Luuka 21:36 - Hapari Zooshapweya

³⁶ Mwiiye woojeekesela na olompa wakhula wakathi, yoori zuuwerawereni vitthu zaya epo zinttelaaye orettikhana na yoori mwapatthe weemela omaasho wa Mwaana wa Pinaatamu amana ata.”

Luuka 21:36 Mawu Ofanana

Zaapuura 1:5

Tiito makaafiri siikhu ya ophukiwa khanteela wiiyana hatha etthu yoolipana, anatwampi anteela ophakuliwa mmuti wa apale aninshututelaaye Nnyizinku.

Matewuzhu 24:42

“Nakataalikha, mwijeekesele, maana khamwinjuwa siikhu anttelaaye ota Mbwana enu.

Matewuzhu 24:43

Ila eweeleyeni vitthu zaya epo; maana, mweenyewe nyuupa eriwaka eetta ojuwa wakathi antaaye natarawu, eetta oojeekesela na khaari olikhelela opwechiwa nyuupa yawe.

Matewuzhu 24:44

Tiito, mweeyo theenya mwiiye woojilikanisa, maana wakathi antaavo Mwaana wa Pinaatamu pi opule mwihinaakhipwelaaye.

Matewuzhu 25:13

“Nakataalikha, kiniwuuzaanini yoori mwijeekesele, maana mweeyo khamwinjuwa siikhu wala wakathi aya.

Matewuzhu 26:41

Mwijeekesele na mwilompe yoori mwihikwele muuzayiniwa. Rooho ti yookhomaala ila mwiili pi woottettheya.”

Matewuzhu 8:20

Yinsa khunjipu araka: “Ananthala anaaye maphotto aya anyannyi anaaye vijaaro zaya, ila Mwaana wa Pinaatamu khana vahali woovumulisavo eeshwa yawe.”

Maaruku 13:33

Phoole, mwiiye woojeekesela, maana khamwijuweeni ofiya wa wakathi aya opo.

Maaruku 13:37

Epile kiniwuuzaanini, kiniwuuzani mooshi: Mwijeekesele!”

Luuka 1:19

Khujipu nlayikha liraka: “Miiyo ki Jipiriilu, kiniiya vamote na Nluku, akiruma yoori kite kiwuuze hapari epi zooshapweya.

Luuka 18:1

Yinsa khuwooza anakhiyoni awe nlikaniso mmote yoori aarina yoolompa woohilikheleli wala woohinyoonyeyi.

Luuka 20:35

Ila atthu apale anttelaaye osuhi olawa pinkuuni noosisimuwa muufwa, khanlawa oloola wala oraliwa,

Luuka 21:35

Maana siikhu yaya eto enttela owaatela atthu ooshi a voolumwenku.

Khaazi 10:2

Ye na ajamaaze ooshi aari emaani na oomoova Nluku; aari owaatthantta venkivene anamathowiwa na aari omwaaputu Nluku wakhula wakathi.

1 Akorintiyu 16:13

Mwiiye woojeekesela, mwikhomaale nkatthi wa amini, mwiiye atthu ominyala, mwiiye ookhomaala.

2 Akorintiyu 4:14

Maana najuwa yoori otule ansisimuliyeeyo Mbwana Yinsa muufwa, theenya onlawa anisisimule na Yinsa na anithoonyeze vamote na mweeyo omaasho wawe.

Akoloosu 4:2

Mwikhanyarele olompa, mwiiye oojisiileza na ooshukhuru.

1 Atizaloonika 5:17

Mwilompe woohilikheleli.

2 Timootiyu 4:5

Ila weeyo ojithuze khwa wakhula etthu, ovilele ohoowa, okhole khaazi ya onamalaleya okhole sawasawa khaazi Nluku awinkhiyeeyo.

1 Pheeturu 4:7

Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.

1 Pheeturu 5:8

Mwiiye oojisiileza na mwijeekesele. Sheethwani, atuwi enu, onzukulela akulumaka nkhama siipa amweekesaka ntthu yoori amwankameze.

1 Yaahaya 2:28

Aphano aanaaka, mwilipane ye, yoori amana ofiya wakathi awe woota nipatthe ororomela, na nihiiye woopatthiwa ti haaya siikhu antaavo.

Yuuda 1:24

Khwa otule eeyiyeeyo wa owahi yoori ookattazeni muukwakwanttuwa na yoori oothonyezeni nsiifwa mwawe woohiina hatha nlepa na furaha khuluyeene,

Othoonyeziwa 11:4

Apo aya miitthi miwiri za oluveera na khantteya piiri ziriiye omaasho wa Mbwana va tuniya apha.

Othoonyeziwa 6:17

Maana yafiya siikhu khuulu ya katapu yaya yo; paani anttelaaye ovilela?

Othoonyeziwa 7:9

Paata ya toowo keekesa, koona khuntti khuluyeene yahaari owahaaye waalakeya, khwa khapila zooshi, mahimo, atthu na luuka, ziri omaasho wa khukulu na ya Pwittipwitthi, ewaliye kuwo zoolakala na ekholeliye virapi za mirita mmakhono mwaya.

Othoonyeziwa 8:2

Miiyo khoona malayikha sapa ari aweemela omaasho wa Nluku; yo khwinkhiwa malope sapa.