Luuka 12:33 - Hapari Zooshapweya

³³ Muuzanyise zooshi mwiriinaazo, nzurukhu aya mwiwenkhe asikhini. Mwijaattalelele mifukho zihinvaruwaaye, toowo mwinthokorela maali pinkuuni zihiniishaawo, okhu ahinifiyaawo nantarawu wala maweephe yoori aharipu.

Luuka 12:33 Mawu Ofanana

Matewuzhu 19:21

Yinsa khunjipu yoori: “Nkhama weeyo ontakha wiiya khaamili, olawe woozanyise zooshi oriinaaye, nzurukhu aya owenkhe asikhini, orettaru toowo ontta wiiyana njuju pinkuuni. Nawiisha, ote okilotte.”

Luuka 11:41

Mwipakuse nkatthi mweenu khwa owenkha zimola asikhini, toowo mweeyo mwintta wiiya oottakattha saaneene.

Luuka 12:21

Yinsa khumarisela araka: “Ntthu oto ori nkhama atthu apale anlipanaaye maali zaya ila mmakhono wa Nluku khahi mathaajiri.”

Luuka 16:9

Apho kiniwuuzani yoori: Mwirumeyele maali zenu zohiiyi za shariya yoori mwiiwaapatthe ashirikha, amana ziwiishelani yo oopokhereleni pinkuuni.

Luuka 18:22

Yinsa noosiila mattakhuzi apale khumuuza yoori: “Enuusaleela etthu moote. Wuuzanyise vitthu zawo zooshi nzurukhu aya owenkhe asikhini, toowo ontta wiiyana maali pinkuuni; nawiisha ote okilotte.”

Yaahaya 12:6

Ye khaalupiye toowo mwaasa wa wiiyana huruma na asikhini, ila mwaasa wa wiiya nantarawu, na tiye aari opwehaaye nfukho wa nzurukhu, amana otthiiwamo eetta olazakamo.

Khaazi 2:45

Akina aari wuuzanyisa mashapa aya na vitthu zaya, nzurukhu aya nootiisa oteela owaamela azaaya, wakhula ntthu aari winkhiwa khwa khiima ya othowiwa wawe.

2 Akorintiyu 8:2

Vakatthi wa nswipa nwulweene, furaha khuluyeene na osikhini wa waatta enkhiye zaakha khwa rooho ya emaani.