Ayeefezu 3:1 - Hapari Zooshapweya

¹ Mwaasa wa ethiito, kininvekela Nluku miiyo Paawulu, kimpattikhanaaye kiri napherezu khwa Al-Masiihu yoori mweeyo mwiiyiye amalapo mwiiye saana,

Ayeefezu 3:1 Mawu Ofanana

Luuka 21:12

“Khapula zihinarettikhane vitthu zaya epo, mwinlawa mwalupatthiwe, mwilawaniwe mmakhono wa afwalume na mahaakhimu, mwiphukiwe nsinakooka, mwifukeliwe nkalapooso mwaasa wa okilotta miiyo.

Khaazi 21:33

Nttunkhulu otule khumwaattama Paawulu, khunkhola khuruma ofukaniwa makwinjili mawiri. Khuuzela yoori ti paani otu aya wala arettani?

Khaazi 23:18

Etthiipo ye khunthuula khulawana wa nttunkhulu wa anajanka. Noofiya khuri: “Napherezu Paawulu eetta okikhuwela, khukivekela yoori kintiise shaapu otu onaaye etthu antakhaaye wuuthatelela.”

Khaazi 26:29

Paawulu khujipu araka: “Wakathi wa waatta ama vattitthiiru, kininvekela Nluku khahiyo khwa weeyo paasi, ila apale ooshi anikisiilaaye aretteye wiiya nkhama miiyo, woohiina makwinjili apa kiriina.”

Khaazi 9:15

Ila Mbwana khumuuza Ananiiya yoori: “Olawe, maana ntthu oto khwa miiyo, yoopo yoothawuliwa yoori ethuule nzina laka ewaalawanele amalapo na afwalume aya, na vakatthi wa atthu a Ezirayiilu.

2 Akorintiyu 1:6

Nkhama zanipattha miswipa ennipattha yoori mwizurwiwe na muusurukhe; nkhama nazurwiwa, na mweeyo mwazurweya, otthuupo oninkhaaye ovilela na olevelela ohoowa onipatthiyeeyo.

2 Akorintiyu 10:1

Miiyo Paawulu, khwa wiitthaala na okemaani wa Al-Masiihu, kinuuhirimizani mweeyo. Miiyo kiniiya “woojipushuwisa” amana kiiya wuuso khwa wuuso na mweeyo, ila kiniiya njawuri amana kiiya peetiwene!

2 Akorintiyu 11:23

Yo akarumeya a Al-Masiihu? Aphano ki woovevereya! Miiyo theenya kakhola khaazi channu. Kaafukeliwe swaafu zawaatta. Khujaphiwa nakuvu, swaafu zawaatta na khusala kisaleela ofwa.

Akaalata 5:11

Attwiizaku, nkhama miiyo nalelo kintafusiri okhiriya, khi kinlupattheliwani? Eriwaka miiyo kaari otafusiri epo, aphano otafusiri waka monkoni wa nsalapa wa Al-Masiihu khina mmote aari weettelaaye wiiyana tafwawuthi.

Akaalata 5:2

Mwikisiileze saana! Miiyo Paawulu etthu kinttelaaye owuuzani: amana mwijilikhelela mwikhiriyisiwa, Al-Masiihu khanteela wuupatthelani fwayita.

Akaalata 5:24

Atthu apale ankhupaliye Yinsa Al-Masiihu akhomela onaatamu na tuvela zaya na zootakha zaya.

Ayeefezu 3:11

epi shawuri Nluku arettiyeeyo, khwa Yinsa Al-Masiihu Mbwana eetthu olumwenku ohinompiwe.

Ayeefezu 3:13

Nakataalikha, kinuuvekelani yoori mwihihuzunikhe khwa nanna kinihoowaazo mwaasa wa mweeyo, maana ohoowa waka miiyo siifwa yenu.

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Ayeefezu 4:1

Tiito kinuuvekelanini, miiyo kiiyiye napherezu khwa Mbwana, yoori mwiikhale khwa mwentto woosuhi khwa okhuweliwa otthuupo mwipwekhereliyeeyo.

Ayeefezu 6:20

Kafukiwa na makwinjili mwaasa wa onakhaazi wa hapari zooshapweya, mwikilompele yoori kiiye woominyala kisala kilaleya khwa nanna kiriinaazo ya olupa.

Afiliipu 1:7

Ti ya shariya miiyo ojoona toowo monkoni wa mweeyo, nkhama etthiipo mwiriiye varoho vaka, hatha nkhama kiri mmakwinjili akifukiyeeyo, hatha kaakiselaka na kihakikhaka hapari zooshapweya, mooshi mweeyo mwinretta phantte na miiyo nrehema ya Nluku.

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

Akoloosu 4:18

Miiyo, Paawulu, kinaatikha salamu epi kimweenyewe na nkhono aka. Mwifikhiri ofukiwa waka. Rehema yiiye vamote na mweeyo.

Akoloosu 4:3

Mwinilompele fweeyo theenya, yoori Nluku anifukulele milako khwa hapari zawe, yoori niwahi olaleya siiri za Al-Masiihu, etthiipo kifukeliweeyo.

2 Timootiyu 1:16

Mbwana ti oonele huruma vaje wa Onisiiforu, maana swaafu zinki ti aari okilipiselaaye woohimpatthisi haaya ofukiwa waka.

2 Timootiyu 1:8

Nakataalikha, ehuupatthiseni haaya onlawela oshaahiti Mbwana, wala khwa miiyo, kiiyiye napherezu awe, ila ohoowe vamote na miiyo mwaasa wa hapari zooshapweya khwa owahi wa Nluku.

Filimooni 1:1

Miiyo Paawulu, namafukeliwa mwaasa wa Yinsa Al-Masiihu, na ttwiiyaku Timootiyu, kiniwaatikhela weeyo, Filimooni, swaahipu eetthu na nakhaazi wompheta,

Filimooni 1:23

Epaafara nshirikha kifukelaniweeyo nkalapooso mwaasa wa Yinsa Al-Masiihu onuuperekheza salamu.

Filimooni 1:9

kinhithari oretta nkhuwo wa pheta. Miiyo, Paawulu, kooluvala na nasaapi eti theenya ki namafukiwa mwaasa wa Yinsa Al-Masiihu,

Othoonyeziwa 2:10

Mwihoove etthu enttelaaye wuuhoochani nasaapi eti. Sheethwani oniweeselela akina a mweeyo nkalapooso yoori aweezeni, na mwinteela ohoowa monkoni wa olupatthiwa khwa siikhu khumi. Mwiiye awaamineya mpakha ofwa, na miiyo kintta owinkhani jarata ya ohaayi.