Arooma 4:13 - Hapari Zooshapweya

¹³ Khahi mwaasa wa kano Eburahiima ama peewu yawe apattheliyeeyo wiiya namarithi olumwenku, ila maana ye ankhupaliye Nluku na aakhupaliwe ti ye.

Arooma 4:13 Mawu Ofanana

Mwanzo 12:3

Kiniwaaparikhiya apale anuuparikhiyaaye, na kininlaani otule anuulaanaaye. Khwa weeyo enteela wiiya zooparikhiyiwa khapila zooshi za voolumwenku.”

Mwanzo 17:16

Kinteela omparikhiya na kimwinkhe mwaana wawo; khweele, miiyo kinimparikhiya na onteela wiiya maama wa khapila za waatta, afwalume anteela opuwa khwa ye.”

Mwanzo 28:14

Ojama awo onteela wiiya yawaatta nkhama mishaka za vathi, onteela omwazeyela okhu lintupweelaawo njuwa, lintthamuwaawo njuwa, kashikhazini na kusini. Khwa weeyo na ojama awo khapila zooshi za voolumwenku enteela oparikhiyiwa.

Mwanzo 49:10

Khweele Yuuda khanteela onyakanyiwa ofwalume awe, wala pakhora yoofwalume eriiye mmwinyoka mwawe, mpakha ate mweenyewe ofwalume, otu anttelaaye oshututeliwa pi atthu ooshi.

Khaazi 13:32

“Fweeyo na waatafusirela hapari zooshapweya, epile Nluku awaahitiyeeyo amarehemu apapazetthu,

Arooma 4:12

Ye theenya paapa wa apale ookhiriya aheetteeni okhiriya paasi ila na theenya aneettettisaaye mwentto wa amini aariinaaye papeetthu Eburahiima ahinakhiriye.

Arooma 9:8

Khwa mattakhuzi makina, khahiyo aana apale ephattu aniiyaaye aana a Nluku, ila aana a waahitiwa pi antthanttiwaaye wiiya ojama wa Eburahiima.

Akaalata 3:29

Na nkhama mwa a Al-Masiihu, mwa ojama wa Eburahiima na mwa anamarithi nkhama etthiipo yaahitiweezo.

Meepereewu 11:7

Khwa amini Nuuhi, wakathi aachimuleliweeyo monkoni wa vitthu zaari zihinooneye. Ye khunshututela Nluku na khumwaattala aaraka, yoori oosuru ojama awe. Khwa amini, ye khwinkha paathuli olumwenku, Nluku khunretta wiiya namarithi wa shariya monkoni wa amini.

Meepereewu 7:6

Ila Melikizeteekhi aheeyiyeru pure wa ojama wa Leevi, ye aapokhereliye lifunku la khuumi aalaziyeeyo Eburahiima, ye khumparikhiya Eburahiima othuuto ahitiweeyo.