Luuka 10:21 - Hapari Zooshapweya

²¹ Wakathi otthuupule Yinsa khwiiya woofurahi khwa Rooho Ttakatthiifu, khuri: “Miiyo kinuusifu Paapa, Mbwana wa pinkuuni na vathi, maana weeyo wawaavithela vitthu epi anaakhili na asomi, na khuwaathoonyeza apa attiitthi. Khweele Paapa, ti nanna waatakhiyeezo.

Luuka 10:21 Mawu Ofanana

Matewuzhu 16:17

Yinsa khujipu yoori: “Wooshapweyiwa ti weeyo, Simawu mwaana wa Yoona! Maana vitthu zaya epi khuthoonyeziweeni ti pinaatamu, ila ti Paapa ariiye pinkuuni.

Matewuzhu 21:16

“Onsiila epi anlupaazo asimaana apa?” Yinsa khuwaajipu yoori: “Aaa; mweeyo khamwinasome yoori: ‘Khwa milomo za asimaana na apale anaamwaaye enlankhamo siifwa khaamili’?”

Matewuzhu 3:7

Wakathi ye awooniyeeyo mafwarizeewu na masatukhi enkeene ateliye woosiwa ti ye, khuwooza yoori: “Khapila ya evili! Ti paani awuuziyeenini otthira katapu entaaye?

Maaruku 10:15

Kiniwuuzani khweele yoori, otule ahimpwekherelaaye ofwalume wa Nluku nkhama nsimaana, khanteela weettamo.”

Luuka 15:5

Amana asikana, ontta ovikela ari woofurahi.

Luuka 15:9

Amana apattha oniwaakhuwela maswaahipu zawe na anamwaattamanana awe khuwooza yoori: ‘Nlaweni nitthape, maana kapattha nzurukhu aka opule waakaashikhiyeeyo.’

Yaahaya 11:41

Aphano yo khulazavo liwe ntthile. Yinsa khweekesa otulu khulupa yoori: “Paapa, miiyo kinuushukhurwela mwaasa wookisiila.

2 Akorintiyu 4:3

Ila nkhama nalelo hapari zooshapweya pi zoofinikheya, zafinikheya khwa apale ampwetheyaaye.

Ayeefezu 1:11

Vitthu zooshi zarettiwa khwa shawuri na olakela wa Nluku. Khwa niiya na etile aatakhiyeeyo thanku omwanzo, Nluku anithawula yoori niiyane erathi ya okusanyeya weetthu khwa Al-Masiihu,

Ayeefezu 1:5

Khwa pheta atthomiyeeyo onikaphula yoori niiye aanaawe khwa Al-Masiihu na shawuri zooshapweya za niiya yawe.