Arooma 5:2 - Hapari Zooshapweya

² Khwa othuuto ti nipatthiyeeyo ruhusa khwa amini, na rehema ethiito nikhomaleliyeeyo nasaapi na ninjittitthimisanaaye khwa nroromelo wa siifwa ya Nluku.

Arooma 5:2 Mawu Ofanana

Matewuzhu 25:21

“Mbwanaawe khunjipu yoori: ‘Kemaani, karumeya wooshapweya na wa waamineya! Weeyo waamineya khwa ttiitthiiru, apho kintta owinkha yawaatta. Ote ofurahi vamote na Mbwana awo.’

Yaahaya 10:7

Yinsa khurutela owooza theenya yoori: “Miiyo kiniwuuzani khweele yoori: Miiyo ki nlako wa pwittipwitthi.

Yaahaya 10:9

Miiyo ki nlako; otule anviraaye khwa miiyo ontta wuusurukha. Na onaaye ruhusa ya ovira khusaruwa na onsikana nnyepu.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Khaazi 14:27

Noofiya Antiyookiya okhule, khuwaakusanya atthu apale a ojama wa Nluku khusala owooza zooshi epile Nluku aarettiyeeyo khwa yo na nanna aafukuliiyezo milako za amini khwa amalapo.

Arooma 11:20

Yalikana. Yo zashijiwa mwaasa woohikhupali, weeyo nalelo wiiye wookhomaala mwaasa wa amini. Aphano ohijikhutupule ila woove.

Arooma 12:12

Mwifurahele nroromelo mwiriinaaye, mwiiye oovilela miswipa, na olompa woohilikheleli.

Arooma 14:4

Weeyo o paani wa omphuka karumeya wa watthu? Nkhama eetta weemela ama okwa zwaamu ya Mbwana awe. Na oniiya wa weemela, maana Mbwana ti ariina makhaamu a onshokholela.

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

Arooma 3:23

maana atthu ooshi akosa na ari peetiwene khwa ottitthima wa Nluku.

Arooma 5:5

Na nroromelo aya opo khunnitarawu, maana Nluku eetthela pheta yawe nroho mweetthu khwa Rooho Ttakatthiifu, ethiito aninkhiyeeyo.

Arooma 8:1

Nakataalikha, aphano khayiivo hatha hukhumu khwa apale ari khwa Yinsa Al-Masiihu.

Arooma 8:24

Maana khwa nroromelo otthuupo noosurwiwa. Ila nroromelo onooneyaaye khahiyo nroromelo. Paani anwejelaaye etile anoonaaye?

1 Akorintiyu 15:1

Attwiizaku, kintakha kuukupuseleni hapari zooshapweya kuutafusireliyeenini, etthiipo mweeyo mwipwekheriyeeyo na etthiipo mwilipaniyeeyo.

2 Akorintiyu 3:18

Ila fooshi fweeyo nifunuliweeyo wuuso eetthu nimpayini siifwa za Mbwana, khwa ratarato yawe nintta ozukulisiwa wakhula swaafu na siifwa yooziti enlankhaaye khwa Mbwana yiiyiyeeyo Rooho.

2 Akorintiyu 4:17

Maana ohoowa weetthu wa oveya oniviraaye, onjeka khwa fweeyo siifwa ya mileele enlemeelaaye zayita zooshi epo.

Ayeefezu 2:18

Maana khwa ye mweeyo na fweeyo ninaaye ruhusa ya paapa khwa Rooho moote paasi.

Ayeefezu 3:12

Khwa otule nimpattheliyeeyo otaphuliwa, ninlawa ojithoonyeza omaasho wa Nluku nirina nroromelo nwulweene wa amini khwa ye.

Ayeefezu 6:13

Tiito kiniwuuzani yoori mwijiwalise zaana zooshi za Nluku, yoori mwipatthe ovilela amana efiya siikhu za kuvu zootakhala, paata ya oretta zooshi mwihikwe.

2 Atizaloonika 2:16

Yoori Mbwana Yinsa Al-Masiihu mweenyewe, na Nluku papeetthu, aniphetiyeeyo na khuninkha ominyala wa mileele na nroromelo wooshapweya khwa rehema,

Meepereewu 3:6

Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

Meepereewu 6:18

na yoori khwa vitthu piiri zihinzukuliseyaaye, khinretteya Nluku ohata khwa vitthu zaya epo, nina yookholelela na olipiseleya khwa nroromelo nwulweene naahitiweeyo vakatthi veetthu.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

Othoonyeziwa 21:11

Ye aari omwasikhela khwa nuuru ya Nluku, na waara wawe waari nkhama wa nkufu wa fwayita, nkhama jaasipi, wa wooneela nkhama suupha.

Othoonyeziwa 21:23

Sitati kinhithajiya njuwa, wala mweezi, yoori emwasikhelemo, maana nuuru ya Nluku ti emmwasikhelaawo, na Pwittipwitthi ti yiiyiye khantteya yaya.

Othoonyeziwa 21:3

Khusiila huula yookhomaala yaari olankhaaye va khukulu eraka: “Nasaapi heema ttakatthiifu ya Nluku ena anaatamu, ethiito Nluku anttelaaye wiikhalaamo na yo. Anttela wiiya atthu awe, na Nluku mweenyeweene onttela wiiya vamote na yo na onttela wiiya Nluku aya.

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.