Ayeefezu 6:10 - Hapari Zooshapweya

¹⁰ Omwiisho waya, mwiiye wookhomaala khwa Mbwana na kuvu za owahi nwulweene ariinaaye.

Ayeefezu 6:10 Mawu Ofanana

1 Akorintiyu 16:13

Mwiiye woojeekesela, mwikhomaale nkatthi wa amini, mwiiye atthu ominyala, mwiiye ookhomaala.

2 Akorintiyu 13:11

Omwiisho, attwiizaku, kinuuvekelani yoori mwiiye ofurahi! Mweekese ozowerela, mwilikhisane woophetanavo, mwiiyane shawuri moote, mwiikhale na heeri. Nluku wa pheta na heeri onttela wiiya vamote na mweeyo.

Ayeefezu 1:19

na miiyo kinlompa yoori mwijuwe nanna ohinlikananiwaayo owula wa owahi ariinaaye khwa fweeyo nikhupaliyeeyo, nkhama etthiipo onkholaazo khaazi vakatthi veetthu khwa owahi wa kuvu zawe.

Ayeefezu 3:16

Yoori khwa maali za siifwa, awinkheni wiiya ookhomaaziwa nkatthi wa nroho mweenu na owahi wa kuvu wa Rooho Ttakatthiifu.

Afiliipu 3:1

Wiishela waya attwiizaku, mwinfurahele Mbwana! Owaatikhelani opheya vitthu etthiipile khahi yooshokheza khwa miiyo, owiinanelani mweeyo.

Afiliipu 4:13

Kinwahi oretta zooshi khwa otule anikikhomaazaaye.

Afiliipu 4:8

Wiishela waya attwiizaku, yooshi yiiyiyeeyo ya ookhweele, yooshi yiiyiyeeyo ya shitaha, yooshi yiiyiyeeyo yoolotteya, yooshi yiiyiyeeyo swaafi, yooshi yiiyiyeeyo yoophetiwa, yooshi yiiyiyeeyo yootuvela, amana yiiyavo etthu yootepa oshapweya ama ensuhaaye ottitthimisiwa, mwifikhiri vitthu zaya epo.

Akoloosu 1:11

Nininvekela Nluku yoori mwikhomaazaniwe owahi wooshi, khwa kuvu za siifwa yawe, yoori mwiiyane nthiti looshi na ovilela.

2 Timootiyu 2:1

Nakataalikha weeyo mwanaka, ojikhomaaze nrehema eriiye khwa Yinsa Al-Masiihu.

2 Timootiyu 4:17

Ila Mbwana khwiiya phantte yaka na khukinkha kuvu, yoori khwa miiyo hapari elaleyiwe saaneene na amalapo ooshi asiile. Miiyo khutapuliwamo nkhanyo wa siipa.

1 Pheeturu 3:8

Omwiisho waya, wuupuwela weenu wiiye nanna moote, ohurumiyana, mwithoonyezaka pheta ya ottwi, mwiiye awoonelana tthakaraka na oojipushuwisa.

1 Pheeturu 4:11

Otule anttakhulaaye, attakhule nkhama antafusiraaye nttakhuzi la Nluku; otule anrumeyaaye ti arumeye khwa kuvu enkhiweeyo ti Nluku, yoori khwa vitthu zooshi Nluku asifwiwe khwa Yinsa Al-Masiihu, otule eeyiye ottitthima na owahi khwa mileele. Amiina.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

1 Yaahaya 2:14

Aanaaka, kawaatikhelani maana mwanjuwa Paapa. Apaapa, kawaatikhelani maana mwininjuwa otule ariivo thanku omwanzweene. Mashaapu, miiyo kawaatikhelani maana mweeyo mwa wookhomaala, na khwa mweeyo nttakhuzi la Nluku mwilipane na mwanshintta ntakhali.