Ayeefezu 5:6 - Hapari Zooshapweya

⁶ Ahiiyevo hatha ntthu mmote antakhaaye wuuttettekhani na mattakhuzi ohiivo, maana pi mattakhuzi atthaapo antanaaye katapu ya Nluku khwa apale aniikhalaaye muukhijili.

Ayeefezu 5:6 Mawu Ofanana

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Matewuzhu 24:4

Yinsa khuwaajipu yoori: “Phoole, ahiiyevo anttelaaye wuuhatani.

Maaruku 13:22

Maana anlawa apuwe Al-Masiihu oojipanka na manapiyu oojipanka anttelaaye oretta alama na vitthu zootikinisa yoori awaahate apale oothawuliwa.

Maaruku 13:5

Yinsa khuwooza yoori: “Phoole mwihihatiwe ti hatha ntthu.

Arooma 1:18

Nakataalikha, katapu ya Nluku enjithoonyeza pinkuuni khwa vitthu zooshi zootakhala na vitthu zohiiyi za shariya za anaatamu anvithaaye haakhi khwa vitthu zohiiyi za shariya.

Akoloosu 2:18

Mwihinlikhelele ntthu onintuvelaaye ojipushuwisa woovonyeya na khwa waaputu malayikha wuukarawelani opattha tthuvo. Ntthu aya oto onthatela saaneene jozi zawe, na akhili zawe za onaatamu enimwinkha ojikhupali.

Akoloosu 2:4

Miiyo kiniwuuzani epo yoori ahiiyevo antakhaaye wuuhatani na mattakhuzi olattanana oshapweya.

Akoloosu 2:8

Mwiiyane phoole yoori ahiiyevo anttelaaye wuurettani oviitthwaana mwaasa wa masomi oohiina fwayita na oottettekha, anlankhaaye khwa thwapiya za oonaatamu na yaazo yoolankha voolumwenku attaapha, zohiiyi khwa Al-Masiihu.

Akoloosu 3:6

Mwaasa wa vitthu etthiipo, enta katapu ya Nluku khwa apale aniikhalaaye nkatthi wookhijili.

2 Atizaloonika 2:3

Mwihinlikhe ntthu wuuttettekhani hatha vattitthiiru. Ehinafiye siikhu yaya eto, onlawa weeyevo okhijili, aphano phi anttelaaye othoonyeziwa ntthu wa twampi, mwaana wa opwetheya.

Meepereewu 13:9

Mwihijilikhelele mwithuuliwaka pi masomi ofwarikhana na oohijuweyi. Afwataali rooho wiiya yoolipisiwa ti rehema woohiiyi khwa vitthu zoojeliwa majampo, etthiipo zihiniwapatthisaaye fwayita apale anjaaye.

Meepereewu 3:19

Nakataalikha noone yoori yo mwaasa wookhijili khawaheeni ofiya.

1 Pheeturu 2:8

na, “Liwe lookwakwanttula na liwe linkwisaaye.” Yo ankwakwanttuwa mwaasa akhijilela hapari, maana piitthiipo atthomeliweeyo.

1 Yaahaya 4:1

Aphetani aka, mwihiwaakhupali ooshi anraaye anaaye rooho ya Nluku, ila mwisala mwinzaani khoona nkhama enlankha wa Nluku, maana manapiyu awaatta oojipanka amwazeyela voolumwenku.