Ayeefezu 5:5 - Hapari Zooshapweya

⁵ Maana mweeyo mwinjuwa yoori khina nshawi akhapa mmote, ama namaretta zootakhala, mpakha na apa ariina omaashokopho opu wiiyiyeeyo sanamu, apo aya khana phantte muufwalume wa Al-Masiihu na Nluku.

Ayeefezu 5:5 Mawu Ofanana

Olaawo 20:17

Ohilazele omaashokopho vaje wa nzaawo, wala muukha wa nzaawo, wala amwiitthwaana ama ajaazi awe, wala mompe zawe ama puuru zawe na wala etthu moote etile yiiyiye yawe.”

Khaazi 20:32

“Nasaapi eti, miiyo kiniwinkhelelani mmakhono wa Nluku na nttakhuzi la rehema lawe, linttelaaye wuujekani na owinkhani erathi vakatthi wa attakatthiifu.

Khaazi 8:21

Weeyo khuna hatha phantte nkatthi wa khaazi eti, maana rooho yawo khahi rooho saana mmakhono wa Nluku.

Akaalata 5:19

Maana khaazi za onaatamu zajithoonyeza, pi epi: khaapa twayifu, ojafu, ohuuzeyi,

Akaalata 5:21

nrima; ohapaliwa, osokho, na vitthu kiina zoolattanana etthiipo. Kiniwiinanelani nkhama kirettiyeezo swaafu kiina yoori apale anrettaaye vitthu epo khanteela opokherela ofwalume wa Nluku.

Ayeefezu 5:3

Vakatthi venu ehiiyevo khaapa twayifu, wala etthu moote yootakhala ama omaashokopho; maana zooshi epo khahi zooshapweya vakatthi wa attakatthiifu.

Akoloosu 1:13

Ye anikaphula nkatthi wa oshintta wa yiiza khunittha muufwalume wa Mwanawe wompheta wawe,

Akoloosu 3:5

Etthiipo, muule zooshi epile ziiyiye za ephattu yenu ya vathi: khaapa twayifu, ojafu, tuvela zootakhala na omaashokopho wiiyiyeeyo sanamu.

1 Timootiyu 6:10

Weekhweele pheta ya nzurukhu nchina la vitthu zooshi zootakhala. Mwaasa wa omaashokopho na nzurukhu, atthu akina alikha epaata yaya khusala ajihoowisa venkivene.

1 Timootiyu 6:17

Monkoni wa mathaajiri voolumwenku apha, owaahirimize yoori ahisala ajinkhelela, wala thwaama zaya ahitthe nkatthi wa maali epile zoohilipaneyi; ila thwaama zaya atthe wa Nluku, Ye oninkha wa waattavo vitthu zooshi yoori nisala nijirela.

Meepereewu 13:4

Harusi ena ya ottitthimisiwa pi atthu ooshi; amanna na aakha eeye awaaminana mmote na nzaawe; maana Nluku onteela owaaphuka ajafu na anamararuwa.

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”

Othoonyeziwa 22:15

Vaje ansalavo anapwa, apale aneettettelaaye oshawi, apale anrettaaye khaapa twayifu, anamahusuti, anamwaaputu sanamu na ooshi apale amphetaaye na aneettettelaaye ohata.