Ayeefezu 5:21 - Hapari Zooshapweya

²¹ Mwisala mwishututelana wakhula ntthu na nzaawe mwaasa wa shitaha mwiriinaaye na Al-Masiihu.

Ayeefezu 5:21 Mawu Ofanana

Mwanzo 16:9

Nlayikha la Nnyizinku khumuuza yoori: “Orutele wa nhano awo na wanshututele.”

1 Akorintiyu 16:16

Kinuurumani attwiizaku, mwiwaashitahi atthu nkhama apo na ooshi apale anrettaaye phantte na ankholaaye khaazi na fweeyo.

2 Akorintiyu 5:11

Nkhama etthiipo nijuwiyeezo omoova Mbwana, nineekesa owaatumerela atthu. Etile fweeyo niiyiyeeyo yathoonyezeya omaasho wa Nluku, na kinwejela theenya yoori ethoonyezeye nkatthi wa akhili zenu.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

Akaalata 5:13

Maana mweeyo attwiizaku, mwakhuweliwa yoori mwitaphuliwe. Otaphuliwa waya opo mwihirumeyele khwa winkha kiphenyo tuvela za onaatamu, ila mwirumeyelane mmote na nzeenu khwa pheta.

Ayeefezu 5:22

Aakha, mwiwaashitahi amanna zenu nkhama etthiipo mwininshututelaazo Mbwana.

Ayeefezu 5:24

Khwa nanna etthiipo ojama wa Nluku oninshututelaazo Al-Masiihu, na aakha ana ya owaashututela amanna zaya khwa zooshi.

Afiliipu 2:3

Mwihirette etthu khwa otakha weenu ama ojikhupali, ila woojipushuwisavo owoona akina aya wiiya awuuzitini mweeyo.

1 Timootiyu 2:11

Aakha, amana anozeliwaka ana yoojiitthaaza na ojinyamaza.

1 Timootiyu 3:4

Eeye ntthu wa weettettisa vaje vawe saana, wooshututeliwa pi aanaawe na wooshitahanana.

Meepereewu 13:17

Mwiwaashututele atthu apale oolokozeliyeenini na mwiwaashirehezele khwa ofwalume aya, maana yo aniwiinanelani mweeyo nkhama atthu anttelaaye ojipu khwa khaazi yenu mweeyo wa Nluku. Mwiwaashututele, yoori khaazi zaya ziiye furaha na ehiiye etthu yoolemela, maana toowo khayaari wiiya etthu ya fwayita khwa mweeyo.

1 Pheeturu 2:13

Mwaasa wa Mbwana, mwishitahi ofwalume wooshi enkhiweeyo anaatamu; waaza mfwalume ariina yenzi khuluyeene,

1 Pheeturu 2:17

Mwiwaatthantte atthu ooshi khwa shitaha, mwiwaaphete attwi, mwimoove Nluku, na mwinshitahi mfwalume.

1 Pheeturu 5:5

Khwa nanna ethiito, mashaapu awaashitahi attunkhulu. Mooshi mwiiye ojipushuwisa mmote na nzeenu, maana Nluku khantuveliwa pi apale oojikhupali, ila oniwenkha rehema apale oojipushuwisa.