Khaazi 2:4 - Hapari Zooshapweya

⁴ Ooshi khwiiya awiitaala Rooho Ttakatthiifu, khwaaza ottakhula luuka kiina khwa nanna wakhula ntthu Rooho Ttakatthiifu yaari omwinkhaazo ottakhula.

Khaazi 2:4 Mawu Ofanana

Matewuzhu 10:19

Ila amana oofukelani, mwihishanke etthu yoolupa, ama yooretta. Wakathi aya otthuupo, Nluku onttela owinkhani mattakhuzi olupa,

Maaruku 16:17

Alama epi enttela owaalokoza apale anikikhupalaaye miiyo: khwa nzina laka aniikara masheethwani, anlawa attakhule luuka pheeya,

Luuka 1:15

maana ye onteela wiiya nwulweene mmakhono wa Mbwana. Khanteela onywa viinyu wala onywa vitthu zoohapala. Onttela wiiya wa wiitaazaniwa Rooho Ttakatthiifu ari mwiirukulu wa mamaawe.

Luuka 1:41

Elizabeeti noosiila mwacheliwa ya Mariyamu, mwaana aari mwiirukulu mwawe khujisakhinya. Elizabeeti khwiiya wawiitaala Rooho Ttakatthiifu.

Luuka 1:67

Zakariiya paapa wa mwaana otule, khumwiitaala Rooho Ttakatthiifu khwaaza ohupiri mattakhuzi a Nluku araka:

Luuka 12:12

Maana wakathi otthuupo Rooho Ttakatthiifu entta wuuthoonyezani etthu yoolupa.”

Luuka 21:15

Maana miiyo kinlawa kawinkheni mattakhuzi na akhili khwa nanna ya owaajipu maatuwi enu, ahinttelaaye owahi ozukulisa wala okheeti.

Luuka 4:1

Yinsa aarutiye omuttho Yorotaani ari wawiitaala Rooho Ttakatthiifu, aalokoziwe tithiito mpakha n'yaara.

Yaahaya 14:26

Ila Namalipisela, Rooho Ttakatthiifu, eto Paapa anttelaaye omperekha khwa nzina laka, onteela wuusomisani mweeyo vitthu zooshi na wuukupuselani zooshi epile kiwuuziyeenini.

Yaahaya 20:22

Paata ya olupa toowo khuwaavitelela khuri: “Mwipokhere Rooho Ttakatthiifu.

Khaazi 1:5

Maana Yaahaya awoosani na maati, ila nkatthi wa siikhu vattitthiiru mweeyo mwinteela woosiwa na Rooho Ttakatthiifu.”

Khaazi 1:8

Ila amana Rooho Ttakatthiifu ewiishukelani mwinteela winkhiwa owahi, mwiiye mashaahiti aka, waaza Yeruzaleemu na Yudeya yooshi na Samariiya mpakha ohali wiisheliyeewo olumwenku.”

Khaazi 10:46

maana yo awaasiiliye ansifwaka Nluku khwa luuka pheeya. Elottelanaka Pheeturu khulupa yoori:

Khaazi 10:47

“Owaapho antakhaaye okhattaza maati yoori atthu apa ahoosiwe? Yo apokherela Rooho Ttakatthiifu nkhama fweeyo!”

Khaazi 11:15

“Wakathi kaaziyeevo ottakhula, Rooho Ttakatthiifu yeetta oweeshukhela nkhama etthiipile yaaniishukheliyeeyo omwanzo ene.

Khaazi 11:24

Baranabe aari ntthu nkemaani wawiitaala Rooho Ttakatthiifu na amini. Atthu awaatta khusala ajikusanya na Mbwana.

Khaazi 13:52

Anakhiyoni aari ovira eetaalaka furaha na Rooho Ttakatthiifu.

Khaazi 13:9

Sawulu, aniitthiwaaye Paawulu, wa wiitaala Rooho Ttakatthiifu, khunkhontolela maasho,

Khaazi 15:8

Nluku, anjuwaaye rooho za atthu ooshi, alaza oshaahiti wa owaakhupalela yo, awiishushelaka Rooho Ttakatthiifu nkhama etthiipo na fweeyo anishusheliyeeyo.

Khaazi 19:6

Wakathi Paawulu awaattheliyeevo makhono, khuweeshukhela Rooho Ttakatthiifu khwaaza ottakhula luuka pheeya na ohupiri.

