Arooma 4:25 - Hapari Zooshapweya

²⁵ Ye enkheleliwa ofwela twampi zeetthu na khusisimuwa yoori anihakikhi.

Arooma 4:25 Mawu Ofanana

Matewuzhu 20:28

Nkhama etthiipo, Mwaana wa Pinaatamu khateleeni orumeyeliwa, ila orumeya na winkha ohaayi awe khwa owaakaphula atthu awaatta.”

Arooma 3:25

Nluku anvaha Yinsa nkhama twaha yoori eeye swamiima nkatthi wa amini, khwa taamu yawe, athoonyezaka shariya. Khwa ovilela, aalikhiye ohukhumu twampi epile zirettiweeyo raku;

Arooma 5:18

Nkhama etthiipo khwa ovonya wa ntthu mmote otaniyeeyo ohukhumwiwa wa atthu ooshi, etthiipo theenya khwa khaazi moote ya shariya yatana ohakikhiwa ontanaaye ohaayi khwa atthu ooshi.

Arooma 8:3

Maana, etile kano yahawahiyeeyo oretta mwaasa wa otteettheya wa onaatamu, Nluku aretta, khumperekha mwanawe, woolattanana pinaatamu wa twampi, nkhama zaakha ya twampi, khwa etthiipo khuttha paathuli twampi vakatthi wa onaatamu.

1 Akorintiyu 15:17

Na nkhama Al-Masiihu khasisimuweeni amini yenu khina fwayita, na nalelo mwiri ntwampi mweenu.

2 Akorintiyu 5:15

Ye awaafwela atthu ooshi yoori apale ariiye haayi ahiikhale theenya khwa yo eenyewe paasi, ila khwa otule awaafweliyeeyo na khusisimuwa.

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

Akaalata 1:4

othuuto aajinkhiyeeyo mweenyeweene khwa twampi zeetthu yoori anitaphule khwa olumwenku wootakhala nkhama etthiipo atakhiyeezo Nluku Papeetthu.

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

Akaalata 3:13

Yaatikhiwa yoori: “Woolanikha ti otule wooshi athomeyiweeyo vansalapa.” Tiito Al-Masiihu khujiretta wiiya namalaanikha khwa zwaamu yeetthu fweeyo, na arettiyeevo toowo Ye anilaza nkatthi wa laana za kano.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Meepereewu 8:3

Wakhula haakhimu nwulu wa tiini athawuliwa yoori asala enkha zaakha na twaha mmakhono wa Nluku, tiito naye haakhimu nwulu wa tiini otu aari ohithajiya wiiyana etthu ya winkha.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

1 Pheeturu 1:21

Khwa ye mweeyo mwankhupali Nluku, otule ansisimuliyeeyo muufwa na khunttitthimisa, khwa nanna yoori amini na nroromelo enu wiiye khwa Nluku.

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

1 Yaahaya 2:2

Ye swamiima wa twampi zeetthu, khahiyo zeetthu paasi, ila theenya khwa twampi za olumwenku wooshi.

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,

Othoonyeziwa 5:9

Na yo khwiipa liipo lipheya araka: “Weeyo ti onsuhaaye opwekherela kithaapu na opharula viphariselo zaya, maana weettiye wuuliiwa, na khwa taamu yawo wamuuzanyela Nluku mahimo ojama wooshi, luuka, atthu na khapila.

Othoonyeziwa 7:14

Miiyo khunjipu yoori: “Mbwana, weeyo onjuwa.” Ye khuri: “Apa pi apale alankhiyeeyo vakatthi wa nswipa nwulweene na afula kuwo zaya na alakaza na taamu ya Pwittipwitthi.