Arooma 5:8 - Hapari Zooshapweya

⁸ Ila Nluku onthoonyeza pheta yawe khwa fweeyo, Al-Masiihu anifwela fweeyo nalelo niri anatwampi.

Arooma 5:8 Mawu Ofanana

Yaahaya 15:13

Khina ariina pheta yooziti, woohiiyi otule aninkhaaye ohaayi awe khwa maswaahipu ze.

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Arooma 3:5

Ila, nkhama ohiina shariya weetthu onthoonyeza khwa nanna ya wooneya channu shariya ya Nluku, ninttela olupa ni? Yoori Nluku ti wohiina shariya khwa weettettisa katapu yawe? Kinrumeyela mattakhuzi oonaatamu.

Arooma 4:25

Ye enkheleliwa ofwela twampi zeetthu na khusisimuwa yoori anihakikhi.

Arooma 5:20

Kano zaateeliye weekezela ovonya. Ila, vahali eniitaalaavo twampi, rehema ya Nluku eniittikhela attaapho.

Arooma 5:6

Wekhweele, wakathi fweeyo nalelo naari woottettheya, Al-Masiihu awaafwela makaafiri.

Arooma 5:7

Ti yoolipa wiiyavo ntthu wonfwela nashariya, hatha nkhama ntthu eetta wiiya woominyala khwa onfwela nkemaani.

Arooma 8:32

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

Arooma 8:39

wala chanka, wala wiicha, wala etthu kiina ya wumpiwa eriina makhaamu ya oniphakulana pheta ya Nluku eriiye khwa Yinsa Al-Masiihu, Mbwana eetthu.

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

Ayeefezu 2:7

Yoori athoonyeze wakathi ontaaye, maali zihinlikananiwaaye za rehema zawe na athoonyezaka emaani yawe aarina na fweeyo khwa Yinsa Al-Masiihu.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

1 Timootiyu 1:16

Tiito kooneliweeyo huruma, yoori khwa miiyo, wootepacha waya, Yinsa Al-Masiihu akivilela yoori awaathoonyeze ooshi apale anttelaaye omwaamini apatthe ohaayi wa mileele.

Meepereewu 8:3

Wakhula haakhimu nwulu wa tiini athawuliwa yoori asala enkha zaakha na twaha mmakhono wa Nluku, tiito naye haakhimu nwulu wa tiini otu aari ohithajiya wiiyana etthu ya winkha.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

1 Yaahaya 3:16

Khwa etthiipo ninjuwa niini pheta: Yinsa aleva ohaayi awe khwa fweeyo, na nina yooleva ohaayi eetthu khwa attwi zeetthu.