Ayeefezu 4:28 - Hapari Zooshapweya

²⁸ Otule aari nantarawu alikhe wiiya, ila arette etthu yooshapweya na makhono awe yoori apatthe etthu yoowaamela apale oothowiwa.

Ayeefezu 4:28 Mawu Ofanana

Olaawo 20:15

Ohiiye.

Olaawo 20:17

Ohilazele omaashokopho vaje wa nzaawo, wala muukha wa nzaawo, wala amwiitthwaana ama ajaazi awe, wala mompe zawe ama puuru zawe na wala etthu moote etile yiiyiye yawe.”

Luuka 19:8

Zakewu khulankha khweemela khumuuza Mbwana yoori: “Woone Mbwana! Kintta owenkha asikhini phantte moote ya maali zaka na apale kaari oweeyelaaye, kintta owaarutisela swaafu nne.”

Luuka 3:8

Mwirette vitthu enthoonyezaaye yoori khweele mwathupwiya, mwihijilupeze yoori ‘Eburahiima ti papeetthu.’ Miiyo kiniwuuzani yoori khwa liwe ntthi Nluku onwahi owaattala aana a Eburahiima.

Yaahaya 12:6

Ye khaalupiye toowo mwaasa wa wiiyana huruma na asikhini, ila mwaasa wa wiiya nantarawu, na tiye aari opwehaaye nfukho wa nzurukhu, amana otthiiwamo eetta olazakamo.

Yaahaya 13:29

Maana Yuuda ti aari opwehaaye nfukho wa nzurukhu, akina aari waakanyera yoori Yinsa amuuza olawa wuuzanya vitthu zooretteliwa njampo, ama yoori alaze etthu awinkhe asikhini.

Arooma 12:13

Mwisala mwiwaameela attakatthiifu apale othowiwa epile mwiniiyanaaye, na owaapokherela aletto vaje venu.

1 Akorintiyu 4:12

na ninkhola khaazi yoolipa na makhono eetthu. Amana nilaaniwa, fweeyo nintta oparikhiya; amana nilupatthiwaka, niniiya woovilela;

2 Akorintiyu 8:12

Maana, amana ntthu ajilakelela winkha, Nluku ompwekherela etile ntthu ariina, khaninvekela ntthu etile ahina.

2 Akorintiyu 8:2

Vakatthi wa nswipa nwulweene, furaha khuluyeene na osikhini wa waatta enkhiye zaakha khwa rooho ya emaani.

Akaalata 6:10

Nakataalikha wakathi ninwahaaye, niwaarettele zooshapweya atthu ooshi, haaswa haaswa apale a ojama nkatthi wa amini.

1 Timootiyu 6:18

Owaahirimize oretta saana na eeye mathaajiri a khaazi zooshapweya, awiiyana rooho yooleva na wiiya atthu anwahaaye omeela epile aniiyanaazo.

Tiitu 3:14

Atthu eetthu ana ya ojinozela oretta vitthu zooshapweya na awaawunaka azaaya nkatthi wa tafwawuthi, wakhula siikhu, na ahiiye ooviliwa.

Tiitu 3:8

Mattakhuzi apa pi awaamineya, miiyo kintakha yoori weeyo Tiitu okhanyarele olupa, yoori apale aninkhupalaaye Nluku ajilipisane oretta khaazi zooshapweya. Vitthu zaya epo pi za otepa oshapweya na za fwayita khwa anaatamu.