Luuka 17:30 - Hapari Zooshapweya

³⁰ “Enttela orettikhana etthiipo siikhu anttelaavo othoonyeziwa Mwaana wa Pinaatamu.

Luuka 17:30 Mawu Ofanana

Matewuzhu 16:27

Apho Mwaana wa Pinaatamu onlawa ate nnuuru wa Papaawe na malayikha awe, amwinkhe phakari wakhula ntthu khwa etile arettiyeeyo.

Matewuzhu 24:3

Wakathi Yinsa eekhaliyeevo va Mwaako Oluveera, anakhiyoni khulawa khwiitthaalana othetekele na khunvekela yoori: “Nkanuuze, zinttela orettikhana lini vitthu zaya epo, wala amana otaaka, alama ni enttelaaye wiiyavo na alama ni ya mwiisho wa olumwenku?”

Matewuzhu 24:37

Nkhama etthiipo zaarettikhaniyeeyo wakathi wa Nuuhi, enttela wiiya etthiipo etelo ya Mwaana wa Pinaatamu.

Matewuzhu 24:39

Yo kayaweliyiye hatha etthu mpakha wakathi otiiyeevo nnyeri na khuwaathuula ooshi. Enttela orettikhana etthiipo ota wa Mwaana wa Pinaatamu.

Matewuzhu 26:64

Yinsa khujipu yoori: “Weeyo walupa. Ila miiyo kiniwuuzani mooshi mweeyo yoori, enttela ofiya siikhu mwinttelaaye omoona Mwaana wa Pinaatamu eekhaliye nkhono nlume wa Nwahi Zooshi, ataaka khwa mawiku a pinkuuni.”

Maaruku 13:26

“Aphano, mwinttela omoona Mwaana wa Pinaatamu ataaka mmawiku na owahi nwulweene na siifwa.

Luuka 17:24

Nkhama etthiipo taari enzerimaaye phantte moote yeettaka phantte kiina, enteela wiiya etthiipo siikhu anttelaaye ota Mwaana wa Pinaatamu.

Luuka 17:29

Wakathi Loothi aliiyeewo Sotooma, khukwa vuula pinkuuni ya moottho na oka, khuwoola atthu ooshi.

Luuka 21:22

Maana siikhu zaya epo enttela wiiya siikhu za hukhumu khuluyeene yoori erettikhane zooshi epile zaatikhiweezo.

Luuka 21:27

Aphano onttela wooneya Mwaana wa Pinaatamu ataaka enakatthinakatthi ya mawiku na owahi na siifwa khuluyeene.

1 Akorintiyu 1:7

khwa nanna ehinuusaleeleenini hatha tthuvo ttakatthiifu, mwiwejelaka othoonyeziwa wa Mbwana eetthu Yinsa Al-Masiihu.

1 Akorintiyu 1:8

Ye onuukholelelani mpakha mwiisho, woohiina paathuli mpakha siikhu ya ota wa Mbwana eetthu Yinsa Al-Masiihu.

Akoloosu 3:4

Al-Masiihu, otule eeyiye ohaayi enu, amana athoonyeziwa, aphano mweeyo theenya mwinlawa mwathoonyeziwe na ye mu ottitthima mwawe.

2 Atizaloonika 1:7

na oniwinkhani ovumula mweeyo mwintaneliwaaye miswipa na khwa fweeyo theenya. Epo zinttela orettikhana amana Mbwana Yinsa ajithoonyeza pinkuuni na malayikha awe owahi khwa vakatthi wa moottho wookholela.

1 Pheeturu 1:13

Nakataalikha mwiiyane akhili zootthenkezeya, oolikana khwa oretta, mwiiye oojisiileza na nroromelo enu wooshi mwitthe nkatthi wa rehema mwinttelaaye winkhiwa amana Yinsa Al-Masiihu athoonyeziwa.

1 Pheeturu 1:7

Enrettikhana etthiipo, yoori yooniwe amini mwiriinaaye ya fwayita zayita weero enaashikhaaye hatha nkhama yeetta ofuliwa ti moottho, amini yenu enihithajiya wooniwa nkhama ti yookamilikha. Toowo phi mwinipokheraavo siifwa, ottitthima na hishima, siikhu Yinsa Al-Masiihu anttelaaye othoonyeziwa.

1 Pheeturu 4:13

Ila mwifurahi mwaasa wa oretta phantte ya ohoowa wa Al-Masiihu, yoori amana ottitthima wawe othoonyeziwa, mweeyo mwitthape khwa furaha khuluyeene.

1 Yaahaya 2:28

Aphano aanaaka, mwilipane ye, yoori amana ofiya wakathi awe woota nipatthe ororomela, na nihiiye woopatthiwa ti haaya siikhu antaavo.

1 Yaahaya 3:2

Aphetani aka, nasaapi eti naana a Nluku, ila nalelo khannathoonyeziwe niini ninttelaayo wiiya. Ila ninjuwa yoori amana ajithoonyeza, ninttela wiiya nkhama ye, maana ninteela omoona nanna ariizo.

Othoonyeziwa 1:7

Moone! Ye onta mmawiku, maasho ooshi anteela omoona, hatha apale anshomiyeeyo na nkokhi; atthu ooshi a voolumwenku anteela ojiliza mwaasa wa ye. Enttela orettikhana etthiipo! Amiina.