Ayeefezu 1:11 - Hapari Zooshapweya

¹¹ Vitthu zooshi zarettiwa khwa shawuri na olakela wa Nluku. Khwa niiya na etile aatakhiyeeyo thanku omwanzo, Nluku anithawula yoori niiyane erathi ya okusanyeya weetthu khwa Al-Masiihu,

Ayeefezu 1:11 Mawu Ofanana

Khaazi 13:48

Asiiliyeevo atthu, amalapo khwiiya ofurahi khuttottopela nttakhuzi la Mbwana, ooshi aathawuleliweeyo ohaayi wa mileele khukhupalela.

Khaazi 2:23

Othuuto enkheleliweeyo khwa shawuri Nluku atthomiyeezo rakuzeene khwa ojuwa wawe, ila mweeyo khukusanyeya na atthu ootakhala rooho khunkhomela vansalapa khumuula.

Khaazi 20:27

Maana miiyo akilikheleleeni oweelezani niiya ya Nluku yooshi.

Khaazi 20:32

“Nasaapi eti, miiyo kiniwinkhelelani mmakhono wa Nluku na nttakhuzi la rehema lawe, linttelaaye wuujekani na owinkhani erathi vakatthi wa attakatthiifu.

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Khaazi 4:28

Yo aretta zooshi epile waalakeliyeeyo oretta khwa owahi oriinaaye.

Arooma 11:34

Paani anjuwaaye shawuri za Mbwana? Ama aaziye wiiya shawuriiya awe paani?

Arooma 8:17

Nkhama na aana, apho na anamarithi, anamarithi a Nluku na anamarithi vamote na Al-Masiihu; nkhama khweele ninhoowana khwa ye, yoori theenya nirette phantte ya ottitthimisiwa wawe.

Arooma 8:28

Ninjuwa yoori apale animphetaaye Nluku na awaakhuweliyeeyo khwa shawuri zawe, zooshi ziniweettettela saana.

Arooma 8:29

Maana apale Nluku awathawuliyeeyo, awaaphakula yoori alattanane Mwanawe. Ye aretta epo yoori mwanawe eeye wa omwanzo vakatthi wa attwi enkeene.

Arooma 8:30

Apale awathawuliyeeyo, awaakhuwela; apale awaakhuweliyeeyo, awaahakikhi; apale awaahakikhiyeeyo, awaattitthimisa.

Arooma 9:11

Yoori matakhelo a Nluku eeye nkhama othawula woohiishi woohiiyi khwa khaazi, ila khwa otule ankhuwaaye; nakataalikha, khapulathi amaphapo ahinavokoliwe ama ahinarette hatha etthu yooshapweya ama yootakhala,

Akaalata 3:18

Maana nkhama eritho empuwa nkatthi wa kano, toowo khinlankha nkatthi wa ahiti; ila etile Nluku amwinkhiyeeyo Eburahiima, aamwinkhiye maana eettiye omwaahiti.

Ayeefezu 1:14

Ethiito ti yiiyiyeeyo nroromelo wa erathi yeetthu mpakha wookhowa sawasawa wa apale eeyiyeeyo a Nluku, khwa siifwa ya nuuru yawe.

Ayeefezu 1:18

kinveka yoori Nluku afukule rooho zenu yoori moone nuuru yawe na mwijuwe maali za siifwa yawe, nroromelo opule ookhuweleliyeenini. Theenya yoori mwijuwe nanna ziiyiyeezo zooshapweya parakha awaahitiyeeyo attakatthiifu awe,

Ayeefezu 1:5

Khwa pheta atthomiyeeyo onikaphula yoori niiye aanaawe khwa Al-Masiihu na shawuri zooshapweya za niiya yawe.

Ayeefezu 1:8

epile aniittheleliyeeyo fweeyo venkivene khwa ojuwa na akhili zawe zooshi.

Ayeefezu 1:9

Aretta etile atthomiyeeyo na anithoonyeza shawuri za siiri aalakeliyeeyo oretta khwa Al-Masiihu,

Ayeefezu 3:11

epi shawuri Nluku arettiyeeyo, khwa Yinsa Al-Masiihu Mbwana eetthu olumwenku ohinompiwe.

Akoloosu 1:12

Ninshukhurwele Paapa na furaha, aninkhiyeeyo makhaamu a oretta phantte ya erathi ya attakatthiifu muufwalume wa nuuru.

Akoloosu 3:24

mwijuwaka yoori mwinteela opwekhera phakari ya erathi khwa Mbwana, maana mwininrumeyela Al-Masiihu, Mbwana.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Tiitu 3:7

Yoori niiye ohakikhiwa khwa rehema, niretteye onamarithi awe nirina nroromelo wa ohaayi wa mileele.

Meepereewu 6:17

Tiito, Nluku wakathi aatakhiyeeyo owaathonyeza wawooneyavo khwa anamarithi a ahiti yoori khaari ozukulisa matakhelo awe, khulupa khwa olapha,

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

1 Pheeturu 1:4

yoori neeyane erathi ehinaashikhaaye, yoohiina hatha nlepa na ehinthuwaaye fwayita yaya. Erathi etile epwehiweeyo pinkuuni yoori yiiye yenu,

1 Pheeturu 3:9

Yootakhala mwihiriphe khwa yootakhala, wala mattukhano khwa mattukhano; olikha toowo mwijipu khwa mattakhuzi a parakha, maana mwakhuweliwa yoori mwirette etthiipo, yoori mwipwekherele parakha khwa erathi.