Ayeefezu 1:4 - Hapari Zooshapweya

⁴ Olumwenku ohinompiwe, Nluku anithawula rakuzeene khwa Yinsa yoori niiye attakatthiifu na niiye atthu oohiina paathuli mmakhono mwawe.

Ayeefezu 1:4 Mawu Ofanana

Matewuzhu 24:22

Eriwaka wakathi aya opo khawaavukuliwe, khina aari weettelaaye wuusurukha, ila mwaasa wa apale oothawuliwa, siikhu zaya epo enttela wiiya zoovukuliwa.

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Matewuzhu 24:31

Ye onttela operekha malayikha awe na ovuma nwulweene wa malope, yo anttela owaakusanya ananthawuliwa aya ooshi khwa phantte nne zinlankhaawo pheevo, phantte khwa phantte kiina ya pinku.

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Yaahaya 10:16

Kinaaye theenya pwittipwitthi kiina zihimo mmwizizi mphu. Epo enikihithajiya weettela kikusanye na epi ziiye liphanko limote na nshuki mmote na epo zinteela osiila huula yaka.

Yaahaya 15:16

Khahiyo mweeyo mwikithawuliyeeyo miiyo, ila miiyo ti kuuthawuliyeenini mweeyo na khuutthomani yoori mwilawe mweeme mishumo, mishumo zoolipaneya, yoori Paapa awahi owinkhani wakhula etile mwinvekaaye khwa nzina laka.

Yaahaya 17:24

“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.

Khaazi 13:48

Asiiliyeevo atthu, amalapo khwiiya ofurahi khuttottopela nttakhuzi la Mbwana, ooshi aathawuleliweeyo ohaayi wa mileele khukhupalela.

Khaazi 15:18

otule alaleyiyeeyo vitthu zaya epi thanku asulani.’

Khaazi 18:10

Maana miiyo kiri vamote na weeyo, khina etthu moote enttelaaye wuupuwelela yootakhala, maana miiyo kinaaye atthu awaatta sitati ethiiti.”

Arooma 8:33

Paani ariina ruhusa ya owaalokoveza ananthawuliwa a Nluku? Nluku ti aniwaahakikhaaye.

1 Akorintiyu 1:8

Ye onuukholelelani mpakha mwiisho, woohiina paathuli mpakha siikhu ya ota wa Mbwana eetthu Yinsa Al-Masiihu.

Akaalata 5:13

Maana mweeyo attwiizaku, mwakhuweliwa yoori mwitaphuliwe. Otaphuliwa waya opo mwihirumeyele khwa winkha kiphenyo tuvela za onaatamu, ila mwirumeyelane mmote na nzeenu khwa pheta.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Akaalata 5:6

Maana khwa Yinsa Al-Masiihu, wala okhiriya, wala ohikhiriyi khuna hatha fwayita moote, ila amini paasi enkholaaye khaazi vakatthi wa pheta.

Ayeefezu 2:10

Maana naazumpe za wumpiwa ti Nluku khwa Yinsa Al-Masiihu yoori nirette vitthu zooshapweya, epile Nluku atthenkeziyeeyo khapula yoori fweeyo neettettele.

Ayeefezu 3:17

Theenya kinlompa yoori Al-Masiihu apatthe wiikhala nroho mweenu khwa amini, na yoori pheta yiiye mitathaari zenu na nchina lenu.

Ayeefezu 4:2

Mwiiye oojipushuwisa, ookemaani, oovilela, mwihurumiyanaka mmote na nzeenu na oophetana.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

Ayeefezu 5:27

yoori wajithoonyeze khwa ye nkhama ojama wa Nluku woohiina hatha malepa wala jaraha ama vitthu kiina zootakhala, ila ttakatthiifu woohiina tafwawuthi.

Afiliipu 2:15

yoori mwihiiyane paathuli na mwiiye swaafi, aana a Nluku ohiina paathuli vakatthi wa atthu ootakhala rooho na ootapanyeya, attaapho mweeyo mwinaaraavo nkhama matthottowa voolumwenku,

Akoloosu 1:22

Ila aphano Nluku ajisiilanisana vitthu zooshi, khwa ofwa wa Mwanawe, yoori mwajithoonyeze omaasho wawe mwiri attakatthiifu oohiina hatha paathuli na ootaphuliwa khwa wakhula nanna ya olokoveziwa.

Akoloosu 2:2

Kinjilipisa yoori yo eeye ookhomaaziwa nroho mwaya, akusanyeye khwa pheta na apatthe maali zooshi za weeleyiwa wookhamilikha, yoori ajuwe saaneene siiri ya Nluku, yoori ti Al-Masiihu.

Akoloosu 3:12

Nakataalikha, nkhama atthu oothawuliwa a Nluku, attakatthiifu na oophetiwa, mwijiwalise huruma yawaatta, emaani, ojipushuwisa, ojiitthaaza na ovilela.

1 Atizaloonika 3:12

Yoori Mbwana awulise na eekezele pheta mwiriinaaye mmote na nzeenu na atthu ooshi, khwa nthoonyezo wa pheta yeetthu na mweeyo.

1 Atizaloonika 4:7

Maana Nluku khanikhuweleeni yoori niiye oohifwayi, ila yoori niiye attakatthiifu.

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

2 Timootiyu 2:19

Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

1 Pheeturu 1:2

athawuliweeyo khwa matakhelo a ojuwa wa Nluku Paapa khwa khaazi ya ottakatthisa ya Rooho Ttakatthiifu, yoori anshututele Yinsa Al-Masiihu, na wiittikha wa taamu yawe: Rehema na heeri ti yeekezeliwe.

1 Pheeturu 1:20

Ye athawuliwa ti Nluku khapulathi olumwenku ohinompiwe, ila khuthoonyeziwa wakathi opu wa mwiisho khwa zwaamu yenu mweeyo.

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

2 Pheeturu 3:14

Khwa ethiito, aphetani aka, mwiwejaka vitthu zaya epo, mwijilipise yoori Nluku oosikaneni mwihina nlepa, mwihina twampi na mwirina heeri.

1 Yaahaya 4:16

Fweeyo ninjuwa na nakhupali pheta ariina Nluku na fweeyo. Nluku opheta. Otule anlipanaaye mpheta onlipana Nluku, na Nluku onlipa khwa ye.

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

Othoonyeziwa 17:8

Nyama yawoopisa eto weeyo wooniyeeyo, yaari, ila apha khahi. Ye entakha osaruwa nkhilintti na enlotta tarikhi ya opwetheya. Apale aniikhalaaye va tuniya, mazina aya ahaatikhiweeni nkithaapu ya ohaayi thanku wumpiwa wa olumwenku anttela wiiya ooshanka amana oona nyama yawoopisa eto, maana eto yaari, ila apha khahi, na enteela ota.