Khaazi 2:11

Waaza mayaahuuti mpakha apale asilimweliyeeyo oyaahuuti akereeti na aarapu. Nawaasiila toovi attakhulaka nluuka mweetthu alupaka vitthu zootikinisa na za Nluku?”

Khaazi 2:3

Khuwaapuwela etthu yaari wuupuwaaye nkhama malimi a moottho aari waawanyeyaaye khwiikhala wakhula ntthu veeshwa vawe.

Khaazi 4:31

Paata ya maaswihaapa apale wiisha olompa, puuro etile akusanyeyiyeevo khusala esakhinyeya, ooshi khuwiitaala Rooho Ttakatthiifu, khusala alaleya nttakhuzi la Nluku woohoovi hatha etthu.

Khaazi 4:8

Pheeturu ari wa wiitaala Rooho Ttakatthiifu, khusala alupa araka: “Mweeyo afwalume na attunkhulu a atthu,

Khaazi 6:3

Attwiizetthu, mwiwaathawule vakatthi venu alume sapa ooshitahiwa, anaakhili, awiitaala Rooho Ttakatthiifu, yoori niwenkhe khaazi eto,

Khaazi 6:5

Mattakhuzi apale khuwaatuvela ooshi aya, khunthawula Shiteevawu, nlume wa waamineya na wawiitaala Rooho Ttakatthiifu, na Filiipe, Porokoro, Nikanore, Timomu, Parimenashi na Nikolawu, otule asilimweliyeeyo oyaahuuti wa nti wa Antiyookiya.

Khaazi 6:8

Shiteevawu ntthu wawiitaala rehema na owahi, aari oretta vitthu zootikinisa na alama khuluzeene vakatthi wa atthu.

Khaazi 7:55

Ila Shiteevawu wawiitaala wene Rooho Ttakatthiifu khweekesa otulu khoona nuuru ya Nluku na Yinsa ari nkhono nlume.

Khaazi 8:17

Pheeturu na Yaahaya khuwaattheela makhono khupokherela Rooho Ttakatthiifu.

Khaazi 9:17

Aphano, Ananiiya khulankha khulawa. Noofiya khuvira nnyupa khunttheela makhono khumuuza yoori: “Ttwiiyaku Sawulu, Mbwana Yinsa, otule oopuweleliyeeyo ntarikhi otaaka, akiperekha miiyo yoori orutele woona na wiiye wa wiitaala Rooho Ttakatthiifu.”

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

1 Akorintiyu 12:10

nkina owahi wa oretta minjuza; nkina otafusiri; nkina othawula rooho; nkina ottakhula luuka zoofwarikhana; na theenya nkina otaphulela luuka.

1 Akorintiyu 13:1

Hatha nkhama miiyo keetta ottakhula luuka za anaatamu na za malayikha, ila khuhiina pheta, kiniiya nkhama yuuma envumaaye ama nkhama ovuma wa laatha.

1 Akorintiyu 13:8

Pheta khiniisha. Ila otafusiri oniisha, luuka ziniisha, ojuwa oniisha.

1 Akorintiyu 14:18

Kininshukhurwela Nluku khwa ottakhula luuka pheeya zayita mooshi mweeyo.

1 Akorintiyu 14:5

Yaari okituvela mooshi mweeyo mwittakhulaka luuka pheeya, ila kinhithari yoori mwitafusiri. Otule antafusiraaye anziti otule anttakhulaaye luuka pheeya, ehiriwaka etta wiiyavo ntthu wootaphulela yoori ojama wa Nluku ojekeye.

Ayeefezu 3:19

na ojuwa pheta ya Al-Masiihu, enzitaaye ojuwa wooshi, yoori awiitaaleni Nluku saaneene.

Ayeefezu 5:18

Mwihinywe viinyu. Ohapaliwa ontotha pala, ila mwilikhe Rooho Ttakatthiifu ewiitaaleni.

Ayeefezu 6:18

Wakhula wakathi mwisala mwilompa khwa Rooho Ttakatthiifu na ojeekesela woohilikheleli na mwiwaalompelaka attakatthiifu ooshi.

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

2 Pheeturu 1:21

maana khawiivo ohupiri mmote opuwiyeeyo khwa niiya ya pinaatamu; ila, anaatamu attakhula khwa phantte ya Nluku, alokoziwe ti Rooho Ttakatthiifu.