Arooma 5:9 - Hapari Zooshapweya

⁹ Nkhama apha nihakikhiweeyo khwa taamu yawe, natepa theenya khwa ye ninteela wuusurukha khwa katapu ya Nluku!

Arooma 5:9 Mawu Ofanana

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Arooma 1:18

Nakataalikha, katapu ya Nluku enjithoonyeza pinkuuni khwa vitthu zooshi zootakhala na vitthu zohiiyi za shariya za anaatamu anvithaaye haakhi khwa vitthu zohiiyi za shariya.

Arooma 5:1

Aphano nihakikhiweevo ti Nluku khwa amini, ninaaye heeri na Nluku khwa Mbwana eetthu Yinsa Al-Masiihu.

Arooma 5:10

Maana wakathi naari maatuwi a Nluku nawahi osiilana na ye khwa ofwa wa mwanawe, khutepa nasaapi eti nisiilananiyeevo ye, ninteela wuusurukha mwaasa wa ohaayi awe.

Arooma 8:1

Nakataalikha, aphano khayiivo hatha hukhumu khwa apale ari khwa Yinsa Al-Masiihu.

Arooma 8:30

Apale awathawuliyeeyo, awaakhuwela; apale awaakhuweliyeeyo, awaahakikhi; apale awaahakikhiyeeyo, awaattitthimisa.

Ayeefezu 2:13

Raku mwaari peetiwene na Nluku ila apha, khwa okusanyeya na Yinsa Al-Masiihu, mweeyo mwamwaattama khwa taamu ya Al-Masiihu.

Ayeefezu 2:3

Raku fooshi fweeyo naari wiikhala nkhama atthaapo, nirettaka niiya za onaatamu etthu, nilottelaka tuvela zaya na wuupuwela waya. Nkhama akinoko aya, naari atthu yaari onisuhaaye katapu ya Nluku.

1 Atizaloonika 1:10

na onwejela mwanawe woolankha pinkuuni, othuuto ansisimuliyeeyo muufwa, Yinsa anniwerawerisaaye katapu enttelaaye ota.

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

Meepereewu 9:22

Weekhweele, nkhama etthiipo enlupaazo kano, vitthu zinkizene zintwahareshaniwa taamu; na woohiittikhi taamu khawiivo nswamaha wa twampi.

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.