Ayeefezu 2:4 - Hapari Zooshapweya

⁴ Ila mwaasa wa Nluku wiiya thaajiri wa tthakaraka na mwaasa wa pheta khuluyeene ariinaaye na-fweeyo,

Ayeefezu 2:4 Mawu Ofanana

Yuunusa 4:2

Ye khusala amuuza Nnyizinku araka: “Oo Nnyizinku, khahiyo eti khaalupiye nalelo kiri onti? Tithiito yaakipatthisiyeeyo otthira keettaka Taarisi. Miiyo kaajuwiye yoori weeyo o Nluku wa tthakaraka na wa huruma, woovilela na woopheta channu, onaahitaaye ohukhumu ila khulevelela amana wiiyavo othupwiya.

Luuka 1:78

maana Nluku eetthu tu wa huruma. Onteela othoonyeza nuuru yawe vakatthi veetthu,

Arooma 10:12

Khawiivo ofwarikhana khwa mayaahuuti na amalapo, maana Mbwana othuuto mmote ti Mbwana wa atthu ooshi na oniwaaparikhiya saaneene ooshi apale aninkhuwelaaye,

Arooma 2:4

Ama talili weeyo ontarawu maali za emaani yawe, ovilela na olevelela, ohijuwaka yoori okemaani wa Nluku onuulawana muuthupwiya?

Arooma 5:8

Ila Nluku onthoonyeza pheta yawe khwa fweeyo, Al-Masiihu anifwela fweeyo nalelo niri anatwampi.

Arooma 9:23

Kilupe niini, nkhama ye aretta epo yoori opatthe ojuwiwa othaajiri wa siifwa yawe khwa zoopo ya tthakaraka yawe, atthenkeziyeeyo raku zeene khwa ottitthima wawe.

Ayeefezu 1:7

Ye anitaphula koosa zeetthu khwa taamu yawe, ninaaye nswammaha wa twampi khwa maali za rehema ya Nluku,

Ayeefezu 2:7

Yoori athoonyeze wakathi ontaaye, maali zihinlikananiwaaye za rehema zawe na athoonyezaka emaani yawe aarina na fweeyo khwa Yinsa Al-Masiihu.

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

2 Atizaloonika 2:13

Ila fweeyo nina ya onshukhurwela Nluku wakhula wakathi khwa mweeyo attwiizetthu, aphetani a Mbwana, maana thanku omwanzo Nluku oothawulani yoori mwiiye awuusurukha, khwa khaazi za ottakatthisa wa Rooho na amini mwiriinaaye khwa haakhi.

1 Timootiyu 1:14

Rehema yooziti ya Mbwana eetthu khukiishukhela, khukipatthisa ompheta na omwaamini Ye.

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

1 Pheeturu 1:3

Asifwiwe Nluku, Paapa wa Mbwana eetthu Yinsa Al-Masiihu! Khwa owula wa tthakaraka yawe, ye anikaphula khuninkha nroromelo wawiiyavo khwa osisimuwa wa Yinsa Al-Masiihu vakatthi wa ananfwa,