Arooma 2:4 - Hapari Zooshapweya

⁴ Ama talili weeyo ontarawu maali za emaani yawe, ovilela na olevelela, ohijuwaka yoori okemaani wa Nluku onuulawana muuthupwiya?

Arooma 2:4 Mawu Ofanana

Yuunusa 4:2

Ye khusala amuuza Nnyizinku araka: “Oo Nnyizinku, khahiyo eti khaalupiye nalelo kiri onti? Tithiito yaakipatthisiyeeyo otthira keettaka Taarisi. Miiyo kaajuwiye yoori weeyo o Nluku wa tthakaraka na wa huruma, woovilela na woopheta channu, onaahitaaye ohukhumu ila khulevelela amana wiiyavo othupwiya.

Arooma 10:12

Khawiivo ofwarikhana khwa mayaahuuti na amalapo, maana Mbwana othuuto mmote ti Mbwana wa atthu ooshi na oniwaaparikhiya saaneene ooshi apale aninkhuwelaaye,

Arooma 11:22

Nakataalikha, moone okemaani na okhomaala wa Nluku. Okhomaala khwa apale akwiiyeeyo, ila okemaani khwa weeyo amana wiiya muukemaani mwawe, noohijuwi ontta oshijiwa.

Arooma 11:33

Oo wiicha wa maali na akhili za ojuwa wa Nluku! Woovitheya pi olakela wawe na zooheeleyi tarikhi zawe!

Arooma 3:25

Nluku anvaha Yinsa nkhama twaha yoori eeye swamiima nkatthi wa amini, khwa taamu yawe, athoonyezaka shariya. Khwa ovilela, aalikhiye ohukhumu twampi epile zirettiweeyo raku;

Arooma 6:1

Apho niri je? Nikhanyarele oretta twampi yoori rehema yeekezeleye?

Arooma 6:15

Apho, nisala niretta twampi mwaasa wa yoori khaniri vathi wa kano, ila niri vathi wa nrehema ya Nluku? Hatha vattitthiiru!

2 Akorintiyu 8:2

Vakatthi wa nswipa nwulweene, furaha khuluyeene na osikhini wa waatta enkhiye zaakha khwa rooho ya emaani.

Ayeefezu 1:18

kinveka yoori Nluku afukule rooho zenu yoori moone nuuru yawe na mwijuwe maali za siifwa yawe, nroromelo opule ookhuweleliyeenini. Theenya yoori mwijuwe nanna ziiyiyeezo zooshapweya parakha awaahitiyeeyo attakatthiifu awe,

Ayeefezu 1:7

Ye anitaphula koosa zeetthu khwa taamu yawe, ninaaye nswammaha wa twampi khwa maali za rehema ya Nluku,

Ayeefezu 2:4

Ila mwaasa wa Nluku wiiya thaajiri wa tthakaraka na mwaasa wa pheta khuluyeene ariinaaye na-fweeyo,

Ayeefezu 2:7

Yoori athoonyeze wakathi ontaaye, maali zihinlikananiwaaye za rehema zawe na athoonyezaka emaani yawe aarina na fweeyo khwa Yinsa Al-Masiihu.

Ayeefezu 3:16

Yoori khwa maali za siifwa, awinkheni wiiya ookhomaaziwa nkatthi wa nroho mweenu na owahi wa kuvu wa Rooho Ttakatthiifu.

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Afiliipu 4:19

Nluku aka onteela owinkhani zooshi epile mwinhithajiyaaye muuthowiwa mweenu maali zawe za siifwa khwa Al-Masiihu Yinsa.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

Akoloosu 2:2

Kinjilipisa yoori yo eeye ookhomaaziwa nroho mwaya, akusanyeye khwa pheta na apatthe maali zooshi za weeleyiwa wookhamilikha, yoori ajuwe saaneene siiri ya Nluku, yoori ti Al-Masiihu.

1 Timootiyu 1:16

Tiito kooneliweeyo huruma, yoori khwa miiyo, wootepacha waya, Yinsa Al-Masiihu akivilela yoori awaathoonyeze ooshi apale anttelaaye omwaamini apatthe ohaayi wa mileele.

1 Timootiyu 6:17

Monkoni wa mathaajiri voolumwenku apha, owaahirimize yoori ahisala ajinkhelela, wala thwaama zaya ahitthe nkatthi wa maali epile zoohilipaneyi; ila thwaama zaya atthe wa Nluku, Ye oninkha wa waattavo vitthu zooshi yoori nisala nijirela.

1 Pheeturu 3:20

Epo zaari rooho za apale ahaari onshututelaaye Nluku, wakathi ye aari oweejaaye na ovilela siikhu epile Nuuhi aari omwaattalaavo aaraka. Eettiyemo atthu vattitthiiru, oosheene aari wanaane pi oosurukhiyeeyo khwa maati.

2 Pheeturu 1:11

toowo pi mwinttelaavo opwekherela ruhusa yooshi ya weetta muufwalume wa mileele wa Mbwana eetthu na Namuusuru Yinsa Al-Masiihu.

2 Pheeturu 3:15

Mwitthe mwa akhili mweenu yoori ovilela wa Mbwana eetthu onthoonyeza nusura, nkhama mphetani ttwiiyetthu Paawulu awaatikheliyeenini khwa ojuwa Nluku amwinkhiyeeyo.

2 Pheeturu 3:3

Khapula ya vitthu zooshi mwijuwe yoori, siikhu za mwiisho, anteela opuwa anamaveyisa aveyisaka na alottelaka tuvela zaya zootakhala.

2 Pheeturu 3:9

Mbwana khanrupaza oretta etile ahitiyeeyo, nkhama anaakanyeraazo atthu akina. Ila ye ti woovilela khwa mweeyo, khantakha yoori eeyevo ampwetheyaaye, ila ontakha yoori atthu ooshi athupwiye twampi zaya.

Othoonyeziwa 2:21

Kaamwinkhiye wakathi yoori athupwiye khwa khaapa yawe twayifu, ila ye khantakha othupwiya.

Othoonyeziwa 3:20

Mwisiileze! Miiyo kiri va nlako na kintta opiya. Amana ntthu asiila huula yaka na khufukula nlako, kintta ovira kije vamote na ye, na ye na miiyo.