Arooma 8:10 - Hapari Zooshapweya

¹⁰ Ila, nkhama Al-Masiihu ori vamote na-mweeyo, mwiili wafwa mwaasa wa twampi, Rooho eri haayi mwaasa wa shariya.

Arooma 8:10 Mawu Ofanana

Yaahaya 14:23

Yinsa khujipu yoori: “Nkhama ntthu onikipheta, onshututela mattakhuzi aka na Paapa ontta ompheta. Paapa na miiyo nintta wiikhala na ye.

Yaahaya 15:5

“Miiyo ki nrayi, mweeyo mwa virapi. Otule anjilipisanaaye miiyo, na miiyo khwa ye, oto aya oniima mishumo zawaatta; maana mweeyo woohiiyani miiyo, khina etthu mwinwahaaye oretta.

Yaahaya 17:23

Miiyo khwa yo na weeyo khwa miiyo. Khwa nanna ethiito osiilana waya onttela wiiya khaamili, yoori atthu a voolumwenku ajuwe yoori weeyo ti okirumiyeeyo, na yoori oniwaapheta nkhama etthiipo onikiphetaazo miiyo.

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Yaahaya 6:54

Wakhula otule anrafunaaye mwiili aka na khunywa taamu yaka onaaye ohaayi wa mileele na miiyo kinteela onsisimula siikhu ya mwiisho.

Yaahaya 6:56

Otule anrafunaaye mwiili aka na khunywa taamu yaka oto oniikhala khwa miiyo na miiyo khwa ye.

Arooma 5:12

Nakataalikha, twampi yata voolumwenku khwa ntthu mmote, na twampi khutiisa ofwa, khwa etthiipo ofwa wawaateela atthu ooshi maana ooshi akosa;

Arooma 5:21

Epo zarettikhana yoori, nkhama etthiipo twampi eshinttiyeeyo khwa ofwa, na rehema yashintta khwa shariya yoori eninkhe ohaayi wa mileele, khwa Yinsa Al-Masiihu, Mbwana eetthu.

Arooma 8:11

Nkhama Rooho ya otule ansisimuliyeeyo Yinsa eri vamote na mweeyo, othuuto ansisimuliyeeyo Al-Masiihu nkhapuri theenya onteela osisimula mwiili enu woofwa, khwa Rooho yawe eniikhalaaye khwa mweeyo.

1 Akorintiyu 15:45

Maana Zawaatikhiwa Ttakatthiifu zinlupa yoori: “Adamu, ntthu wamwanzo, ompiwa nkhama yumpe haayi”, ila Adamu wawiishela, Yinsa Al-Masiihu, rooho eninkhaaye ohaayi.

2 Akorintiyu 13:5

Mwijinzaane yoori mwijoone nkhama mwiri nkatthi wa amini. Mwijoone mwamwenyewe! Ena ya oweeleyani yoori Yinsa ori khwa mweeyo! Ehiriwaka mweetta okatthaliwa!

2 Akorintiyu 4:11

Khwa etthiipo fweeyo niriiye haayi, wakhula wakathi nineekesela ofwa mwaasa wa Yinsa, yoori ohaayi awe othoonyezeye khwa mwiili etthu onfwaaye.

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

Ayeefezu 3:17

Theenya kinlompa yoori Al-Masiihu apatthe wiikhala nroho mweenu khwa amini, na yoori pheta yiiye mitathaari zenu na nchina lenu.

Afiliipu 1:23

Kakukutteliwa phantte zoopiiri. Kinaaye niiya ya otakha wiiya vamote na Al-Masiihu, yooziti channu ti ethiito.

Afiliipu 3:9

na kisikananiwe ye. Woohiiyi shariya yaka enlankhaaye nkano, ila entaaye nkatthi wa amini khwa Al-Masiihu, shariya enlankhaaye wa Nluku nkatthi wa amini.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

1 Atizaloonika 4:16

Khwa alama ya oruma na huula ya nttunkhulu wa malayikha na ovuma wa nlope la Nluku, Mbwana mweenyeweene, oniishukha pinkuuni. Apale aafwiyeeyo ankhupalaka Al-Masiihu anttela osisimuwa mwanzo.

Meepereewu 12:23

va nthukumano wa apale amwanzo, mazina aya aatikhiweeyo pinkuuni. Mweeyo mwafiya wa Nluku, namaphuka wa atthu ooshi. Mweeyo mwafiyela rooho za anashariya okhamilikha.

Meepereewu 9:27

Wakhula ntthu ona ya ofwa swaafu moote paasi, nawiisha khusala alawa ophukiwa.

Othoonyeziwa 14:13

Aphano miiyo khusiila huula ya pinkuuni elupaka yoori: “Waatikhe: Ooparikhiyiwa ananfwa apale anfwaaye arina Mbwana nasaapi eti mpakha okho ninttaawo.” Rooho ya Nluku khulupa yoori: “Aaa, yo anttela ovumula khwa tafwawuthi zaya, maana zooretta zaya zinttela owaalotta.”