Luuka 10:2 - Hapari Zooshapweya

² Ye khuwooza yoori: “Wuurula nwulweene, ila anakhaazi vattitthiiru. Apho, mwinvekele Mweenyewe wuurula awaaperekhe anakhaazi a wuurula.

Luuka 10:2 Mawu Ofanana

Matewuzhu 20:1

“Maana Ofwalume wa pinkuuni ori nkhama mweenyewe nshapa alankhiyeeyo supuyeene olawa oweekesa atthu yoori akhole khaazi mmashapa mwawe.

Maaruku 13:34

Eri nkhama ntthu anlikhaaye nyuupa yawe khuretta safwari ya peetiwene, ila ahinalawe, khuwaalikhela ofwalume, a karumeya awe wakhula mmote shuruthi yawe, khunruma namweekesela yoori asale aweekeselaka.

Maaruku 16:15

Khuwooza yoori: “Mwilawe olumwenku wooshi mwawaafisele atthu ooshi hapari zooshapweya.

Maaruku 16:20

Aphano anakhiyoni apale khulankha khulawa olaleya phantte zooshi, Mbwana aari owaawuni ahakikhaka mattakhuzi aya na alama zaari owaalottaaye.

Luuka 9:1

Yinsa khuwaakusanya anakhiyoni awe khumi na awiri khuwenkha owahi na ofwalume wa wiikara masheethwani na wa ovonisa.

Khaazi 11:19

Apale aamwazeyiyeeyo mwaasa wa olupatthiwa waazaniyeeyo ofwa wa Shiteevawu, khufiya nti wa Feniisiya, esura ya Shiipere, na sitati ya Antiyookiya, alaleyaka hapari khwa mayaahuuti paasi.

Khaazi 13:2

Eettaka omwaaputu na ofuka, Rooho Ttakatthiifu khuwooza yoori: “Mwimphakule nasaapi Baranabe na Sawulu yoori akhole khaazi yaka kiwaakhuweleliyeeyo.”

Khaazi 13:4

Aperekhiweevo ti Rooho Ttakatthiifu, khulawa mpakha nti wa Seluusiya ottuukho khulokhela esura ya Shiipere.

Khaazi 20:28

Mweettette saana na mwitthantte khuntti etile Rooho Ttakatthiifu awinkhiyeenini otthantta, yoori mwiiye attunkhulu awulu a ojama wa Nluku, otthuupo ye oozanyiyeeyo na taamu yawe.

Khaazi 22:21

Attaaphale Mbwana khukuuza yoori: ‘Olawe, miiyo kinuuperekha peetiwene vakatthi wa amalapo.’ ”

Khaazi 8:4

Atthu apale amwazeyiyeeyo aari ovira atafusiraka hapari zooshapweya wakhula vahali aari ofiyaavo.

1 Akorintiyu 12:28

Etthiipo, muujama wa Nluku, omwanzo Nluku awaatthaamo maaswihaapa; ya phiiri manapiyu; ya ttaatthu anamanozela; elottelanaka apale anrettaaye minjuza, apale ariina tthuvo ya ovonisa, apale ariina tthuvo ya waawuni, apale ariina tthuvo ya oshuka nzurukhu na apale anttakhulaaye luuka pheeya.

1 Akorintiyu 15:10

Ila khwa rehema ya Nluku, karetteya nanna eti kiriizo, na rehema yawe khwa miiyo khahiyo etthu yoohiina fwayita; khapulathi, kakhola khaazi channu zayita yo ooshi; khwa zooshi, khahiyo miiyo, ila rehema ya Nluku khwa miiyo.

2 Akorintiyu 6:1

Nkhama ashirikha a Nluku nkatthi wa khaazi, ninuutumerelani yoori mwihipwekhere rehema ya Nluku mahaleene.

Afiliipu 2:21

maana atthu ooshi anshikha epile ziiyiye zaya, khanshikha epile ziiyiyeeyo za Yinsa Al-Masiihu.

Afiliipu 2:25

Theenya kinoona yoori enihithajiya omperekha opheya ottuukho Epaforotiitu, ttwiiyaku kinkholanaaye khaazi na nshirikha wa nvittha, karumeya mwikiperekheziyeeyo otiisa epile enikihithajiyaaye.

Afiliipu 2:30

maana ye aasaleliye ofwa mwaasa wa pheta khwa khaazi ya Al-Masiihu, alevaka ohaayi awe yoori akinkhe awuni mweeyo mwahawahiyeeyo okinkha.

Akoloosu 1:29

Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

1 Atizaloonika 2:9

Attwiizetthu, weekhweele mweeyo mwinfikhiri khaazi yoolipa nikholiyeeyo woohishokheri vakatthi venu. Maana naari okhola osikhu na nthana, yoori nihimwantipu hatha ntthu wakathi naari olaleyaavo hapari zooshapweya za Nluku khwa mweeyo.

1 Atizaloonika 5:12

Apho attwiizetthu, ninuuvekelani yoori mwiwaashitahi apale anjilipisaaye okhola khaazi vakatthi venu, anuulokozelaanini khwa Mbwana na anuulakaanini.

2 Atizaloonika 3:1

Wiishela waya, attwi, mwinilompele yoori nttakhuzi la Mbwana limwazeye nasaapiru na lipwekhere shitaha linsuhaaye, nkhama etthiipo zaarettikhaniyeezo vakatthi venu.

1 Timootiyu 4:10

Tiito ninjuumanisaaye na okhola khaazi mwaasa yoori nroromelo eetthu nattha wa Nluku wa ohaayi. Ye Namuusuru wa anaatamu ooshi, haaswahaaswa khwa apale animwaaminaaye.

2 Timootiyu 4:5

Ila weeyo ojithuze khwa wakhula etthu, ovilele ohoowa, okhole khaazi ya onamalaleya okhole sawasawa khaazi Nluku awinkhiyeeyo.

Filimooni 1:1

Miiyo Paawulu, namafukeliwa mwaasa wa Yinsa Al-Masiihu, na ttwiiyaku Timootiyu, kiniwaatikhela weeyo, Filimooni, swaahipu eetthu na nakhaazi wompheta,

Meepereewu 3:6

Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

Othoonyeziwa 2:1

“Khwa ojama wa Nluku wa Eefezu waatikhe yoori: Apa mattakhuzi a otule ariina matthottowa sapa nkhono nlume awe aneettettaaye vakatthi wa khantteya sapa za weero.