Arooma 5:15 - Hapari Zooshapweya

¹⁵ Nakataalikha khawiivo olattisa tthuvo na ovonya. Maana khwa ovonya wa ntthu mmote paasi afwa atthu awaatta, ila yatepa rehema ya Nluku, eto tthuvo khwa rehema ya ntthu mmote paasi, Yinsa Al-Masiihu yawaafiyela atthu awaatta!

Arooma 5:15 Mawu Ofanana

Matewuzhu 20:28

Nkhama etthiipo, Mwaana wa Pinaatamu khateleeni orumeyeliwa, ila orumeya na winkha ohaayi awe khwa owaakaphula atthu awaatta.”

Matewuzhu 26:28

Eti taamu yaka ya wahati yiitthiweeyo khwa zwaamu ya atthu awaatta yoori eswaamiheliwe twampi.

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Yaahaya 4:10

Yinsa khunjipu yoori: “Weeyo eriwaka waari ojuwa tthuvo ya Nluku na paani anuuvekelaaye maati, weeyo weetta onvekela na ye eetta owinkha maati ohaayi.”

Khaazi 15:11

Ila khwa rehema ya Mbwana eetthu Yinsa fweeyo nakhupali na noosurwiwa nkhama na yo osuruweeyo ti othuuto.”

Arooma 5:12

Nakataalikha, twampi yata voolumwenku khwa ntthu mmote, na twampi khutiisa ofwa, khwa etthiipo ofwa wawaateela atthu ooshi maana ooshi akosa;

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

2 Akorintiyu 5:14

Maana pheta ya Al-Masiihu ennijekelela, na ninkhupalela yoori ntthu mmote paasi awaafwela atthu ooshi, khwa etthiipo, atthu ooshi afwa.

2 Akorintiyu 9:15

Nininshukhurwela Nluku, khwa tthuvo yawe yootafikhana aninkhiyeeyo.

Ayeefezu 2:8

Khwa rehema moosurukha vakatthi wa amini, epo zaya khinlankha khwa mweeyo, tthuvo ya Nluku,

Meepereewu 2:9

Namoona, otule arettiweeyo wiiya nttitthiiru zayita malayikha, Yinsa, enkhiwa jarata ya hishima na ya siifwa mwaasa wa ohoowa na ofwa, yoori khwa rehema ya Nluku, khwa zwaamu ya atthu ooshi, ootele ofwa.

1 Yaahaya 2:2

Ye swamiima wa twampi zeetthu, khahiyo zeetthu paasi, ila theenya khwa twampi za olumwenku wooshi.

1 Yaahaya 5:11

Oshaahiti aya pi opu: Nluku aninkha ohaayi wa mileele, na ohaayi aya opo ori wa Mwanawe.