Khaazi 2:10 - Hapari Zooshapweya

¹⁰ akina alankha Firijiya na Panfiiliya, Misuri na phantte za Liibiya kharipu na Sireene, na anamathotola alankhiyeeyo Rooma.

Khaazi 2:10 Mawu Ofanana

Mwanzo 12:10

Tuniya ya Kanaani yaapuwiyewo jala ya waatta, aphano Eburamu khulankha khusala alawa tuniya ya Misuri yoori eekhalewo siikhu vattitthiiru.

Matewuzhu 2:15

Ottuukho eekhaliyeeyo mpakha Herooti ofwa. Khwa etthiipo khuretteya etile Mbwana alupiyeeyo khwa napiyu yoori: “Kankhuwela mwanaka aari Misuri.”

Matewuzhu 23:15

“Olaanikha pu weenu mweeyo anamanozela a kano na mafwarizeewu, manaafikhi, maana mweeyo mwinlokha pahari na mwineettetta nti wooshi mweekesaka owaathuula atthu mwiwaatthe ntiini mweenu. Na amana mwimpattha ntthu aya oto onretteya swaafu piiri wiiya mwaana wa motthooni zayita mweeyo.

Matewuzhu 27:32

Alawaka, khukutthanana mwinyi mmote wa Sireene aari wiitthiwaaye Simawu, khunkhanyarela othuula nsalapa wa Yinsa.

Maaruku 15:21

Khukutthanana mwinyi mmote wa Sireene aari wiitthiwaaye Simawu, papaawe Alishantere na Ruufu, aari olankhaaye omashapa. Khunkhanyarela othuula nsalapa wa Yinsa.

Khaazi 11:20

Akinoko apale aari a Shiipere na sitati ya Sireene, khulawa Antiyookiya khusala awooza akereeku hapari monkoni wa Mbwana Yinsa.

Khaazi 13:1

Ojama wa Nluku wa Antiyookiya aarivo manapiyu na anamanozela, Baranabe, na Simiyooni aari wiittheliwaaye Wooriipa, Luusiyu wa Sireene, Manayimu aaleliweeyo vamote na nsatoro Herooti wa phiiri na Sawulu.

Khaazi 13:13

Paawulu na ashirikhaawe khupakhira nkalawa nti wa Paafu, khusala alawa Peereje ya Panfiiliya. Yaahaya khuwaalikha ottuukhule ye khurutela Yeruzaleemu.

Khaazi 13:43

Paata ya wiisha nkutthaano, mayaahuuti awaatta na atthu akina asilimweliye oyaahuuti khusala anlotta Paawulu na Baranabe. Yo khusala awaalipisela awoozaka yoori ajilipesena rehema ya Nluku.

Khaazi 14:24

Paawulu na Baranabe khulawa mpakha nti oniitthiwaaye Pisitiya khuvikana khweetta Panfiiliya.

Khaazi 15:38

Ila Paawulu khuhooni wiiya yooshapweya onthuula Yaahaya, maana wakathi aari ooshi nti wa Panfiiliya, ye ettiye otthira khuwaalikhela khaazi.

Khaazi 16:6

Paawulu na ashirikhaawe khuretta safwari ya nti wa Firijiya na wa Kalaasiya, khukhattaziwa ti Rooho Ttakatthiifu olaleya nttakhuzi nti wa Aaziya.

Khaazi 17:21

Waaza atthu Ateena mpakha amalaponi aari wiikhalaaye ottuukhule, khaari ojali hatha etthu woohiiyi ottakhula ama osiila mattakhuzi awiishela.

Khaazi 18:2

Ottuukho khunsikana yaahuuti mmote aniitthiwaaye Akiila, wa nti wa Pontu, eettaka otaru olankha Etaaliya na muukhaawe Pirisiila, maana mfwalume Seezari Kalaawutiyu eettiye oruma yoori mayaahuuti ooshi aleewo Rooma, Paawulu eetteliye owaathotola.

Khaazi 18:23

Paata yoovirisa wakathi vattitthiiru Antiyookiya, Paawulu khuvira nti wooshi wa Kalaasiya na wa Firijiya, awaalipiselaka anakhiyoni ooshi.

Khaazi 2:11

Waaza mayaahuuti mpakha apale asilimweliyeeyo oyaahuuti akereeti na aarapu. Nawaasiila toovi attakhulaka nluuka mweetthu alupaka vitthu zootikinisa na za Nluku?”

Khaazi 23:11

Osikhu wa phiiri Mbwana khumpuwelela Paawulu khumuuza yoori: “Ominyale, nkhama etthiipo waalaweliyeezo oshaahiti monkoni wa miiyo Yeruzaleemu, ona ya olawela theenya Rooma.”

Khaazi 27:5

Nilokhiyeevo pahari ya Siliisiya na Panfiiliya, khufiya Miira, sitati ya nti wa Liisiya.

Khaazi 28:15

Attwi arooma khusiila yoori nintta ota, khunithepeeza Vaparasa wa Apiiyu theenya va Wuuzanyisa Mittatthu, Paawulu noowoona khunshukhurwela Nluku na khwiiya woolipiseleya.

Khaazi 6:5

Mattakhuzi apale khuwaatuvela ooshi aya, khunthawula Shiteevawu, nlume wa waamineya na wawiitaala Rooho Ttakatthiifu, na Filiipe, Porokoro, Nikanore, Timomu, Parimenashi na Nikolawu, otule asilimweliyeeyo oyaahuuti wa nti wa Antiyookiya.

Khaazi 6:9

Attaaphale khulankha atthu akina aari a sinakooka ya anamataphuliwa, yaari ya mayaahuuti aalankhiyeeyo Sireene na Alishanteriya na apale a nti wa Siliisiya na Aaziya. Atthu aya apo khwaaza onyakulisana na Shiteevawu.

Arooma 1:15

Tiito miiyo kalikanana wuutafusirelani hapari zooshapweya theenya na mweeyo mwiriiye Rooma.

Arooma 1:7

Kiniwaatikhela atthu ooshi ariiye Rooma eeyiyeeyo aphetani a Nluku na akhuweliweeyo yoori eeye attakatthiifu: Rehema na heeri ya phantte ya Nluku Papeetthu na ya Mbwana Yinsa Al-Masiihu yiiye vamote na mweeyo.

2 Timootiyu 1:17

Olikha toowo, wakathi afiiyeevo Rooma etta okithola woopholevo mpakha okisikana.

Othoonyeziwa 11:8

Na mwiili wa ananfwa aya onttela weeseleliwa tarikhi khuulu ya sitati khuluyeene khwa nlikaniso oniitthiwa Sotooma ama Misuri, ottuukho theenya akhomeliweewo Mbwana aya.