Arooma 8:17 - Hapari Zooshapweya

¹⁷ Nkhama na aana, apho na anamarithi, anamarithi a Nluku na anamarithi vamote na Al-Masiihu; nkhama khweele ninhoowana khwa ye, yoori theenya nirette phantte ya ottitthimisiwa wawe.

Arooma 8:17 Mawu Ofanana

Matewuzhu 16:24

Aphano Yinsa khuwooza anakhiyoni awe yoori: “Nkhama ntthu ontakha okilotta, ajikatthale mweenyewe, athuule nsalapa awe akilotte.

Matewuzhu 25:21

“Mbwanaawe khunjipu yoori: ‘Kemaani, karumeya wooshapweya na wa waamineya! Weeyo waamineya khwa ttiitthiiru, apho kintta owinkha yawaatta. Ote ofurahi vamote na Mbwana awo.’

Luuka 12:32

Yinsa khulupa theenya araka: “Mwihoove mweeyo mwiiyiye nkhama khuntti ttiitthiiru ya pwittipwitthi, maana Papeenu ti ye atakhiye owinkhani ofwalume awe.

Luuka 24:26

Al-Masiihu khaarina yoohoowa etthiipo yoori eette nnuuru mwawe?”

Yaahaya 17:24

“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.

Khaazi 14:22

Awaakhomaazaka na owaatumerela anakhiyoni yoori ajilipisane amini na awoozaka theenya yoori: “Ennihithajiya ovirela tafwawuthi zawaatta yoori neette muufwalume wa Nluku.”

Khaazi 20:32

“Nasaapi eti, miiyo kiniwinkhelelani mmakhono wa Nluku na nttakhuzi la rehema lawe, linttelaaye wuujekani na owinkhani erathi vakatthi wa attakatthiifu.

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Arooma 5:17

Mwaasa wa ovonya wa ntthu mmote paasi, ofwa weeyavo, atepa apale apokhereliyeeyo wa waattavo rehema na tthuvo ya shariya anteela wiiyana ohaayi wa ntthu mmote paasi Yinsa Al-Masiihu.

Arooma 8:3

Maana, etile kano yahawahiyeeyo oretta mwaasa wa otteettheya wa onaatamu, Nluku aretta, khumperekha mwanawe, woolattanana pinaatamu wa twampi, nkhama zaakha ya twampi, khwa etthiipo khuttha paathuli twampi vakatthi wa onaatamu.

1 Akorintiyu 2:9

Nkhama yaatikhiweezo yoori: “Maasho khooneeni, mashiilo khasiileeni wala eeswa moote khiphelelezeeni etile Nluku awatthenkezeliyeeyo apale animphetaaye.”

2 Akorintiyu 1:5

Maana, nkhama etthiipo ninrettaaye phantte ya ohoowa wa Al-Masiihu, theenya ozurwiwa weetthu onta khwa vakatthi wa Al-Masiihu.

2 Akorintiyu 1:7

Na nroromelo eetthu khwa mweeyo pi wookhomaala, maana najuwa yoori khwa nanna ethiito mwinrettaaye phantte ya ohoowa weetthu, theenya mwinretta phantte khwa ozurwiwa weetthu.

Akaalata 3:29

Na nkhama mwa a Al-Masiihu, mwa ojama wa Eburahiima na mwa anamarithi nkhama etthiipo yaahitiweezo.

Akaalata 4:7

Toowo weeyo khahi omwiitthwaana theenya, ila o mwaana, na apho wiiyiyeeyo mwaana, Nluku ooretta onamarithi.

Ayeefezu 3:6

Eto enlupa yoori khwa hapari zooshapweya amalapo anrithi vamote parakha na meezirayiilu, maana atthu a mwiili mmote na anaaye phantte khwa etile Yinsa Al-Masiihu ahitiyeeyo nkatthi wa hapari zooshapweya.

Afiliipu 1:29

Mweeyo mwenkhiwa ruhusa khahiyo paasi ya onkhupali Al-Masiihu ila theenya ohoowa mwaasa wa ye.

Afiliipu 3:10

Kintakha onjuwa Al-Masiihu, owahi woosisimuwa wawe. Na kintakha oretta phantte nkatthi wa ohoowa wawe na kijirette wiiya nkhama ye ofwa wawe,

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

Tiitu 3:7

Yoori niiye ohakikhiwa khwa rehema, niretteye onamarithi awe nirina nroromelo wa ohaayi wa mileele.

Meepereewu 1:14

Malayikha ooshi khahi rooho zininrumeyelaaye Nluku, aperekhiyeeyo yoori ewaawuni apale anttelaaye opwekherela nusura?

Meepereewu 1:2

Ila siikhu epi za mwiisho anittakhulana vakatthi veetthu khwa Mwanawe, othuuto amwinkhiyeeyo wiiya namarithi wa vitthu zooshi na khwa vakatthi vawe Nluku ompa olumwenku.

Meepereewu 6:17

Tiito, Nluku wakathi aatakhiyeeyo owaathonyeza wawooneyavo khwa anamarithi a ahiti yoori khaari ozukulisa matakhelo awe, khulupa khwa olapha,

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

1 Pheeturu 1:4

yoori neeyane erathi ehinaashikhaaye, yoohiina hatha nlepa na ehinthuwaaye fwayita yaya. Erathi etile epwehiweeyo pinkuuni yoori yiiye yenu,

1 Pheeturu 4:13

Ila mwifurahi mwaasa wa oretta phantte ya ohoowa wa Al-Masiihu, yoori amana ottitthima wawe othoonyeziwa, mweeyo mwitthape khwa furaha khuluyeene.

Othoonyeziwa 21:7

Otule anshinttaaye onteela orithi zooshi epi, na miiyo kinttela wiiya Nluku awe na ye onttela wiiya mwanaka.

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.