Luuka 21:34 - Hapari Zooshapweya

³⁴ Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

Luuka 21:34 Mawu Ofanana

Mwanzo 19:32

Nlawe nithuule viinyu ninnywise papeetthu ahapaliwe, niwahi orapalelana anivokolele aana, yoori ojama wa papeetthu ohiishe.”

Mwanzo 19:35

Osikhu otthuupule khumwinkha papaaya viinyu swaafu ya phiiri, na ye otu nttiitthi aya khulawa khulala na, theenya papantthu khuhijuwi wakathi arapaleliyeevo wala alankhiyeevo.

Mwanzo 27:14

Aphano ye khulawa khuthuula puuzi khuntiisela mamaawe, khwiipikha wootuvavo yaari weettelaaye ontuvela papaawe.

Matewuzhu 13:22

Etile yaakweliyeeyo va miiwa, pi apale ansiilaaye nttakhuzi, ila mwaasa wa tafwawuthi za ohaayi, na ottettekha wa maali entta owaakhupa, ahifiyelelaka wiima mishumo.

Maaruku 13:9

“Mweeyo mwiiyane phoole, maana mwinlawa mwenkheleliwe wa anamaphuka na mwinlawa mwajaphiwe mmasinakooka, na mwilawaniwe wa misatoro na wa afwalume, mwaasa wa miiyo, yoori mwiiye mashaahiti.

Maaruku 4:19

ila, amana ziwaapuwelelaka tafwawuthi za ohaayi, tuvela za maali na otakha kiina, vitthu zaya epo enshawa nttakhuzi na ahifiyelelaka wiima mishumo.

Luuka 10:41

Mbwana khunjipu yoori: “Weeyo Maarata washukulikha na wajikhaza na vitthu zawaatta.

Luuka 12:40

Mweeyo theenya mwiiye woojilikanisa, maana wakathi antaavo Mwaana wa Pinaatamu pi opule mwihinaakhipwelaaye.”

Luuka 17:3

Mwiiyane phoole! Ttwiiyo amana ookosa, onshowere; amana athupwiya, onswaamihi.

Luuka 21:35

Maana siikhu yaya eto enttela owaatela atthu ooshi a voolumwenku.

Luuka 21:8

Yinsa khuwaajipu yoori: “Phoole! Mwihihatiwe, maana anlawa apuwe atthu awaatta araka, ‘Al-Masiihu ti miiyo!’ Ama ‘wakathi wafiya!’ Ila mwihiwaalotte apo aya.

Luuka 8:14

Peewu epi zaakweliiye va miiwa, zinlikanisaniwa atthu apale ansiilaaye, ila mwaasa wooshukulikhela opattha tuvela na haali za meekhazi, yo waamini waya vattiitthi-vattiitthi onzima, ahifiyelelaka wiima mishumo.

1 Akorintiyu 5:11

Ila nasaapi kiniwaatikhelani yoori mwihiiye wookusanyeya na wakhula otule anjilupezaaye wiiya ttwi, ila arettaka khaapa twayifu, namakhwiririwa, namwaaputu sanamu, mmwanomwaano, nanhapaliwa ama nantarawu. Atthu aya apo wala mweeyo mwihijane.

1 Akorintiyu 6:10

wala manantarawu, asokho, ananhapaliwa, amwanomwaano wala anamattettekha khanteela orithi ofwalume wa Nluku.

Akaalata 5:20

sanamu, oshawi, ohisiilani, onyakulisana, wiivu, katapu, ojikhutupula, omwazeyana, ovalulana,

Afiliipu 4:6

Mwihishukulikhele hatha etthu, ila mwinvekele Nluku khwa lompa na oveka yooshi etile mwinhithajiyaaye na rooho ya oshukhuru.

Meepereewu 12:15

Mwiiyane phoole yoori ahiiyevo hatha mmote wa mweeyo anttelaaye ojilazamo nrehema ya Nluku, wala ahiiyevo anjirettaaye wiiya nkhama ntathaari woowaawa onttelaaye woottha owantipuni, na owaakwakhulisa atthu awaatta.

2 Pheeturu 3:10

Nakataalikha, siikhu ya ota wa Mbwana, enteela opuwa nkhama nantarawu. Pinku enteela ozimweela na onyakula saaneene, vitthu epile za otulu enttela otapanyeya mwaasa wa nkukuku. Olumwenku na zooshi ziriimo zinteela waashikha.

2 Pheeturu 3:14

Khwa ethiito, aphetani aka, mwiwejaka vitthu zaya epo, mwijilipise yoori Nluku oosikaneni mwihina nlepa, mwihina twampi na mwirina heeri.

Othoonyeziwa 3:3

Nakataalikha, muupuwele etile mwipwekhereliyeeyo na mwisiiliyeeyo: mwishututele na mwithupwiye. Ila amana mweeyo mwihijeekeseli, kinttela ota nkhama nantarawu, mweeyo khamwinteela ojuwa wakathi kinttelaaye wuuteelani.