Ayeefezu 2:18 - Hapari Zooshapweya

¹⁸ Maana khwa ye mweeyo na fweeyo ninaaye ruhusa ya paapa khwa Rooho moote paasi.

Ayeefezu 2:18 Mawu Ofanana

Matewuzhu 28:19

Nakataalikha, mwilawe mwawaarette anakhiyoni khwa khapila zooshi, mwiwoosaka khwa nzina la Paapa, la Mwaana, na Rooho Ttakatthiifu,

Yaahaya 10:7

Yinsa khurutela owooza theenya yoori: “Miiyo kiniwuuzani khweele yoori: Miiyo ki nlako wa pwittipwitthi.

Yaahaya 10:9

Miiyo ki nlako; otule anviraaye khwa miiyo ontta wuusurukha. Na onaaye ruhusa ya ovira khusaruwa na onsikana nnyepu.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Arooma 5:2

Khwa othuuto ti nipatthiyeeyo ruhusa khwa amini, na rehema ethiito nikhomaleliyeeyo nasaapi na ninjittitthimisanaaye khwa nroromelo wa siifwa ya Nluku.

Arooma 8:15

Maana mweeyo khamwipokhereeni Rooho yawuurettani oviitthwaana yoori mwirutele woova theenya, ila mwapokhera Rooho yuurettiyeenini wiiya aana khwa wuukaphulani, ethiito ninkhuwelaaye yoori “Aba, Paapa.”

1 Akorintiyu 12:13

Maana khwa mwiili mmote paasi noosiwa khwa Rooho moote: waaza mayaahuuti, akereeku, mpakha amwiitthwaana, hatha apale ootaphuliwa, fooshi napwekhera Rooho moote paasi.

1 Akorintiyu 8:6

ila khwa fweeyo, Nluku ori mmote paasi, Paapa, otule ompiyeeyo vitthu zooshi na fweeyo niwaapho khwa ye; na Mbwana mmote Yinsa Al-Masiihu paasi, othuuto vitthu zooshi zumpiweeyo khwa ye, khwa othuuto fweeyo neeyavo.

Akaalata 4:6

Na mwaasa wa mweeyo wiiya aana a Nluku, ye aperekha varoho venu Rooho ya Mwanawe, enkhuwaaye eraka: “Aba, enraaye Paapa!”

Ayeefezu 3:12

Khwa otule nimpattheliyeeyo otaphuliwa, ninlawa ojithoonyeza omaasho wa Nluku nirina nroromelo nwulweene wa amini khwa ye.

Ayeefezu 3:14

Mwaasa wa ethiito, miiyo kinkokhora omaasho wa Paapa,

Ayeefezu 4:4

Mwiili mmote paasi na Rooho Ttakatthiifu eri moote paasi, nkhama etthiipo mwikhuweliweeyo khwa nroromelo mmote.

Ayeefezu 6:18

Wakhula wakathi mwisala mwilompa khwa Rooho Ttakatthiifu na ojeekesela woohilikheleli na mwiwaalompelaka attakatthiifu ooshi.

Akoloosu 1:12

Ninshukhurwele Paapa na furaha, aninkhiyeeyo makhaamu a oretta phantte ya erathi ya attakatthiifu muufwalume wa nuuru.

Meepereewu 7:19

Maana kano khikhamilikhiseeni hatha etthu. Nasaapi eti Nluku aninkha nroromelo nwulweene, otthuupo pi onnattamanisaaye Nluku.

Tiyaaku 3:9

Ninrumeyela nlimi nttinttho ninsifwaka Mbwana Paapa, na khwa nttinttho niniwaalani atthu, ompiweeyo oolattanana Nluku.

1 Pheeturu 1:17

Amana mwilompaka mwininkhuwela Paapa, otule amphukaaye sawasawa khaazi ya wakhula ntthu, mwinshitahi ye khwa ohaayi enu va olumwenku apha.

1 Pheeturu 1:21

Khwa ye mweeyo mwankhupali Nluku, otule ansisimuliyeeyo muufwa na khunttitthimisa, khwa nanna yoori amini na nroromelo enu wiiye khwa Nluku.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

Yuuda 1:20

Mwikhomaale, ajiraani zaka, khwa amini ttakatthiifu etile mwiriina, mwilompaka khwa Rooho Ttakatthiifu.