Ayeefezu 3:7 - Hapari Zooshapweya

⁷ Khwa hapari zooshapweya etthiipo, karetteya wiiya nakhaazi khwa tthuvo ya rehema ya Nluku, akinkha khwa kuvu za owahi ariinaaye.

Ayeefezu 3:7 Mawu Ofanana

Khaazi 9:15

Ila Mbwana khumuuza Ananiiya yoori: “Olawe, maana ntthu oto khwa miiyo, yoopo yoothawuliwa yoori ethuule nzina laka ewaalawanele amalapo na afwalume aya, na vakatthi wa atthu a Ezirayiilu.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Arooma 12:3

Tiito, khwa rehema kinkhiweeyo, kiniwuuzani mooshi mweeyo yoori: Ahiiyevo aniiyanaaye khwa mweenyewe shawuri zooziti epile anwahaaye wiiyana; ila, olikha toowo, eeyane shawuri zoolipalipa nkhama etthiipo khiima ya amini Nluku amwinkhiyeeyo.

Arooma 15:16

ya wiiya karumeya wa Al-Masiihu Yinsa khwa amalapo, nkhama khaazi ya ohaakhimu ya olaleya hapari za Nluku, yoori amalapo aretteye wiiya zaakha yookhupaliwa ti Nluku, oottakatthisiwa ti Rooho Ttakatthiifu.

1 Akorintiyu 15:10

Ila khwa rehema ya Nluku, karetteya nanna eti kiriizo, na rehema yawe khwa miiyo khahiyo etthu yoohiina fwayita; khapulathi, kakhola khaazi channu zayita yo ooshi; khwa zooshi, khahiyo miiyo, ila rehema ya Nluku khwa miiyo.

1 Akorintiyu 3:5

Amajaali, Paawulu paani? Wala Apoolu paani? Yo akarumeya vakatthi wa atthaapo mweeyo mwifiyeleliyeeyo okhupali, khwa khaazi etile Nluku amwinkhiyeeyo wakhula mmote.

2 Akorintiyu 3:6

Ye aninkha makhaamu a wiiya awaziri a osiilana mpheya, ohiiyi a kano, ila a rooho; maana kano enuula, ila Rooho ya Nluku eninkha ohaayi.

2 Akorintiyu 4:1

Nakataalikha, nihitteettheye maana ninaaye khaazi eti ninkhiweeyo khwa tthakaraka.

Akaalata 2:8

Maana Nluku anrettiye Pheeturu wiiya aswihaapa wa apale ookhiriya ti othuuto theenya akirettiyeeyo miiyo wiiya aswihaapa wa amalapo.

Ayeefezu 1:19

na miiyo kinlompa yoori mwijuwe nanna ohinlikananiwaayo owula wa owahi ariinaaye khwa fweeyo nikhupaliyeeyo, nkhama etthiipo onkholaazo khaazi vakatthi veetthu khwa owahi wa kuvu zawe.

Ayeefezu 3:2

weekhweele mweeyo mwinjuwa yoori Nluku, mwaasa wa rehema yawe, akinkha khaazi eti khwa saana yenu mweeyo.

Ayeefezu 3:20

Otule ariina makhaamu ooretta zooshi zawaatta venkivene, zayita epile ninvekaazo ama ninuupuwelaazo khwa owahi onkholaaye khaazi vakatthi veetthu,

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Ayeefezu 4:16

Ye ti arettisiyeeyo yoori mwiili wiiye wookusanyeya saaneene, na phantte zooshi zipharaane khwa okusanyiwa vamote. Na khwa etthiipo, wakhula phantte ekholaka khaazi yooshapweya, na mwiili wooshi onwula na onjitaphula nkatthi wa pheta.

Akoloosu 1:29

Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

1 Atizaloonika 2:13

Theenya ninshukhurwele Nluku woohilikheleli, mwaasa yoori wakathi mwipwekhereliyeeyo khwa phantte yeetthu nttakhuzi la Nluku, mweeyo mwakhupalela, khahiyo nkhama nttakhuzi la anaatamu, ila khwa nanna weekhweele liiyiyeezo nttakhuzi la Nluku, linkholaaye khaazi wookhomaalavo khwa mweeyo mwikhupaliyeeyo.

Meepereewu 13:21

okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.