Arooma 6:16 - Hapari Zooshapweya

¹⁶ Khamwinjuwa yoori, amana ntthu ajinkha mmakhono wa ntthu yoori asala anshututela nkhama mwiitthwaana, oniiya mwiitthwaana wa othuuto aninshututelaaye: mwiitthwaana wa twampi enuulaaye, ama oshututi onimwettanaaye nshariya?

Arooma 6:16 Mawu Ofanana

Mwanzo 4:7

Amana weeyo oretta saana, khunkhupaleliwa? Ila amana weeyo ohiretti saana, ojuwe yoori twampi eri vanlako, entta wuuwejela yoori ewiirukhele yuushintte. Weeyo enuuhithajiya oshintta twampi yaya eto.”

Matewuzhu 20:4

Aphano khuwooza yoori: ‘Na mweeyo mwilawe mwakhole khaazi mmashapa mwaka la wuuva, miiyo kintta wuuriphani etile enttelaaye wiiya ya shariya.’

Matewuzhu 6:24

“Khaavo ntthu anwahaaye owaarumeyela a Mbwana awiri, mwaasa yoori ontta omwiiphiirisa mmote, antuvelise otu nkinaaya; ama oniiya wa waamineya khwa otu mmote na ontarawu otu nkinaaya. Mweeyo khamwina ya onrumeyela Nluku na nzurukhu.

Yaahaya 8:34

Yinsa khuwaajipu araka: “Miiyo kiniwuuzani khweele yoori, wooshi otule aniikhalaaye khwa twampi mwiitthwaana wa twampi.

Arooma 11:2

Nluku khawaakatthaleeni atthu awe, apale thanku raku awathawuliyeeyo. Ama khamwinjuwa Zawaatikhiwa Ttakatthiifu alupiyeeyo Aliyaasi khwa nanna aari onkhuwelaazo Nluku monkoni wa Ezirayiilu?

Arooma 12:1

Nakataalikha, attwiizaku, kinuuvekelani khwa tthakaraka ya Nluku yoori mwinkhe mwiili enu nkhama twaha haayi, ttakatthiifu na yontuvela Nluku; eto ti aputu yenu mweeyo yoolikana.

Arooma 6:17

Ila nininshukhurwela Nluku, maana mweeyaru pure aviitthwaana a twampi, mwavira mwininshututela Nluku na rooho yenu khwa nanna mwisomisiweezo.

1 Akorintiyu 3:16

Mweeyo mwinjuwa yoori mwa Nyuupa ya Nluku na Rooho ya Nluku eniikhala khwa mweeyo.

1 Akorintiyu 5:6

Ojikhupali weenu opo khahiyo wooshapweya. Mweeyo khamwinjuwa yoori fwaramento vattitthiiru enjakhula ofu wooshi?

1 Akorintiyu 6:2

Mweeyo mwijuwe yoori attakatthiifu anteela ophuka olumwenku. Nkhama mweeyo mwinteela ophuka olumwenku, mwinwahi ophuka vitthu epo ttiitthittiitthi.

1 Akorintiyu 6:3

Mweeyo khamwinjuwa yoori ninteela ophuka malayikha? Mwatepa ophuka vitthu za ohaayi opu!

1 Akorintiyu 6:9

Mweeyo khamwinjuwa yoori anamaretta zootakhala khanrithi ofwalume wa Nluku? Mwihijilikhelele mwihatiwaka: pi atthu twayifu, anamwaaputu sanamu, anamararuwa, hatha apale aniwaaralaaye alume azaawe,

1 Akorintiyu 9:13

Mweeyo mwiiyane ojuwa yoori apale ankholaaye khaazi Nnyupa Woosifwiwamo, anja vitthu za Nnyupa nttumpho. Na apale anrumeyaaye vaalitaari anja epile zintaniwaaye vaalitaari.

1 Akorintiyu 9:24

Mweeyo mwinjuwa yoori anchiraanaaye mmote ti ampatthaaye tthuvo. Otthire khwa nanna ontakhaaye opattha tthuvo.

2 Pheeturu 2:19

Awaahitaka atthu otaphuliwa, ila yo ari amwiitthwaana a vitthu zootakhala, maana ntthu oniiya mwiitthwaana wa etile eninshinttaaye.