Arooma 8:30 - Hapari Zooshapweya

³⁰ Apale awathawuliyeeyo, awaakhuwela; apale awaakhuweliyeeyo, awaahakikhi; apale awaahakikhiyeeyo, awaattitthimisa.

Arooma 8:30 Mawu Ofanana

Yaahaya 17:22

Miiyo kawinkha siifwa etile weeyo okinkhiyeeyo, yoori yo eeye amote nkhama fweeyo niiyiyeeyo amote.

Yaahaya 17:24

“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Arooma 1:6

na mweeyo theenya mwiri phantte ya apale akhuweliweeyo yoori eeye a Yinsa Al-Masiihu.

Arooma 11:29

Maana tthuvo na okhuweliwa wa Nluku khunnyakanyeya.

Arooma 8:1

Nakataalikha, aphano khayiivo hatha hukhumu khwa apale ari khwa Yinsa Al-Masiihu.

Arooma 8:21

yoori zumpe ziiye zootaphuliwa muuvitthwaana wa ohoocheya aari opattikhanaamo, apwekherelaka otaphuliwa wa siifwa za aana a Nluku.

Arooma 8:28

Ninjuwa yoori apale animphetaaye Nluku na awaakhuweliyeeyo khwa shawuri zawe, zooshi ziniweettettela saana.

1 Akorintiyu 1:2

khwa ojama wa Nluku oriiye sitati ya Korintiyu, na apale oottakatthisiwa khwa Yinsa Al-Masiihu na akhuweliweeyo yoori eeye attakatthiifu, vamote na ooshi apale ankhuwaaye khwa nzina la Mbwana Yinsa Al-Masiihu, Mbwana aya na weetthu.

1 Akorintiyu 1:9

Nluku ti wa waamineya, othuuto ookhuweliyeenini khwa osiilana na Mwanawe Yinsa Al-Masiihu Mbwana eetthu.

1 Akorintiyu 2:7

Olikha toowo, ninlupa akhili za Nluku, zaari siiri zoovitheya, etthiipo Nluku arumiyeeyo ehineeyevo hatha etthu yoori yiiye siifwa yeetthu.

1 Akorintiyu 6:11

Akinoko a mweeyo mwaari etthiipo, ila moosiwa, mwattakatthisiwa, mwahakikhiwa khwa nzina la Mbwana Yinsa Al-Masiihu na khwa rooho ya Nluku eetthu.

2 Akorintiyu 4:17

Maana ohoowa weetthu wa oveya oniviraaye, onjeka khwa fweeyo siifwa ya mileele enlemeelaaye zayita zooshi epo.

Akaalata 1:15

Ila Nluku aakithawuliye nalelo kiri mwiirukulu wa maama na khukikhuwela khwa rehema yawe.

Akaalata 1:6

Kashanka mwaasa wa owoonani nasaapiru omwanswi otule ookhuweliyeenini khwa rehema ya Al-Masiihu, khweettela mwentto wa hapari kiina.

Akaalata 5:8

Masomi apo khanlankha mmakhono wa Nluku otule anuukhuwelanini.

Ayeefezu 1:11

Vitthu zooshi zarettiwa khwa shawuri na olakela wa Nluku. Khwa niiya na etile aatakhiyeeyo thanku omwanzo, Nluku anithawula yoori niiyane erathi ya okusanyeya weetthu khwa Al-Masiihu,

Ayeefezu 1:5

Khwa pheta atthomiyeeyo onikaphula yoori niiye aanaawe khwa Al-Masiihu na shawuri zooshapweya za niiya yawe.

Ayeefezu 2:6

Nluku anisisimula khwa Al-Masiihu na khwa ye aniikhaza puuro za pinkuuni khwa Yinsa Al-Masiihu.

Ayeefezu 3:11

epi shawuri Nluku arettiyeeyo, khwa Yinsa Al-Masiihu Mbwana eetthu olumwenku ohinompiwe.

Ayeefezu 4:4

Mwiili mmote paasi na Rooho Ttakatthiifu eri moote paasi, nkhama etthiipo mwikhuweliweeyo khwa nroromelo mmote.

Akoloosu 3:4

Al-Masiihu, otule eeyiye ohaayi enu, amana athoonyeziwa, aphano mweeyo theenya mwinlawa mwathoonyeziwe na ye mu ottitthima mwawe.

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

2 Timootiyu 2:11

Nttakhuzi ntthi linsuhi waaminiwa: Nkhama nafwa khwa ye, ninteela wiiyana ohaayi khwa ye;

Meepereewu 9:15

Tiito Al-Masiihu namasiilanisa woosiilana mpheya khwa apale akhuweliweeyo yoori apokherele eritho ahitiweeyo mileele, nkhama etthiipo ye afwiyeeyo ari nkhama swamiima ya koosa zirettikhaniyeeyo nkatthi woosiilana opule wamwanzo.

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

1 Pheeturu 3:9

Yootakhala mwihiriphe khwa yootakhala, wala mattukhano khwa mattukhano; olikha toowo mwijipu khwa mattakhuzi a parakha, maana mwakhuweliwa yoori mwirette etthiipo, yoori mwipwekherele parakha khwa erathi.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

2 Pheeturu 1:10

Nakataalikha, attwiizaku, mwijilipise weekesa venkivene ohakikhi okhuweliwa na othawuliwa weenu, mwirettaru etthiipo khamwinteela okwakwanttuwa,

Othoonyeziwa 17:14

Anlawa oomanane Pwittipwitthi, ila Pwittipwitthi yawaashintte maana ti Mbwana wa ambwana na Mfwalume wa afwalume, na ye awaashintta vamote na anamakhuweliwa awe, anamathawuliwa awe na anamwamineya awe.”

Othoonyeziwa 19:9

Nlayikha khukuuza yoori: “Waatikhe yoori: Ooparikhiyiwa pi apale akharipwishiweeyo njampo liwululene la harusi ya Pwittipwitthi!” Na khumarisela alupaka yoori: “Apa pi mattakhuzi a haakhi ya Nluku.”