Ayeefezu 6:19 - Hapari Zooshapweya

¹⁹ Na theenya mwikilompele yoori amana kittakhulaka kipatthe ominyala na kisala kinkhiwa mattakhuzi aya, yoori ejuwiwe siiri za hapari zooshapweya.

Ayeefezu 6:19 Mawu Ofanana

Khaazi 13:46

Aphano Paawulu na Baranabe khuwaajipu woojilipisavo yoori: “Yaari ohithajiya waaza wuutafusirelani nttakhuzi la Nluku. Mwaasa wookatthala khinuusuhini opwekherela ohaayi wa mileele, apha nintta olawa nawaalaleyele amalapo.

Khaazi 14:3

Mwaasa wa ethiito Paawulu na Baranabe eeshiye siikhu zawaatta ari Ekooniyu ottuukhule, attakhulaka monkoni wa Mbwana woohiina hatha hoofu. Mbwana aari olipisela nttakhuzi la rehema arettaka alama na minjuza khwa khaazi etile aari okholaaye yo.

Khaazi 18:26

Khwaaza ottakhula woominyalavo nsinakooka wakathi Pirisiila na Akiila asiiliyeevo, khunthuula khulawa omweeleza saaneene monkoni wa tarikhi ya Nluku.

Khaazi 19:8

Khwa nyeezi mittatthu, Paawulu aari weettaka nsinakooka, attakhulaka woominyalavo monkoni wa ofwalume wa Nluku.

Khaazi 2:4

Ooshi khwiiya awiitaala Rooho Ttakatthiifu, khwaaza ottakhula luuka kiina khwa nanna wakhula ntthu Rooho Ttakatthiifu yaari omwinkhaazo ottakhula.

Khaazi 28:31

awaatafusirelaka Ofwalume wa Nluku woominyalavo na woohiina hatha shaakha awaasomisaka monkoni wa Yinsa Al-Masiihu.

Khaazi 4:13

Attunkhulu apale ooshi khwiiya onshankela Pheeturu na Yaahaya mwaasa wa ominyala aarinaaye maana ari owaajuwa yoori aari vamote na Yinsa.

Khaazi 4:29

Apho weeyo Mbwana, woone woopopisa waya onilipisele niwahi olaleya hapari zawo woohoovi hatha etthu.

Khaazi 4:31

Paata ya maaswihaapa apale wiisha olompa, puuro etile akusanyeyiyeevo khusala esakhinyeya, ooshi khuwiitaala Rooho Ttakatthiifu, khusala alaleya nttakhuzi la Nluku woohoovi hatha etthu.

Khaazi 9:27

Aphano Baranabe khunthuula khunlawana wa maaswihaapa khusala awooza nanna Sawulu amooniyeezo Mbwana ntarikhi na nanna anttakhulaniyeezo. Baranabe khusala alupa theenya khwa nanna atafusiriyeezo woominyalavo nzina la Yinsa Tamaashiku.

Khaazi 9:29

Aari ottakhula na okheetisana na mayaahuuti oottakhula ekereeku, ila yo aari owaza shawuri za omuula.

Arooma 15:30

Miiyo kinuuvekelani attwiizaku, khwa Mbwana Yinsa Al-Masiihu na khwa pheta ya Rooho Ttakatthiifu, yoori muumane vamote na miiyo nkatthi wa lompa ya Nluku khwa zwaamu yaka.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

1 Akorintiyu 1:5

Maana khwa etthiipo mweeyo mwareelisiwa khwa zooshi, eto tiiti, khwa nttakhuzi looshi na khwa ojuwa wooshi.

1 Akorintiyu 2:7

Olikha toowo, ninlupa akhili za Nluku, zaari siiri zoovitheya, etthiipo Nluku arumiyeeyo ehineeyevo hatha etthu yoori yiiye siifwa yeetthu.

1 Akorintiyu 4:1

Nakataalikha, mweeyo mooshi mwinoone wiiya akarumeya a Al-Masiihu, eeyiyeeyo anamalikheliwa weettettisa shawuri ya siiri za Nluku.

2 Akorintiyu 1:11

Mweeyo mwina ya onaawuni nkatthi wa lompa yoori atthu awaatta awahi oshukhurwela zwaamu yeetthu khwa parakha ninkhiweeyo mwaasa wa lompa zenu mooshi.

2 Akorintiyu 3:12

Nakataalikha, wiiya ninaaye owejela opo, nithoonyeze nroromelo wa waatta.

2 Akorintiyu 6:11

Nattakhulana mweeyo akorintiyu woosileyavo na nafukula rooho yeetthu yooshi.

2 Akorintiyu 7:4

Kinaaye nroromelo nwulweene khwa mweeyo, na kinjishashawula saaneene khwa mweeyo; kiwoolipiseleya venkivene; furaha yaka eniittikha khwa miswipa zooshi.

2 Akorintiyu 8:7

Nakataalikha, etthiipo mwinthoonyezaazo yoori khwa zooshi mwa oolikana zayita atthu akinoko aya nkatthi wa amini, nttakhuzi, ojuwa na ojinkha wa owaawuni azeenu, na pheta mwiriina khwa fweeyo mwijilipisane ruhusa eto ya olaza.

Ayeefezu 1:9

Aretta etile atthomiyeeyo na anithoonyeza shawuri za siiri aalakeliyeeyo oretta khwa Al-Masiihu,

Ayeefezu 3:9

na oweeleza atthu ooshi monkoni wa nanna enkholiwaazo siiri eti, Nluku namumpa wa zooshi aavithiyeeyo thanku asulani.

Akoloosu 2:2

Kinjilipisa yoori yo eeye ookhomaaziwa nroho mwaya, akusanyeye khwa pheta na apatthe maali zooshi za weeleyiwa wookhamilikha, yoori ajuwe saaneene siiri ya Nluku, yoori ti Al-Masiihu.

Akoloosu 4:3

Mwinilompele fweeyo theenya, yoori Nluku anifukulele milako khwa hapari zawe, yoori niwahi olaleya siiri za Al-Masiihu, etthiipo kifukeliweeyo.

1 Atizaloonika 2:2

Neeyiyeru pure woohikholiwi saana na ottukhaniwa sitati ya Filiipu, nkhama mweeyo mwinjuwaazo, khwa awuni ya Nluku naarina ominyala wa olaleya hapari zooshapweya za Nluku khwa mweeyo, vakatthi wa viittha ya waatta.

1 Atizaloonika 5:25

Attwiizetthu, mwinilompele fweeyo.

2 Atizaloonika 3:1

Wiishela waya, attwi, mwinilompele yoori nttakhuzi la Mbwana limwazeye nasaapiru na lipwekhere shitaha linsuhaaye, nkhama etthiipo zaarettikhaniyeezo vakatthi venu.

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

Filimooni 1:22

Olikha toowo, okeekesele puuro ya ovumula, mwaasa wa lompa zawo, kineekesela yoori kiwahi orutiseliwa mweeyo.

Meepereewu 13:18

Mwinilompele, maana ninkhupalela yoori akhili zeetthu pi zooshapweya, nitakhaka yoori niikhale wooshitaheya khwa vitthu zooshi.