Ayeefezu 5:26 - Hapari Zooshapweya

²⁶ yoori atwahareshe attakatthisaka, oosaka na maati khwa nttakhuzi lawe,

Ayeefezu 5:26 Mawu Ofanana

Yaahaya 13:10

Yinsa khujipu: “Ntthu owiyeeyo eninhithajiya woosa moolu paasi, maana mwiili awe wooshi pu woottakattha. Mweeyo mwa oottakattha, ila khahi mooshi.”

Yaahaya 15:3

Mweeyo mwattakatthisiwa ti nttakhuzi kiwuuziyeenini.

Yaahaya 15:8

Paapa onsifwiwa mwaasa wa mweeyo wiima mishumo zawaatta, etthiipo enthoonyeza yoori mweeyo mwa anakhiyoni aka.

Yaahaya 17:7

Aphano yo anjuwa yoori vitthu zooshi okinkhiyeeyo zinlankha khwa weeyo.

Yaahaya 3:5

Yinsa khujipu yoori: “Miiyo kiniwuuzani khweele yoori, aheetteeni ovokoliwa na maati na Rooho khina anwahaaye weetta muufwalume wa Nluku.

Khaazi 22:16

Aphano onrupazela ni? Olankhe olawe woosiwe na woose twampi zawo, okhuwelaka nzina lawe.’

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Arooma 10:8

Ila niini alupiyeeyo? “Nttakhuzi liri kharipu na weeyo, liri nkhanyo mwawo na nroho mwawo.” Nttho, nttakhuzi la amini nintafusiraaye.

1 Akorintiyu 6:11

Akinoko a mweeyo mwaari etthiipo, ila moosiwa, mwattakatthisiwa, mwahakikhiwa khwa nzina la Mbwana Yinsa Al-Masiihu na khwa rooho ya Nluku eetthu.

2 Akorintiyu 11:2

Niiya kiriina khwa mweeyo niiya enlankhaaye wa Nluku. Miiyo kawaahitini oraliwa ti nlume mmote paasi Al-Masiihu, kitakhaka wuuthoonyezani ye nkhama mwaari swaafi.

Ayeefezu 6:17

Mwiwale koofiya ya nusura na mwirumeyele phanka ya Rooho Ttakatthiifu yiiyiyeeyo nttakhuzi la Nluku.

Akoloosu 3:16

Hapari za Al-Masiihu ziikhale saaneene nroho mweenu, mwisomisane na mwilakane mmote na nzeenu na akhili zooshi mwiipaka zaapuura, kaswiita na maliipo a siifwa na onshukhurwela Nluku nroho mweenu.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Meepereewu 10:10

Khwa matakhelo aya atthaapo phi nipatthiyeevo otwahareshiwa, khwa otwahiwa wa mwiili wa Yinsa Al-Masiihu, opu ovahiweeyo swaafu moote khwa zooshi.

Meepereewu 10:14

Maana khwa twaha moote ethiito paasi yawaakhamilikhisa mileele apale antwahareshiwaaye.

Meepereewu 10:22

apho nlaweni nimwaattame Nluku na rooho yookhweele na amini khaamili, na rooho zootwahareshiwa khwa akhili za paathuli na wiiyana mwiili wawoosiwa ti maati oohalalishiwa.

Meepereewu 10:29

Yatepa channu hukhumu khwa otule anintarawaaye Mwaana wa Nluku, ahittheeni fwayita taamu ya osiilana etile ewaatwahareshiyeeyo, na khuttukhana Rooho ya rehema?

Meepereewu 13:12

Etthiipo, Yinsa theenya ahoowa vaje wa nlako wa sitati, yoori awaatwahareshe atthu na taamu yawe mweenyewe.

Meepereewu 4:12

Maana nttakhuzi la Nluku likumi na lookhomaala, na loonoleya zayita phanka ya orere miwiri; ye linthipa mpakha ofiyelela ophakula nafusi na rooho, linlawa mpakha nkatthi wa ntthu, na limphuka wuupuwela na shawuri za nroho.

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

Tiyaaku 1:18

Mwaasa wa matakhelo awe, anumpa na nttakhuzi lawe la haakhi, yoori niiye puuro yamwanzo khwa zumpe zawe zooshi ompiyeeyo.

1 Pheeturu 1:2

athawuliweeyo khwa matakhelo a ojuwa wa Nluku Paapa khwa khaazi ya ottakatthisa ya Rooho Ttakatthiifu, yoori anshututele Yinsa Al-Masiihu, na wiittikha wa taamu yawe: Rehema na heeri ti yeekezeliwe.

1 Pheeturu 3:21

Nasaapi eti maati apo anthoonyeza njampo la woosa liniwuusurwaanini mweeyo, khahiyo mwaasa wa olaza ttaakha za mwiili, ila khwa ahiti ya akhili zooshapweya mmakhono wa Nluku khwa osisimuwa wa Yinsa Al-Masiihu,

2 Pheeturu 1:9

Nakataalikha ntthu amana ahina epo zaya ti woohooni, onoona epile ziriiye kharipu paasi, asahawaka otwahareshiwa wa twampi zawe epile za raku.

1 Yaahaya 5:6

Otu ti otule atiiyeeyo khwa maati na taamu, Yinsa Al-Masiihu. Ye khateeni na maati paasi, ila khwa maati na taamu. Na Rooho Ttakatthiifu shaahiti yoori vitthu zaya epo haakhi maana Rooho Ttakatthiifu ti ya haakhi.

Yuuda 1:1

Yuuda, mwiitthwaana wa Yinsa Al-Masiihu, ttwiiye Tiyaaku, apale akhuweliweeyo, oophetiwa ti Nluku Paapa na athokoreliweeyo ti Yinsa Al-Masiihu: