Ayeefezu 1:13 - Hapari Zooshapweya

¹³ Wakathi mweeyo mwisiiliyeeyo na khukhupalela nttakhuzi la haakhi, hapari zooshapweya ziwuusuriyeenini, mweeyo mwamatthaniwa khwa Al-Masiihu Rooho Ttakatthiifu etile ye ahitiyeeyo.

Ayeefezu 1:13 Mawu Ofanana

Luuka 11:13

Nkhama mweeyo, mweeya ru pure ootakhala rooho, mwinjuwa owenkha aaneenu vitthu zooshapweya, sapiseni Paapa wa pinkuuni khanziti owenkha Rooho Ttakatthiifu apale aninvekelaaye?”

Luuka 24:49

Miiyo kinlawa kooperekhezeni etile Paapa ahitiyeeyo. Ila mweeye Yeruzaleemu ottuukho mpakha mwiitaazaniwe owahi wa pinkuuni.”

Yaahaya 1:17

Maana kano zatiisiwa khwa vakatthi wa Munsa; rehema na haakhi yata khwa Yinsa Al-Masiihu.

Yaahaya 14:26

Ila Namalipisela, Rooho Ttakatthiifu, eto Paapa anttelaaye omperekha khwa nzina laka, onteela wuusomisani mweeyo vitthu zooshi na wuukupuselani zooshi epile kiwuuziyeenini.

Yaahaya 15:26

“Ila, amana ata Namalipisela, otule kinttelaaye wuuperekhezani woolankha phantte ya Paapa, Rooho ya ookhweele ya olankha wa Paapa, ye onttela olaza oshaahiti monkoni wa miiyo.

Yaahaya 3:33

Otule ankhupalelaaye oshaahiti awe onhakikhi yoori Nluku haakhi.

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

Khaazi 1:4

Siikhu moote eettaka oja na yo, Yinsa khuwaaruma yoori: “Mwihileewo Yeruzaleemu, mwiwejele etile Paapa ahitiyeeyo, ethiito miiyo kiwuuziyeenini mweeyo.

Khaazi 13:26

“Attwiizaku aana Eburahiima na mweeyo akina aya mwinimoovaaye Nluku, fweeyo naperekheziwa hapari epi za nusura.

Khaazi 2:33

Khuweziwa khulawa wiikhala nkhono nlume wa Nluku, ye enkhiwa Rooho Ttakatthiifu ti Papaawe nkhama etthiipo amwahitiyeeyo, apha eetta oniitthelela ti ethiito mwinoonaaye na mwinsiilaaye enasaapi eti.

Arooma 1:16

Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

Arooma 4:11

Etthiipo ye apwekherela okhiriya nkhama alama na nkhama ephariselo ya shariya aariinaaye khwa amini, wakathi nalelo aari ahinakhiriye. Nakataalikha, ye ti paapa wa ooshi apale ankhupalaaye, hatha nkhama khakhiriyeeni, yoori shariya yiiye okhupaleliwa theenya pi yo.

Arooma 6:17

Ila nininshukhurwela Nluku, maana mweeyaru pure aviitthwaana a twampi, mwavira mwininshututela Nluku na rooho yenu khwa nanna mwisomisiweezo.

2 Akorintiyu 1:22

Othuuto theenya anipharisa na alama ya Rooho Ttakatthiifu nroho mweetthu.

2 Akorintiyu 6:7

khwa nttakhuzi la haakhi, na owahi wa Nluku; na zaana za shariya, zawuumanana na zoojaakisana;

Akaalata 3:14

Epo zaretteya yoori parakha etile Nluku amwaahitiyeyo Eburahiima ewaafiyele amalapo khwa Yinsa Al-Masiihu, yoori khwa amini nipokhere Rooho Nluku ahitiyeeyo.

Ayeefezu 4:21

nkhama khweele mwasiila alupiwaka na khusomisiwa khwa haakhi eriiyeeyo wa Yinsa.

Ayeefezu 4:30

Mwihiphirise Rooho Ttakatthiifu ya Nluku, ethiito mwimatthaniweeyo enlawaaye mpakha siikhu ya wookhowa weenu.

1 Atizaloonika 2:13

Theenya ninshukhurwele Nluku woohilikheleli, mwaasa yoori wakathi mwipwekhereliyeeyo khwa phantte yeetthu nttakhuzi la Nluku, mweeyo mwakhupalela, khahiyo nkhama nttakhuzi la anaatamu, ila khwa nanna weekhweele liiyiyeezo nttakhuzi la Nluku, linkholaaye khaazi wookhomaalavo khwa mweeyo mwikhupaliyeeyo.

2 Timootiyu 2:15

Weekese ojinkha mmakhono wa Nluku ori woohakikhiwa nkhama namarumeya woohiina hatha etthu ya opatthisa haaya, anjuwaaye ofiisa saaneene nttakhuzi la haakhi.

2 Timootiyu 2:19

Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

2 Timootiyu 3:15

Maana weeyo thanku osimaana awo onjuwa Zawaatikhiwa Ttakatthiifu, ziriina owahi woowinkha ojuwa onuufisaaye nnusura monkoni wa amini khwa Yinsa Al-Masiihu.

Tiitu 2:11

Maana rehema ya Nluku yajithoonyeza wuusuru khwa anaatamu ooshi.

Meepereewu 2:3

ninttela owerawera toovi hukhumu, amana nitarawu nusura khuluyeene? Ethiito elaleyiweeyo omwanzweene ti Mbwana, khuhakikhisiwa pi apale asiiliyeeyo.

Tiyaaku 1:18

Mwaasa wa matakhelo awe, anumpa na nttakhuzi lawe la haakhi, yoori niiye puuro yamwanzo khwa zumpe zawe zooshi ompiyeeyo.

Tiyaaku 1:21

Nakataalikha, mwilikhe vitthu zooshi zootakhala na zoohifwayi, mwipokherele na ojipushuwisa nttakhuzi nttinttho likheyiweeyo liriina owahi wa wuusuru nafusi zenu.

1 Pheeturu 2:10

Raku mweeyo hatha vattitthiiru khamwaari atthu awe, ila aphano mwa atthu a Nluku; mwaari mwihinapwekherele tthakaraka, ila aphano mwapwekherela.

Othoonyeziwa 7:2

Na khoona nlayikha likina liwelelaka lintthamuwaawo njuwa, liriina ephariselo ya Nluku ariiye haayi. Ye khukuwela na huula yoosileya malayikha apale mane, atthaapo enkhiweeyo owahi wa oharipu tuniya na pahari: