Luuka 18:14 - Hapari Zooshapweya

¹⁴ “Miiyo kiniwuuzani yoori, namariphisa lumpuru aalawiye owawe ari woohakikhiwa ti Nluku, ila otule nkina wala. Maana otule anjiwulisaaye ontta opushuwisiwa, ila otule anjipushuwisaaye ontta owulisiwa.”

Luuka 18:14 Mawu Ofanana

Olaawo 18:11

Aphano kajuwa yoori Nnyizinku nwulweene zayita miluku zooshi, maana khwa vitthu epile aari ojikhutupulanaaye atapanya.”

Matewuzhu 23:12

Otule anjiwulisaaye ontta opushuwisiwa, otule anjipushuwisaaye ontta owulisiwa.

Matewuzhu 5:3

“Ooparikhiyiwa pi apale eeyiye asikhini nroho, maana ofwalume wa pinkuuni pi waya.

Luuka 1:52

Awaalaza afwalume va khukulu vaya khuwaalansa atthu apale oojipushuwisa.

Luuka 10:29

Ila namanozela wa kano otule aari otakha ojihakikhi khumuuzela Yinsa theenya yoori: “Namwaattamanani aka ti paani?”

Luuka 14:11

Maana wakhula otule anjiwulisaaye ontta opushuwisiwa, na otule anjipushuwisaaye ontta owulisiwa.”

Luuka 16:15

Aphano ye khuwooza yoori: “Mweeyo pi apale oojoona wiiya anashariya vakatthi wa atthu, ila Nluku onjuwa rooho zenu. Etile atthu anoonaaye wiiya ya fwayita, omaasho wa Nluku ti yootaraweya.

Arooma 3:20

Nakataalikha, khaavo anttelaaye ohakikhiwa omaasho wa Nluku khwa khaazi za kano. Maana khwa kano najuwa twampi.

Arooma 4:5

Olikha toowo, otule ahinkholaaye khaazi za kano, ila ankhupalaka Nluku, aninhakikhaaye kaafiri, amini yawe enkhupaleliwa nkhama shariya.

Arooma 5:1

Aphano nihakikhiweevo ti Nluku khwa amini, ninaaye heeri na Nluku khwa Mbwana eetthu Yinsa Al-Masiihu.

Arooma 8:33

Paani ariina ruhusa ya owaalokoveza ananthawuliwa a Nluku? Nluku ti aniwaahakikhaaye.

Akaalata 2:16

Ila ninjuwa yoori pinaatamu khanihakikhiwa mwaasa wa oretta etile kano enrumaaye, ila khwa amini ya Yinsa Al-Masiihu, na fweeyo theenya namayaahuuti nankhupali Yinsa Al-Masiihu yoori nipatthe ohakikhiwa ti amini khwa Al-Masiihu. Khahiyo mwaasa wa mwentto wa kano, maana khina ntthu anttelaaye ohakikhiwa ti kano.

Tiyaaku 4:10

Mwijipushuwise mmakhono wa Nluku ye ontta wuuwulisani.

Tiyaaku 4:6

Ila Ye oninkha rehema yawe yooziti. Tiito zawaatikhiwa zinlupaaye yoori: Nluku khantuveliwa pi apale oojikhupali, ila oniwenkha rehema apale oojipushuwisa.