Ayeefezu 2:1 - Hapari Zooshapweya

¹ Mweeyo mwaafwiiye mwaasa wa koosa zenu na twampi zenu.

Ayeefezu 2:1 Mawu Ofanana

Mwanzo 8:21

Nnyizinku khusiila arufu yonkhurunusha rooho khulupa mweenyeweru yoori: “Akinteela orutela theenya olaani tuniya mwaasa wa pinaatamu, eeyaru pure wootakhala rooho ovokoliwa wene. Akinteela orutela opwetecha zumpe zooshi nkhama nanna eti kirettiyeeyo.

Matewuzhu 8:22

Yinsa khujipu araka: “Okilotte, owaalikhe ananfwa azikhane atthaaporu.”

Luuka 15:24

Mwaasa yoori mwanaka otu aafwiiye, apha ori haayi; aashikhiye, apha apattikhana.’ Khwaaziwa njampo.

Luuka 15:32

Ila yaari ohithajiya oretta njampo la furaha, mwaasa yoori ttwiiyo aafwiiye apha ori haayi, aashikhiye apha apattikhana.’ ”

Yaahaya 10:10

Nantarawu onteela wiiya, wuula na otapanya. Miiyo kata yoori mwiiyane ohaayi wa waatta na woolikana.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 5:21

Maana etthiipo Paapa aniwaasisimulaaye ananfwa na khuwinkha ohaayi, Mwaana naye oniwinkha ohaayi apale ye aniwatakhaaye.

Yaahaya 5:25

Miiyo kiniwuuzani khweele yoori, ontta ofiya wakathi, na wafiya, ananfwa anttelaaye osiila huula ya Mwaana wa Nluku na otule anttelaaye osiila oniiya haayi.

Arooma 8:2

Maana vakatthi wa Yinsa Al-Masiihu, kano ya rooho ya ohaayi yakitaphula khwa kano ya twampi na ofwa.

1 Akorintiyu 15:45

Maana Zawaatikhiwa Ttakatthiifu zinlupa yoori: “Adamu, ntthu wamwanzo, ompiwa nkhama yumpe haayi”, ila Adamu wawiishela, Yinsa Al-Masiihu, rooho eninkhaaye ohaayi.

2 Akorintiyu 5:14

Maana pheta ya Al-Masiihu ennijekelela, na ninkhupalela yoori ntthu mmote paasi awaafwela atthu ooshi, khwa etthiipo, atthu ooshi afwa.

Ayeefezu 4:18

Weeleyiwa waya wattiyeleleya na ophakuwanana ohaayi wa Nluku mwaasa wookhijili ariinaayo khwa ozivala wa rooho zaya.

Ayeefezu 5:14

Maana nuuru ti emmwasikhelaaye vitthu zooshi. Tiito nttakhuzi la Nluku linlupaaye yoori: “Olankhe oo weeyo onlalaaye, osisimuwe vakatthi wa atthu ofwa, Al-Masiihu ontta wuumwasikhela.”

Akoloosu 2:13

Wakathi mweeyo mwafwiyeevo khwa twampi zenu na muuhikhiriyi wa mwiili enu, Nluku awinkhani ohaayi mpheya vamote na Al-Masiihu. Ye aniswaamihi koosa zeetthu zooshi,

1 Timootiyu 5:6

Ila otule anjitupweezaaye nkatthi wa tuvela za olumwenku, hatha nkhama ori haayi oniiya woofwa.

1 Yaahaya 3:14

Fweeyo najuwa yoori navikana ofwa neetta muuhaayi, maana niniwaapheta attwiizetthu. Otule ahimphetaaye ompharerela muufwa.

Othoonyeziwa 3:1

“Khwa ojama wa Nluku wa Saariti waatikhe yoori: Apa mattakhuzi a otule ariina rooho sapa zininrumeyelaaye Nluku na matthottowa sapa. Kinjuwa zooretta zaya. Mweeyo mwinjuwaniwa wiiya haayi, ila mwafwa.