Luuka 16:15 - Hapari Zooshapweya

¹⁵ Aphano ye khuwooza yoori: “Mweeyo pi apale oojoona wiiya anashariya vakatthi wa atthu, ila Nluku onjuwa rooho zenu. Etile atthu anoonaaye wiiya ya fwayita, omaasho wa Nluku ti yootaraweya.

Luuka 16:15 Mawu Ofanana

Matewuzhu 23:5

Zooshi anrettaazo antakha yoori ooniwe pi anaatamu. Yo anjifukela hirizi mmwishwa mwaya, na olepisa mashaka a ajapi zaya.

Matewuzhu 6:16

“Amana mwifuka, mwihithoonyeze wuuso wa huzuni nkhama anrettaazo manaafikhi, yo antta ozukulisa wuuso aya yoori atthu akina ajuwe yoori afuka. Miiyo kiniwuuzani khweele yoori, nooretta toowo apokhera tthuvo yaya.

Matewuzhu 6:2

“Nakataalikha, amana mwinkha zimola mwihithuule nlope khusala mwilaleya, nkhama anrettaazo manaafikhi mmasinakooka na ntarikhi, atakhaka yoori asifwiwe pi akina aya. Miiyo kiniwuuza khweele yoori yo apokhera phakari yaya.

Matewuzhu 6:5

“Na amana mwilompaka, mwihiiye nkhama manaafikhi. Yo owaatuvela weemela khusala alompa nsinakooka na ntarikhi, atakhaka yoori ooniwe pi akinoko aya. Miiyo kiniwuuzani khweele yoori, yo apokhera phakari yaya.

Luuka 10:29

Ila namanozela wa kano otule aari otakha ojihakikhi khumuuzela Yinsa theenya yoori: “Namwaattamanani aka ti paani?”

Luuka 11:39

Mbwana khuwooza yoori: “Mweeyo mafwarizeewu, mwinoosa koopho na parathu oje waya, ila rooho zenu zeetaala vitthu za omaashokopho na zoohusuti.

Luuka 18:11

Mfwarizeewu ari wa weemela, aari olompa otthwe araka: ‘Nluku, miiyo kinuushukhurwela maana miiyo aki nkhama atthu akina, apale oheettetteli shariya, manantarawu, anamararuwa, wala nkhama namariphisa lumpuru oto ariiye apho.

Luuka 18:14

“Miiyo kiniwuuzani yoori, namariphisa lumpuru aalawiye owawe ari woohakikhiwa ti Nluku, ila otule nkina wala. Maana otule anjiwulisaaye ontta opushuwisiwa, ila otule anjipushuwisaaye ontta owulisiwa.”

Luuka 18:21

Mwinyi otule khujipu yoori: “Waaza osimaana zooshi epo kinretta.”

Luuka 18:9

Yinsa khulupa nlikaniso mmote awoozaka atthu apale aari ojoonaaye wiiya a shariya khusala awaatarawu azaaya. Ye khuri:

Luuka 20:20

Aphano yo khusala amweekesela, khuwaaruma atthu aari ojinkhelelaaye wiiya anashariya onsaya sirini, yoori ansikanane etthu yoolupa ankhole anlawane wa nsatoro.

Luuka 20:47

aniweeyelaaye anamfweliwa pi amanna zaya vitthu zaya, ojihakikhi khwa oretta lompa zoolepa. Apo aya anlawa apokherele hukhumu khuluyeene.”

Yaahaya 2:25

Khaari ontakha ntthu wa omwinkha oshaahiti monkoni wa pinaatamu, maana ye aari ojuwa niini ephattu ya onaatamu.

Yaahaya 21:17

Khumuuzela theenya swaafu ya ttaatthu, yoori: “Simawu, mwaana wa Yaahaya, weeyo onikipheta?” Pheeturu khunyoonyeya mwaasa wa Yinsa omuuzela swaafu ya ttaatthu, yoori: “Weeyo onikipheta?” Ye khuri: “Mbwana, weeyo onjuwa vitthu zooshi na onjuwa yoori miiyo kinuupheta.” Yinsa khumuuza yoori: “Ojise pwittipwitthi zaka.

Khaazi 1:18

(Ye oozanyiye lipuwa lawe na nzurukhu ariphiweeyo khwa etile yootakhala aarettiyeeyo, attaapho phi aakwaniyeevo eeshwa khuphutuwa, marupo awe khumwazeya.

Khaazi 1:24

Nawiisha atthu khulompa araka: “Mbwana, weeyo ti onjuwaaye rooho za atthu ooshi. Khwa atthu apa awiri nintakha onithoonyeze onthawuliyeeyo,

Khaazi 15:8

Nluku, anjuwaaye rooho za atthu ooshi, alaza oshaahiti wa owaakhupalela yo, awiishushelaka Rooho Ttakatthiifu nkhama etthiipo na fweeyo anishusheliyeeyo.

Arooma 3:20

Nakataalikha, khaavo anttelaaye ohakikhiwa omaasho wa Nluku khwa khaazi za kano. Maana khwa kano najuwa twampi.

Arooma 8:27

Na otule aninzaanaaye rooho zeetthu, onjuwa shawuri za Rooho, maana Rooho Ttakatthiifu enlompa khwa zwaamu ya atthu a Nluku khwa niiya ya Nluku.

1 Akorintiyu 4:5

Nakataalikha, mwihiphuke hatha etthu ohinafiye wakathi khwaamili; mwiwejele mpakha Mbwana ate. Ye onsarulela nnuuru epile zoovithiwa n'yiiza na onthoonyeza shawuri za nroho. Wakathi opo, wakhula ntthu onlawa apwekherele okhupaliwa wawe wa Nluku.

1 Pheeturu 3:4

Olikha toowo, oshapweya weenu mweeyo ona ya wiiya nroho, maana opo khunaashikha; oshapweya onthoonyezeya khwa rooho ya ojipushuwisa na yawiitthaala, ona fwayita khuluyeene omaasho wa Nluku.

1 Pheeturu 5:5

Khwa nanna ethiito, mashaapu awaashitahi attunkhulu. Mooshi mwiiye ojipushuwisa mmote na nzeenu, maana Nluku khantuveliwa pi apale oojikhupali, ila oniwenkha rehema apale oojipushuwisa.

Othoonyeziwa 2:23

Kiniwoola apale aninlottaaye muukha oto. Khwa toowo ojama wa Nluku wooshi ontta ojuwa yoori ki otule anootootaaye akhili na rooho, na kinteela omwinkha wakhula ntthu khwa khiima ya zooretta zawe.