Ayeefezu 5:20 - Hapari Zooshapweya

²⁰ Woohilikheleli onshukhurwela Nluku Paapa khwa zooshi, khwa nzina la Mbwana eetthu Yinsa Al-Masiihu.

Ayeefezu 5:20 Mawu Ofanana

Yaahaya 15:16

Khahiyo mweeyo mwikithawuliyeeyo miiyo, ila miiyo ti kuuthawuliyeenini mweeyo na khuutthomani yoori mwilawe mweeme mishumo, mishumo zoolipaneya, yoori Paapa awahi owinkhani wakhula etile mwinvekaaye khwa nzina laka.

Khaazi 5:41

Maaswihaapa khusaruwamo nnyuupa khuulu ya Mashawuriiya ari ofurahi mwaasa wa Nluku owoona wiiyana owahi ohoowa wa opattisisiwa haaya mwaasa wa nzina la Yinsa.

Arooma 1:8

Khapula ya zooshi, kininshukhurwela Nluku aka, khwa Yinsa Al-Masiihu, khwa mooshi mweeyo, maana olumwenku wooshi entta olaleyiwa amini mwiriinaaye.

1 Akorintiyu 1:4

Wakhula wakathi kininshukhurwela Nluku mwaasa wa rehema yawe awinkhiyeenini mweeyo khwa Yinsa Al-Masiihu.

1 Akorintiyu 15:24

Aphano onteela ofiya mwiisho wa vitthu zooshi, Al-Masiihu onteela otapanya owahi wooshi, ofwalume na maatuwi na aperekhe ofwalume mmakhono wa Nluku, Papaawe.

Ayeefezu 5:4

Wala mwihisala mwipiya mwaasa wootakhala, mattakhuzi enu ahisala eeya ohifwayi ama oophuja epo zaya khiniweezani, mattakhuzi enu ana ya wiiya onshukhurwela Nluku.

Afiliipu 1:3

Kininshukhurwela Nluku aka khwa zooshi wakhula swaafu kiniwuupuwelaani mweeyo.

Afiliipu 4:6

Mwihishukulikhele hatha etthu, ila mwinvekele Nluku khwa lompa na oveka yooshi etile mwinhithajiyaaye na rooho ya oshukhuru.

Akoloosu 3:17

Zooshi mwinrettaazo, waaza mattakhuzi ama khwa khaazi, mwirette zooshi khwa nzina la Mbwana Yinsa, khwa ye mwinshukhurwele Nluku Paapa.

1 Atizaloonika 3:9

Nannani ninwahaaye onshukhurwela Nluku khwa furaha yooshi niriinaaye omaasho wawe mwaasa wa mweeyo?

1 Atizaloonika 5:18

Mwishukhurwele wakhula enuupatthaanini, maana apo matakhelo a Nluku khwa mweeyo mwaasa wookusanyeya na Al-Masiihu Yinsa.

2 Atizaloonika 1:3

Attwi, nina ya onshukhurwela Nluku wakhula swaafu khwa mweeyo; eto ya shariya, maana amini mweeyo mwiriinaaye entepa owula channu na eneekezela pheta yenu mooshi mmote na nzeenu.

2 Atizaloonika 2:13

Ila fweeyo nina ya onshukhurwela Nluku wakhula wakathi khwa mweeyo attwiizetthu, aphetani a Mbwana, maana thanku omwanzo Nluku oothawulani yoori mwiiye awuusurukha, khwa khaazi za ottakatthisa wa Rooho na amini mwiriinaaye khwa haakhi.

Meepereewu 13:15

Tiito, woohilikheleli khwa Yinsa, nlaweni nimwinkhe Nluku twaha ya omwiipela maliipo a siifwa, ziiyiyeeyo mishumo za milomo zintukhurwaaye nzina lawe.

1 Pheeturu 2:5

mweeyo theenya mwinrumeyeliwa nkhama mawe haayi khwa ojekaniwa nyuupa ttakatthiifu, yoori mwipatthe onamalokozela wa tiini ttakatthiifu, mwinkhaka twaha ttakatthiifu yookhupaleliwa ti Nluku vakatthi wa Yinsa Al-Masiihu.

1 Pheeturu 4:11

Otule anttakhulaaye, attakhule nkhama antafusiraaye nttakhuzi la Nluku; otule anrumeyaaye ti arumeye khwa kuvu enkhiweeyo ti Nluku, yoori khwa vitthu zooshi Nluku asifwiwe khwa Yinsa Al-Masiihu, otule eeyiye ottitthima na owahi khwa mileele. Amiina.