Arooma 3:27 - Hapari Zooshapweya

²⁷ Eri vayi aphano kiiswa ya ojikhutupula? Yalaziwavo. Wala yaaza vayi? Va oshututela kano? Wala, ila yaaza va amini.

Arooma 3:27 Mawu Ofanana

Maaruku 16:16

Otule ankhupalelaaye na khoosiwa ontta wuusurukha, ila otule ahinkhupalelaaye oniiyana paathuli.

Yaahaya 3:36

Otule aninkhupalaaye Mwaana onaaye ohaayi wa mileele, ila otule aninkatthalaaye Mwaana khanlawa woona ohaayi na theenya katapu ya Nluku empharelela khwa ye.

Arooma 10:5

Munsa aatikha khwa nanna eti shariya entaaye khwa kano yoori: “Ntthu anrettaaye vitthu zaya epo oniikhala nkatthi wa etthiipo.”

Arooma 11:6

Na nkhama mwaasa wa rehema, khahiyo theenya khwa khaazi; eriwaka yaari etthiipo, rehema khayaari wiiya rehema.

Arooma 2:17

Apho, weeyo onjilupeza oyaahuuti, onjilipisana kano na onjikhupalina Nluku.

Arooma 2:23

Weeyo onjikhupalanaaye kano, ila onintarawu Nluku khwa ohishututeli kano zawe!

Arooma 3:19

Ninjuwa yoori zooshi enlupaaye kano zawooza ooshi apale ari vathi wa kano etthiipo, yoori milomo zooshi zinyamale na olumwenku opatthe ophukiwa mmakhono wa Nluku.

Arooma 3:26

ila nasaapi eti, aretta epo yoori athoonyeze shariya yawe, mwaasa wa wiiya nashariya na namahakikhi wa apale ariina amini khwa Yinsa.

Arooma 4:2

Nkhama khweele Eburahiima ahakikhiwe mwaasa wa khaazi zawe, ye ona ya ojittitthimisa, ila woohiiyi omaasho wa Nluku.

Arooma 7:21

Aphano, kinsikana kano eniikhalaaye khwa miiyo: kitakhaka oretta yooshapweya, zootakhala ziniiya vamote na miiyo.

Arooma 7:23

ila kinoona khwa phantte za mwiili aka, kano kiina enuumananaaye kano eriiye nkatthi wa akhili zaka, enikiretta onapherezu wa kano za twampi ziriiye phantte za mwiili aka.

Arooma 7:25

Kininshukhurwela Nluku khwa Yinsa Al-Masiihu, Mbwana eetthu! Khwa nanna za akhili zaka, kimwenyewe kinrumeyela kano ya Nluku, ila mwiili aka, onrumeyela twampi.

Arooma 8:2

Maana vakatthi wa Yinsa Al-Masiihu, kano ya rooho ya ohaayi yakitaphula khwa kano ya twampi na ofwa.

Arooma 9:11

Yoori matakhelo a Nluku eeye nkhama othawula woohiishi woohiiyi khwa khaazi, ila khwa otule ankhuwaaye; nakataalikha, khapulathi amaphapo ahinavokoliwe ama ahinarette hatha etthu yooshapweya ama yootakhala,

Arooma 9:31

ila Ezirayiilu, aari weekesaaye kano yoori zitane okhupaliwa, khapattheeni.

Arooma 9:32

Mwaasa wa niini? Maana kheekesiye khwa amini, ila khwa khaazi zaya. Yo akwakwanttuwa va liwe lookwakwanttula.

1 Akorintiyu 4:7

Paani anuurettaaye weeyo wiiya woofwarikhana na ntthu nkina? Niini oriina oheetteeni winkhiwa? Na nkhama wenkhiwa, khi onjikhutupulelani nkhama oheetteeni winkhiwa?

Akaalata 2:16

Ila ninjuwa yoori pinaatamu khanihakikhiwa mwaasa wa oretta etile kano enrumaaye, ila khwa amini ya Yinsa Al-Masiihu, na fweeyo theenya namayaahuuti nankhupali Yinsa Al-Masiihu yoori nipatthe ohakikhiwa ti amini khwa Al-Masiihu. Khahiyo mwaasa wa mwentto wa kano, maana khina ntthu anttelaaye ohakikhiwa ti kano.

Akaalata 3:22

Ila Zawaatikhiwa Ttakatthiifu zinlupa yoori olumwenku wooshi pi wooshinttiwa ti twampi, eto ti yoori atthu apale ankhupalelaaye apwekherela tthuvo Nluku ahitiyeeyo khwa apale ariina amini khwa Yinsa Al-Masiihu.