Luuka 11:13 - Hapari Zooshapweya

¹³ Nkhama mweeyo, mweeya ru pure ootakhala rooho, mwinjuwa owenkha aaneenu vitthu zooshapweya, sapiseni Paapa wa pinkuuni khanziti owenkha Rooho Ttakatthiifu apale aninvekelaaye?”

Luuka 11:13 Mawu Ofanana

Mwanzo 8:21

Nnyizinku khusiila arufu yonkhurunusha rooho khulupa mweenyeweru yoori: “Akinteela orutela theenya olaani tuniya mwaasa wa pinaatamu, eeyaru pure wootakhala rooho ovokoliwa wene. Akinteela orutela opwetecha zumpe zooshi nkhama nanna eti kirettiyeeyo.

Matewuzhu 5:16

Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.

Matewuzhu 5:45

yoori mweeyo mwiretteye wiiya aana a Papeenu ariiye pinkuuni. Maana ye oniwaatthamushela njuwa apale anrettaaye zooshapweya na apale anrettaaye zootakhala. Na oniwenkha vuula anashariya na apale ohitakhi shariya.

Matewuzhu 6:14

Maana amana mwiwaaswaamihi anaatamu koosa zaya, Papeenu wa pinkuuni naye ontta wuuswaamihini.

Matewuzhu 6:30

Moone, Nluku onwalisa nyaani za ntthuttu leelo ziriivo meesho zinttelaaye olukuziwa khatepeeni, wuuwalisani mweeyo channu atthu oopushuwa amini!

Matewuzhu 6:32

Maana makaafiri pi anshukulikhelaaye vitthu nkhama epo, ila Papeenu ariiye pinkuuni onjuwa yoori enuuhithajiyani epo zaya.

Matewuzhu 7:11

Nkhama mweeyo, mweeyaru pure ootakhala rooho, mwinjuwa owenkha vitthu zooshapweya aaneenu. Sapiseni Papeenu ariiye pinkuuni, khatepeeni owenkha vitthu zooshapweya apale aninvekelaaye.

Luuka 11:12

Wala anvekeliye laayi khumwinkha wenye?

Luuka 11:2

Aphano, Yinsa khuwooza yoori: “Amana mwilompaka, mwisala toono: “Papeetthu, littitthimisiwe nzina lawo loottakatthifu. Wiishushe Ofwalume awo.

Luuka 18:7

Nluku khaniwaawanyela shariya ananthawuliwa awe apale aninvekelaaye osikhu na nthana? Mwinoona yoori ye onttela orupaza owaajipu?

Yaahaya 4:10

Yinsa khunjipu yoori: “Weeyo eriwaka waari ojuwa tthuvo ya Nluku na paani anuuvekelaaye maati, weeyo weetta onvekela na ye eetta owinkha maati ohaayi.”

Khaazi 2:38

Pheeturu khuwaajipu araka: “Mwithupwiye na moosiwe wakhula mmote wa mweeyo khwa nzina la Yinsa Al-Masiihu yoori mwipatthe nswammaha wa twampi zenu, mwintta opokhera tthuvo ya Rooho Ttakatthiifu.

Arooma 5:17

Mwaasa wa ovonya wa ntthu mmote paasi, ofwa weeyavo, atepa apale apokhereliyeeyo wa waattavo rehema na tthuvo ya shariya anteela wiiyana ohaayi wa ntthu mmote paasi Yinsa Al-Masiihu.

Arooma 7:18

Miiyo kinjuwa yoori khina etthu yooshapweya eniikhalaaye nkatthi mwaka, olikha toowo, khwa onaatamu aka. Maana kinaaye niiya ya oretta etthu yooshapweya, ila akinwahi oretta.

Arooma 8:32

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.