Khaazi 7:5 - Hapari Zooshapweya

⁵ Nluku khamwinkhiye hatha etthu moote yoori arithi, wala puuro ya luwattho yawe, ila amwaahitiye omwinkha nti, paata ya ye, waari weettela wiiya wa ojama awe. Wakathi aya opo aari waahitiwaavo ti Nluku aarettiye ahineeyane mwaana.

Khaazi 7:5 Mawu Ofanana

Mwanzo 12:7

Nnyizinku khunteela Eburamu, khumuuza yoori: “Tuniya eti kinteela winkha ojama awo.” Aphano Eburamu khunjekela alitaari Nnyizinku attaaphale.

Mwanzo 13:15

Tuniya eto yooshi onoonaaye kinteela owinkha weeyo na ojama awo mileele.

Mwanzo 15:18

Siikhu ethiitile, Nnyizinku khuretta wahati na Eburamu, khumuuza yoori: “Tuniya eti kinteela winkha ojama awo, waaza muuttho wa Misuri mpakha muuttho nwulu oniitthiwaaye Efwarati,

Mwanzo 16:2

Siikhu moote, Suhuriiya khumuuza mannawe Eburamu yoori: “Nnyizinku khanikinkha mwaana, apho orapalelane njaazi aka, khinjuweya kimpatthaka mwaana khwa ye.” Asiiliyeevo toole, Eburamu khukhupalela mattakhuzi apale a muukhaawe.

Mwanzo 17:8

Kinteela owinkha tuniya eti oniikhalaaye, weeyaru pure mmalapo. Tuniya yooshi ya Kanaani kinteela winkha ojama awo mileele, na miiyo kinteela wiiya Nluku aya.”

Mwanzo 23:4

“Miiyo ki mmalapo na ki nletto mmuti mphu; ila kinuuvekelani okinkha ruhusa ya wiiyana vilalo yaka mmuti mweenu mphu, yoori kinzikhemo muukhaaka.”

Mwanzo 26:3

Ottuukho miiyo kinttela wiiya vamote na weeyo na kinttela wuuparikhiya. Weeyo na ojama awo kinttela owinkhani nti opo wooshi, kilipiselaka wahati opule kaalaphiyeeyo kimwaahitaka papaawo Eburahiima.