela swaafu ya ttaatthu: “Niini arettiyeeyo yootakhala? Miiyo akinimoonana hatha paathuli yoosuhi wuuliiwa. Kinruma yoori mwinhukhumu nawiisha kinfukule.”
Ila yo khusala anyakulaka avekaka yoori Yinsa alawe akhomeliwe, akhanyarela onyakula.
Ila yo khusala anyakula araka: “Onsarulele oje! Onsarulele oje! Akhomeliwe!” Pilaatu khuuzela yoori: “Kinkhomele mfwalume enu?” Mahaakhimu a tiini khujipu araka: “Khanina mfwalume fweeyo woohiiyi Seezari!”
Hatha ahimoonaneeni etthu ya paathuli yawuuleliwa, anvekeliye Pilaatu yoori ooliiwe.