Khaazi 1:8 - Hapari Zooshapweya

⁸ Ila amana Rooho Ttakatthiifu ewiishukelani mwinteela winkhiwa owahi, mwiiye mashaahiti aka, waaza Yeruzaleemu na Yudeya yooshi na Samariiya mpakha ohali wiisheliyeewo olumwenku.”

Khaazi 1:8 Mawu Ofanana

Zaapuura 22:27

Atthu ooshi mpakha okhu wiisheliyeewo olumwenku anteela ofikhiri na arutele wa Nnyizinku, khwa ye khapila zooshi enlawa zashututi.

Matewuzhu 24:14

Enttela olaleyiwa hapari epi za ofwalume wa Nluku olumwenku wooshi, nkhama oshaahiti khwa khapila zooshi aphano osala ota mwiisho.

Matewuzhu 28:19

Nakataalikha, mwilawe mwawaarette anakhiyoni khwa khapila zooshi, mwiwoosaka khwa nzina la Paapa, la Mwaana, na Rooho Ttakatthiifu,

Maaruku 16:15

Khuwooza yoori: “Mwilawe olumwenku wooshi mwawaafisele atthu ooshi hapari zooshapweya.

Luuka 1:35

Nlayikha khujipu liraka: “Rooho Ttakatthiifu entta owiishukhela, owahi wa Nwulu wa Pinkuuni onttela wuufinikha na yiivuuli yawe. Tiito mwaana onttelaaye ompattha, onteela wiitthiwa Ttakatthiifu, Mwaana wa Nluku.

Luuka 10:19

Mwikisiileze! Kiniwinkhani owahi wooluwattha nyookha, wenye, na owahi wooshi wonshintta atuwi; khuhuurettini hatha etthu.

Luuka 24:29

Ila yo khunkhanyarela araka: “Wiiye attaapha na fweeyo, njuwa linttela otupweela waripa.” Apho Yinsa khuvira nnyupa khwiiya vamote na yo.

Yaahaya 15:27

Na mweeyo mwinlawa mwalawele oshaahiti, maana mwina miiyo thanku omwanzo.

Khaazi 1:22

waaza woosa wa Yaahaya, mpakha siikhu Yinsa alaziweeyo vakatthi veetthu khuweziwa pinkuuni, mmote wa atthaapo vamote na fweeyo, eeye shaahiti wa osisimuwa wawe.”

Khaazi 1:5

Maana Yaahaya awoosani na maati, ila nkatthi wa siikhu vattitthiiru mweeyo mwinteela woosiwa na Rooho Ttakatthiifu.”

Khaazi 13:31

Siikhu zawaatta ooniwe pi apale aalawaniyeeyo Kalileya eettaka Yeruzaleemu. Apo aya pi eeyiye mashaahiti awe vakatthi wa atthu.

Khaazi 2:32

Nluku ansisimula Yinsa, fweeyo fooshi na mashaahiti a vitthu zaya epo.

Khaazi 22:15

Maana weeyo onttela wiiya shaahiti awe vakatthi wa atthu ooshi khwa epile wooniyeezo na osiiliyeezo.

Khaazi 3:15

Mweeyo khumuula mweenyewe ohaayi, ila Nluku khunsisimula muufwa fweeyo na mashaahiti a vitthu zaya epo.

Khaazi 4:33

Maaswihaapa aari ovira alawelaka oshaahiti osisimuwa wa Mbwana Yinsa na owahi nwulweene, na yaaweeshukheliye rehema khuluyeene.

Khaazi 5:32

Fweeyo na Rooho Ttakatthiifu na mashaahiti monkoni wa mattakhuzi aya apo Nluku aniwenkhaaye apale aninshututelaaye.”

Khaazi 6:8

Shiteevawu ntthu wawiitaala rehema na owahi, aari oretta vitthu zootikinisa na alama khuluzeene vakatthi wa atthu.

Khaazi 8:1

Sawulu aakhupaleliye wuuliiwa wa Shiteevawu. Siikhu zaya epile yaapuwiye lupattha khuluyeene ya ojama wa Nluku wa Yeruzaleemu wooshi, khumwazeyela miti za Yudeya na Samariiya, owaalikha maaswihaapa.

Arooma 10:18

Ila miiyo kinuuzela yoori: Yo khasiileeni? Khweele pi etthiipo asiila, nkhama etthiipo enlupaazo Zawaatikhiwa Ttakatthiifu yoori: “Olumwenku wooshi yasiileya huula yawe, na mattakhuzi awe mpakha okhu wiisheliyeewo olumwenku.”

Arooma 15:19

khwa owahi wa alama na mitikiniso na khwa owahi wa Rooho ya Nluku. Etthiipo waaza Yeruzaleemu na nkerekhere mwaya mpakha Eliiriku kalaleya saaneene hapari zooshapweya za Al-Masiihu.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.