Khaazi 3:6 - Hapari Zooshapweya

⁶ Pheeturu khulupa yoori: “Akina feeta wala weero, ila kiniwinkha ethiiti kiriina. Khwa nzina la Yinsa Al-Masiihu wa Nazareeti, lankha weettette!”

Khaazi 3:6 Mawu Ofanana

Matewuzhu 10:9

Mwihithuule hatha weero, wala feeta, wala khoopiri mmwizako mweenu;

Matewuzhu 7:22

Amana efiya siikhu yaya eto atthu enkeene, anlawa akuuze yoori: ‘Mbwana, Mbwana! Fweeyo nahupiri khwa nzina lawo, neekara masheethwani khwa nzina lawo, na khwa nzina lawo naretta minjuza zawaatta.’

Maaruku 14:8

Ye aretta etile aawahiyeeyo. Avaaza mafuttha oonukhela mwiili aka raku zeene, atthenkezaka ozikhiwa waka.

Maaruku 16:17

Alama epi enttela owaalokoza apale anikikhupalaaye miiyo: khwa nzina laka aniikara masheethwani, anlawa attakhule luuka pheeya,

Yaahaya 19:19

Pilaatu khwaatikha lipawu khuthomeya pontha wa nsalapa; aatikhiyevo yoori: “Yinsa wa Nazareeti, Mfwalume wa Mayaahuuti!”

Khaazi 10:38

mweeyo mwinjuwa khwa nanna Nluku anthawaziyeeyo Yinsa wa Nazareeti khwa Rooho Ttakatthiifu na owahi, ethiito yanlawaniye phantte zinkizene arettaka vitthu zooshapweya na owaavonisa atthu ooshi apale aari ohoochiwaaye ti sheethwani, maana Nluku aari vamote na ye.

Khaazi 16:18

Ye khusala avira arettaka etthiipile khwa siikhu zawaatta. Paawulu khunshokheza, khuzukuluwa khumuuza sheethwani otule aariina mwanankha otule yoori: “Khwa nzina la Yinsa Al-Masiihu miiyo kinuuruma yoori oleemo mmwiili mwawe!” Nasaapiru sheethwani otule khunlikha.

Khaazi 2:22

“Mweeyo, atthu a Ezirayiilu, mwisiileze mattakhuzi apa: Yinsa wa Nazareeti, ahakikhiwa ti Nluku vakatthi venu mweeyo khwa alama zawaatta na minjuza, etthiipo Nluku mweenyeweene arettiyeezo khwa ye vakatthi venu mweeyo nkhama etthiipo mwinjuwaazo.

Khaazi 2:36

“Nakataalikha, atthu ooshi a Ezirayiilu ana yoojuwa yoori: Yinsa, othuuto mweeyo mwankhomeliyeeyo, Nluku amwinkha wiiya Mbwana na wiiya Al-Masiihu.”

Khaazi 3:16

Mwaasa wa waamini nzina la Yinsa, nzina nttinttho lanvonisa mwinyi otu mwinimoonaaye na mwininjuwaaye. Amini entaaye khwa Yinsa yamwinkha ekumi ya ekhweele, nkhama etthiipo mwinoonaazo vakatthi venu mooshi.

Khaazi 3:5

Mwinyi otule khusala aweekesa, awejelaka opwekhera etthu ya winkhiwa pa yo.

Khaazi 3:7

Khunkholela nkhono nlume awe khunlansa. Nasaapiru moolu awe na khoza zawe khookowa.

Khaazi 4:10

Ila apho mwijuwe saana mooshi mpakha atthu a Ezirayiilu yooshi yoori khwa nzina la Yinsa Al-Masiihu wa Nazareeti, othuutule mweeyo mwankhomeliyeeyo na othuuto Nluku ansisimuliyeeyo muufwa, nzina lawe tthi linvonisiyeeyo namarakala otu mwinimoonaaye apha.

Khaazi 4:7

Yo khuwaattha omaasho waya maaswihaapa apale awiri. Khusala awoozela araka: “Vitthu epi mwarettana owahi ni wala nzina ni?”

Khaazi 9:34

Pheeturu khumuuza yoori: “Eneeya, Yinsa Al-Masiihu onuuvonisa! Olankhe okhuje nrepa lawo.” Ye khulankha nasaapiru.

1 Akorintiyu 4:11

Mpakha nasaapi ti yanipattha jala, nnyottha na othowiwa ti kuwo, nintthanttiwa wootakhalavo, khanina nyuupa khaamili,

2 Akorintiyu 6:10

ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.

2 Akorintiyu 8:12

Maana, amana ntthu ajilakelela winkha, Nluku ompwekherela etile ntthu ariina, khaninvekela ntthu etile ahina.

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

1 Pheeturu 4:10

Mwirumeyelane mmote na nzeenu, wakhula ntthu khwa tthuvo enkhiweeyo, mwirumeyelaka wa wawamineyavo rehema ya Nluku etile mwipwekheriyeeyo khwa nanna nannazene.